خلق‌ارا آزیق-آوقات دستوری بوگون (چهارشنبه، ۱۸ عقرب) بیر بیانیه ترقه‌تیب ایتیشیچه، اروپا اتفاقی افغانستانده محتاج کیشی‌لرنی قوللب-قوتلش اوچون اوشبو تشکیلات گه ۵۰ میلیون یور یاردم بیرگن.
بیانیه ده کیلیشیچه، افغانستان یشاوچیلری بیر ییل دن بویان کوتیلمس درجه ده اقتصادی و یشش محیط قیینچیلیکلری بیلن روپه بولیب و کیله‌سی قیش اوچون چاره تدبیر کوریشمه‌گن.
بیزلرنینگ فیسبوک صحیفه‌میزگه باش اورینگ!
خلق‌ارا آزیق-آوقات دستوری نینگ سونگی معلوماتی اساسیده، افغانستان ده هر ۱۰ عایله دن بیر عایله اینیقسه سرپرستی خاتین بولگن عایله‌لر، ییگولیک ماده‌لرینی تیارلشگه قادر ایمسلر.
افغانستانده خلق‌ارا آزیق-آوقات دستوری باشلیغی ماری الن مگرورتی گه کوره، اوشبو مملکت خلقی اوتمیش‌لر گه نسبتن حاضر مالیه‌وی یاردم گه محتاج دیر.
او اروپا اتفاقی نینگ اوشبو ۵۰ میلیون یورولیک یاردم‌لریدن منتدارلیک بیلدیریب ایتیشیچه، مذکور تشکیلات افغانستانده‌گی کمبغل‌لر گه یاردم‌لرینی دوام بیریشیگه همکارلیک قیله‌دی.
بیزلرنینگ توییترده هم تعقیب قیلینگ!
اونگه کوره، اوشبو ییل اروپا اتفاقی نینگ مالی یاردمی بیلن، افغانستان ده ۱.۴ میلیون درخت ایکیلیب، ۷۲۰ کیلومتر کانال و سوو تاشقین‌لرینی آلدینی آلیش ۱۱ کیلومتر محافظتی دیوار قوریلگن.
خلق‌ارا یاردم بیرووچی تشکیلات‌لر نینگ معلوماتی گه بناً، افغانستان نینگ ۹۷ فایز اهالیسی کمبغل و بو مملکت نینگ یریمی دن آرتیق جمعیتی، تیریک قالیش اوچون انسان پرورلیک یاردم‌لر گه نیازمندلر.
