فاریاب ولایتی‌ده بایسکل هیداوچی عیاللر، عیاللرگه خاص سپورت میدان یوقلیگیدن تنقید قیلیشگن.

بایسکل هیداوچی‌لردن بیری فریبا آرام نینگ ایتیشیچه، عیاللرگه خاص سپورت‌میدان بولمه‌گنی باعث، یخشی شکلده سپورت قیله ‌آلمه‌یدیلر.

خانم آرام گه کوره، عیاللرگه خاص سپورت میدان یوقلیگی باعث یاغمیر آستیده سپورت قیله‌دیلر و انه شوباعث ولایتدن تشقی اوتکزیله‌دیگن بیله‌شوولرگه شرکت قیله آلمه‌یدیلر.

بایسکل هیداوچی سپورتچی‌لردن خانم شبانه و خانم بصیره احمدی نینگ ایتیشیچه، بایسکل هیده‌ش اوچون مناسب مکان یوقلیگی و بو توغریده خلق نینگ توشونچه‌سی منفی بولگنی، عیاللرگه قرشی کتته قیینچیلیکلر حساب‌لنه‌دی.

انه‌شوحالده، خانم بصیره احمدی و خانم شبانه، دولت‌دن سپورتچی عیاللر اوچون مناسب ییر قوریلیشی نی سوره‌گن.

فاریاب ولایتی نینگ بدن تربیه‌لش و سپورت آمری عبدالوهاب مجیدی، عیال سپورتچیلرنینگ قیینچیلیگی نی تصدیق‌لب ایتیشیچه، فاریاب‌ده عیاللرگه خاص سپورت میدانی یوق.

جناب مجیدی گه کوره، اوشبو ولایتده ۶۰ عیال فوتسال، بایسکل و فتنس بولیم‌لریده سپورت قیله‌دیلر، لیکن سپورت قیلیش اوچون مناسب ییر یوقلیگی اینگ بویوک قیین‌چیلیک‌لردن دیر.

فاریاب بدن تربیه‌لش آمری نینگ کوپه‌یتیریشیچه، یقیین زمان ده اوشبو ولایت عیاللری اوچون بیر جمنازیوم قوریله‌دی.

فاریاب بدن تربیه‌لش مسؤل‌لری نینگ ایتیش‌لریچه، ایرکک و عیال سپورتچی‌لرنی تشویق قیلیش اوچون هیچ قنده‌ی امکانیت‌لری یوق و سپورتچیلر شخصی پول‌لری بیلن بیله‌شوولرده قتنشه‌دیلر.

شونده‌ی بیرحالده، اوتگن کون فاریابلیک یولدوز هاشمی کابلده یولگه قوییلگن بایسکل هیده‌ش بیلشوویده بیرینچی اوریننی ایگلَلگن.

مذکو بیلشووده مملکت نینگ آلتی ولایتیدن ۴۰ ته قیز قتنشگن ایدیلر.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام