نیچه ییل دن بویان تینچلیک و امنیت امیدی بیلن بایسکل هیده‌یدی. آتی عزیزاحمد نجفی‌زاده، هرات ولایتی نینگ بایسکل هیداوچیلر فدراسیونی اعضاسی دیر. اونینگ ایتیشیچه، یالغیز امید و آرزوسی مملکتده تینچلیک و خوفسیزلیک تأمین‌لنیشی دیر.
عزیزاحمد، تینچلیک پیامی نی اهالی گه ییتیشتیریش اوچون ۶ کیشیلیک تیمی بیلن، بوگون ایرته‌لب هرات ولایت مقام بناسی برابریدن کابل تامان یول آلگن.
عزیزاحمد بیر پیام آرقه‌لی ایتیشیچه، بایسکل هیده‌ش بیلن دنیا جماعه‌چیلیگی گه افغانستان اهالیسی اوروش ایستمه‌ی و مملکت‌لری نینگ تینچلیگی و رواجله‌نیشی نی ایسته‌شلرینی کورسه‌تیش نی ایسته‌‌دیم.
بیزلرنینگ فیسبوک صحیفه‌میزگه باش اورینگ!
هرات بایسکل هیداوچیلر فدراسیونی باشلیغی سیدعبدالله فطری نینگ ایتیشیچه، مذکور ولایت بایسکل هیداوچی‌لری نینگ بایسکل هیده‌شیدن مقصد، اولکه پایتختی گه تینچلیک، امنیت، ایناغه‌لیک و بیرلیک نینگ پیامی نی ییتیشتیریش دیر.
اونینگ ایتیشیچه، هرات بایسکل هیداوچی‌لری نینگ تیمی کابل گه ییتیشیش اوچون، هر کون ۱۳۰ کیلومتر بایسکل هیده‌یدی.
هرات ولایت حاکمی نینگ اورین‌باسری شیراحمد عمار، بایسکل هیداوچیلرنینگ اوشبو اقدامی نی خوش قرشی‌لب و ایتیشیچه، اولر سپورتچیلر و ییگیت‌لرگه یخشی سپورت قیلیش زمینه‌سی یره‌تیش اوچون، سعی و حرکت قیله‌دی.
بو هرات بایسکل هیداوچی‌لردن بیرینچی تیم دیر که اسلامی امارت حاکمیتی ده هرات دن کابل تامان بایسکل هیده‌ش گه باشله‌گن.
