بیرلشگن ملتلر تشکیلاتی باش کاتبی آنتونیو گوترشنینگ اعلام قیلیشیچه، دنیا بویلب قریب ۸۰۰ میلیون کیشی آغیر قشاقلیک شرایطیده یشهماقده.
گوترشنینگ بوگون ایرتهلب (۱۰-جوزا/۳۱-می، یکشنبه)، بیر پیام آرقهلی اکس صحیفهسیده یازیشیچه، دنیانینگ تورلی بولیملریده میلیونلب کیشی شونینگدیک جدی شکلده کمبغللیکدن اذیت چیکیب، اوروشلر، هوا بحرانلری و اقتصادی تینگسیزلیک کوچهیشی کبی بیر قطار عامللر، اولرنینگ تیریکچیلیگینی قیینلشتیرگن.
بیرلشگن ملتلر تشکیلاتی باش کاتبی، دنیا ده اقتصادی یاندهشوولرنی اوزگرتیریش ضرورلیگیگه تاکیدلب و ایتیشیچه: «انسانلر اولویتده بولگن اقتصادلرنی شکللنتیریشیمیز همده قشاقلیکنی کمهیتیریش و قشاقلیکنی یکونلنتیریش اوچون اوز قرشی کورهشیمیزگه دوام بیریشیمیز کیرهک.»
آغیر قشاقلیک، دنیا ده رواجلنیش آلدیدهگی اینگ مهم معمالردن بیری حسابلنهدی. قوراللی توقنشوولر، اقلیم اوزگریشلری عاقبتلری، اقتصادی بحرانلر و آزدرآمدلی مملکتلر قرضلری کوپهیشی، دنیانینگ بیر قطار بولیملریده قشاقلیکنی کمهیتیریش جریانینینگ جدی قیینچیلیکلر بیلن روپهره قیلگن.
