بوگون “یکشنبه” مملکت جمهور رئیسی محمداشرف غنی، ملی مصالحه کینگشی باشلیغی عبدالله عبدالله بیلن اوچرهشگن.
جمهورلیک ریاستی نینگ بیر خبرنامه آرقهلی اعلان قیلیشیچه، اوشبو اوچرهشوو جمهورلیک ریاستیده اوتکزیلگن و ایکی تامان طالبان گروهی و افغانستان دولتی آرهسیده بولگن سوزلشوولرنینگ ایکینچی مرحلهسی نینگ زمانی و مکانی خصوصیده بحث قیلگنلر.
بو اوچرهشووده جناب غنی نینگ ایتیشیچه: «افغانستان حکومتی، تینچلیک جریانیدن حمایت قیلووچی گروپ بیلن بیرلیکده تینچلیک جریانی نینگ ایکینچی مرحلهسینی آلغه آلیب بارهدی.»
ایتیلیشیچه، بوندن آلدین جمهور رئیس غنی و ملی خوفسیزلیک کینگشی مصلحتچیسی حمدالله محب تینچلیک سوزلشوولر نینگ ایکینچی مرحلهسینی افغانستانده ایچی ده یولگه قویلیشی اوستیگه تاکید قیلگن ایدی.
جمهورلیک ریاستی تامانیدن نشر قیلینگن خبرنامه ده ایتیلیشیچه، اوشبو اوچرهشووده ملی خوفسیزلیک کینگشی مصلحتچیسی حمدالله محب هم حضور تاپگن.
