ساغلیک وزیرلیگی سرپرستی وحید مجروح نینگ ایتیشیچه، هندی تیپلی کرونا ویروسی مملکتده جدی شکلده ییرلماقده. جناب مجروح کابل ده خبری بیر ییغین اوتکزیب ایتیشیچه، مملکت مرکزی لابراتواری ده داکترلر کرونا ویروس نینگ ینگی ایجابی واقعه‌لریدن کوپینچه‌سی هندی تیپلی کرونا ویروس بولگنی نی انیق‌لگن.
ساغلیک وزیرلیگی سرپرستی نینگ کوپه‌یتیریشیچه، کرونا نینگ هندی نوعی ییرله‌شی مملکتده وضعیت یمان بولگنی نینگ اصلی دلیلی دیر. ساغلیک وزیرلیگی سرپرستی نینگ ایتیشیچه، بو وزیرلیک مرکزی لابراتواری ده تیکشیریلگن ۱۹ شبهه‌لی واقعه‌دن ۱۱ ته‌سی دلتا تیپلی یا هندی و باشقه ۸ ته‌سی ایسه الفا یا انگلیسی دیر.
بیزلرنینگ فیسبوک صحیفه‌میزگه باش اورینگ!
باشقه بیر تاماندن مذکور وزیرلیک سرپرستی ساغلیک توصیه‌لر یشاوچیلر تامانیدن رعایت ایتیلمه‌سیدن تنقید قیلیب ایتیشیچه، قطار ولایتلرده هوتل‌لر آچیق دیر و بو هوتل‌لر مهمان‌لری و میزبان‌لری بیر نیچه کوندن کیین بستری بولیش اوچون کسلخانه‌لرگه مراجعت قیله‌دی.
اونگه کوره، «جانسون و جانسون» تیپلی کرونا واکسنی آمریکا دن کابل کیلیشی گه قرار قیلینگن. شونده‌ی بیرحالده، اوتگن بیر کیچه ده مملکتده کرونا گه چلینگن ۵۶ کسل جان بیرگن و بو ویروس دن بیر مینگ و ۹۵ ینگی ایجابی واقعه‌سی رویخط گه آلینگن. شو پیتده ۳۰۰ کسل ایسه دارولنگن.
بیزلرنینگ توییترده هم تعقیب قیلینگ!
ینگی واقعه‌لر قید ایتیلیشی بیلن کرونا گه چلینگنلر سانی ۱۱۴ مینگ و ۲۲۰ کیشی و جان بیرگنلر سانی ایسه ۴ مینگ و ۶۵۰ کیشی گه ییتیشگن.
