اوروش؛ کمیده بیش دهه‌دن بیری افغانستان یشاوچیلریدن قربان‌لیک آله‌دیگن بیر قیین‌چیلیک دیر.
اوتمیش ۲۰ ییل جریانیده‌گی اوروش‌لر سبب، اوشبو مملکت نینگ مینگ‌لرچه یشاوچیسی هلاک و یره‌لنگن که، خوفسیزلیک کوچلر مذکور قربان بولگنلر آره‌سیده بیرینچی چیزیغ‌ده قرار تاپگن.
اوتمیش ایکی دهه آمارلری اساسیده، سابق حکومت نینگ کمیده ۴۵ مینگ دفاعی و خوفسیزلیک کوچلری هلاک بولگن دیر.
بیزلرنینگ فیسبوک صحیفه‌میزگه باش اورینگ!
حاضر ایسه، سابق خوفسیزلیک کوچلری آره‌سیده قربان بولگنلر نینگ عایله اعضالری، عزیزلری نی قولدن بیرگنلری یانیده، شونینگدیک اقتصادی قیین‌چیلیک بیلن روپه‌ره بولیب و کیچه و کوندوز‌لری نی قیین بیر شکلده اوتکزه‌دیلر.
سونگی اوروش‌لرده ایکی باله‌سی نی قولدن بیرگن سعیده نام‌لی آنه، حاضر ایسه انسان دوستلیک یاردم‌لر قولگه کیلتیریش اوچون یاردم بیرووچی موسسه‌لردن بیری‌ده نوبت گه توخته‌ب و روزگار نینگ قیین‌چیلیگی و قشاق‌لیکدن شکایت قیله‌دی.
مذکور کیکسه آنه نینگ ایتیشیچه، یاردم اوچون هر کیم نینگ ایشیگی نی اورگن دیر؛ بیراق هیچ کیم اونگه یاردم بیرمه‌ی و اونینگ قولی نی توتمه‌گن.
اونینگ کوپه‌یتیریشیچه: «آلتی کیشی بیر اویده حیات کیچیره‌میز، قیزیم نی اویی‌ده بیر توته نان تاپیلگنی صورت‌ده، ییه‌میز. اونینگ تورموش اورتاغی هم ایش‌سیز دیر. اوزیم کسل، قلبی کسل‌لیگیم بار. کیچه‌دن حاضرگچه بیر دانه بیسکویت ییگن‌مین.»
شونینگدیک تورپیکی و نرگس نینگ حکایه‌سی هم قیغولی دیر. اولر اوتمیش ییل‌لرده‌گی اوروش‌لرده سرپرست‌لری نی قولدن بیریب و حاضر ایسه کوپینچه قیین کون‌لرده قرار تاپگنلر.
سکیز کیشی‌لیک بیر عایله نینگ خره‌جتی نی تامین‌لش اوچون قیین کون‌لرده قالگن تورپیکی، حکومت و یاردم بیرووچی نهاد‌لر تامانیدن یاردم بیریلیشی نی ایسته‌گن.
بیزلرنینگ توییترده هم تعقیب قیلینگ!
عین حالده، باشقه قیین‌‌چیلیک‌لر یانیده ایکی باله‌سی نینگ نابیللی تقدیری نرگس نی کوپراق آزار بیره‌دی.
ایکی ییل آلدین تورموش اورتاغی نی قولدن بیرگن نرگس نینگ ایتیشیچه، باله‌لری آتهلری یوقلیگی نی حس قیلمه‌یشلری اوچون سعی و حرکت قیله‌دی و هر حالت‌ده باله‌لری نی تعلیم و تربیه اورگنیش‌لری اوچون یوباره‌دی.
اونینگ کوپه‌یتیریشیچه: «اصلی اولیمیم شو که، باله‌لریم تعلیم‌دن قالمه‌سین، درس اوقیب و تحصیل قیلیش‌لری نی ایسته‌یمین، شهید آتهلری کبی سارنوال بولیب اهالی گه خذمت قیلیش‌لری نی ایسته‌مین.»
شونده‌ی بیرحالده، افغانستان ملی کوچلریدن حمایت قیلووچی مؤسسه، ۱۲۰ سابق خوفسیزلیک کوچلر نینگ عایله اعضالری نی تانیش و یاردم بیریش خصوصیده ایشانچ بیرگن.
اوشبو موسسه مسئوللریدن امیرمحمد واثق نینگ سلام‌وطندار گه ایتیشیچه: «اینگ نیازمند نی تانیش و اولر گه یاردم بیریش اوچون سعی و حرکت قیله‌میز.»
شونده‌ی بیرحالده، اسلامی امارت نینگ قدرت گه ایریشگنیدن کیین، اوتگن بیر ییل‌ده نادارلیک کوپه‌یب و خلق‌ارا یاردم بیرووچی تشکیلات‌لر کیله‌سی قییش موسومی‌ده انسانی تلفات امکانی خصوصیده خواطر بیلدیرگن.
