مملکتده زوروانلیکلر و ناتینچلیکلر کوپه‌یب و شونینگدیک کمیده ۲۰ ولایت مرکزی طالبان نظارتیگه اوتگن بیرحالده، جمهوررئیس محمداشرف غنی، بوگون ویدیوی بیر پیام ترقه‌تیش بیلن، اوروش و ناتینچلیک نی آلدینی آلیش اوچون مملکت جاری وضعیتی توغریسیده مصلحت باشله‌گنیدن خبر بیرگن.
جمهوررئیس نینگ ایتیشیچه، ناتینچلیک، اوروش و بی‌گناه کیشیلر اولیمی نی آلدینی آلیش اوچون ایچکی و تشقی سطح ده مصلحت‌لرنی دوامی بار و اونینگ نتیجه‌سی تیزلیککه اهالی گه شریک قیلینیشی ممکن.
محمداشرف غنی نینگ ایتیشیچه، «تاریخی بیر رسالت صفتیده، تحمیل بولگن اوروش بوندن آرتیق اهالی نینگ اولیمی گه سبب بولیشی، ۲۰ ییل‌لیک یوتوقلر قولدن کیتیشی، عامه تأسیسات‌لر تخریب ایتیلیشی و ناتینچلیکلر دوام تاپیشی نی آلدینی آلیش اوچون حرکت قیله‌من. شو یوزه‌دن دولت نی ایچیده بویوکلر، سیاسی رهبرلر، تورلی قشرلر نماینده‌لری و خلق‌ارا همکارلر بیلن کینگ مصلحت‌لرنی دوامی بار، اونینگ نتیجه‌سی تیزلیککه سیزلر بیلن شریک قیلینیشی ممکن.»
بونده‌ی بیاناتلر ارایه ایتیلگن بیرحالده، جناب غنی نینگ استعفا بیریشی توغریسیده قطار گزارشلر ترقه‌تیلگن و منبعلرنینگ ایتیش‌لریچه، او آتیش کیسین و موقت بیر حکومت تشکیل ایتیلیشی اوچون قدرت دن چیتله‌نیش گه تیارلنگن.
بیزلرنینگ فیسبوک صحیفه‌میزگه باش اورینگ!
عین حالده، سیاسی ایش بیلرمانلرنینگ ایشانچ‌لریگه کوره، جمهوررئیس نینگ استعفاسی جاری اوروش نینگ آلدینی آلاله‌دی و دنیا جماعه‌چیلیگی بو ایش نینگ عملی قیلینیشی اوچون ییترلیچه باسیم کیلتیرمه‌گن صورتده، جناب غنی قدرت دن قول تارتمه‌یدی.
سیاسی ایش بیلرمان باقر محسنی نینگ ایتشیچه، «کابل نینگ جغرافیاسیگه توجه قیلینگن صورتده، طالبان تیزلیککه نفوذ قیلیشی ممکن و جناب غنی شونده‌ی بیر شکلده لجاجت و شله‌‌لیک قیلگن صورتده، کابل نینگ سقوط قیلیشی قطعی دیر.»
شونینگدیک حربی ایش بیلرمان عتیق‌الله امرخیل نینگ اورغولشیچه، ایچکی حمایت بولمه‌دن حکومت‌لرنینگ سقوط قیلیشی ممکن ایمس و یالغیز تشقریده بولگن اوروش بیر حکومت نینگ نابود قیله آلمه‌یدی.
جناب امرخیل گه کوره، افغانستان برابریده تشقی مملکتلرنینگ سیاستی هم کوپ پیچیده دیر و قرار افغانستانلیکلرنینگ اوز قوللریده ایمس.
ایتیش کیره‌ک اوتگن بیر هفته‌ده مملکت غرب و جنوبیده‌گی کتته شهرلر شامل ۱۸ ولایت طالبان نظارتیگه اوتدی و شونینگدیک باشقه ولایت‌لرده طالبان و امنیتی کوچلر آره‌سیده آتیشمه‌لرنینگ دوامی بار. عین حالده، طالبان بوگون پکتیکا مرکزی شرنه شهری نینگ نظارتگه آلگن‌لرینی ادعا قیلگن.
