غزنی معلومات و مدنیت ریاستی نینگ اورگه‌تیش مرکزی؛ اسلامی امارت حاکمیت نی قولگه آلمسدن آلدین «لنکن» اورگه‌تیش مرکزی آتیده فعالیت قیلیب و آمریکا قوشمه ایالت‌لری نینگ ایلچی‌خانه‌سی تامانیدن حمایت بولر ایدی، حاضر اسلامی امارت حربی‌لری اوچون انگلیسی تیلی و کامپیوترنی اورگه‌تیش مرکزی گه ایلنگن.
تعلیمی صنف‌لردن بیرینچی صف‌لریده، صدیق‌الله ایوبی اولتیرگن؛ او ۶ ییل‌دن کوپ اسلامی امارت حربی‌لری بیلن فعالیت قیلگن و شونینگدیک حاضر ایسه غزنی استخبارات ریاستی‌ده ایشله‌یدی. او، حاضر زمانه‌وی بیلیم اینیقسه کامپیوتر و تشقی تیللر نینگ اورگنیشی نی بیر نیاز بیله‌دی.
بیزلرنینگ فیسبوک صحیفه‌میزگه باش اورینگ!
صدیق‌الله نینگ ایتیشیچه: «حاضر بیزلر کوپ خورسندمیز چونکه بو نرسه‌لر ضرور دیر. دنیا پیشرفت قیلگن. اوقیلگن و یازیلگن برچه نرسه کامپیوتر آرقلی انجام بیریله‌دی. الحمدالله بو ییرده بوتون مجاهدلر انگلیسی و کامپیوتر اورگنه‌دیلر.»
شفیق‌الله مذکور مرکزده تعلیم کوره‌دیگن حربی‌لردن باشقه بیری دیر. او شونینگدیک اسلامی امارت حربیلریدن بوگونکی تعلیم‌لر نینگ بولیم‌لری نی اورگنیب و بیر بولیم‌ده اکتفا قیلمه‌یشلری نی سوره‌گن.
شونده‌ی بیرحالده، اوشبو تعلیمی مرکز نینگ سابق اوقوچیلری صنف‌لرده حربیلر بیلن بیر ییرده تعلیم کوره‌دیلر اولرنینگ ایتیش‌لریچه، اولر حربی صنفی‌لری نینگ قوراللریدن قورقمه‌یدیلر و اولر بیلن صمیمی دوست بولگنلر.
بیزلرنینگ توییترده هم تعقیب قیلینگ!
لنکن تعلیمی مرکزی‌ده کمیده ۸۰۰ اوقووچیسی بار. مذکور مرکز اوقووچیلری نینگ ایتیش‌لریچه، اوشبو مرکز نینگ کمیده ۳۰۰ اوقووچیسی نی اسلامی امارت حربی‌لری تشکیل بیره‌دی. اولر گه کوره، حربیلر باشقه اوقووچیلرگه قره‌گنده تعلیم اوچون کوپراق علاقه‌مندلر و کوپ سعی و حرکت قیله‌دیلر.
غزنی‌ده اسلامی امارت حربی‌لری نینگ تعلیم اوچون سعی و حرکتلری، اوشبو ولایت یشاوچیلری نینگ خورسندلیکلری گه سبب بولگن. یشاوچیلر نینگ ایتیش‌لریچه، تعلیم اوچون حربیلر نینگ علاقه‌سی، اسلامی امارت کوچلری و باشقه یشاوچیلر آره‌سیده‌گی فکری تفاوت‌لری نی کمه‌یتیره‌دی.
