هلمند، ننگرهار، قندهار، بغلان، میدان‌وردک، هرات، فاریاب و لغمان امنیتی مسوول‌لری نینگ ایتیش‌لریچه، مذکور ولایت‌لرده طالبان تامانیدن اویوشتیریلگن هجوم‌لر کیین‌گه اوریلگن.
امنیتی مسوول‌لرنینگ ایتیش‌لریچه، اوتگن ۲۴ ساعت جریانیده طالبان جنگریلریدن ۴۹ ته‌سی هلاک و باشقه ۲۴ ته‌سی یره‌لنگن.
امنیتی مسوول‌لرگه کوره، طالبان جنگریلریدن ۱۲ ته‌سی هلمند، ۱۱ ته‌سی ننگرهار و ۷ ته‌سی قندهار ولایتیده هلاک ایتیلگن.
عین‌حالده، ملی مدافعه وزیرلیگی رسمی‌لری نینگ ایتیش‌لریچه، طالبان گروهی‌گه قرشی امنیتی کوچلرنینگ هجوملری شدت‌لنگن و بیرقطار ولایت‌لرده کوپ قطار منطقه‌لر طالبان وجودیدن تازه‌لنگن.
ملی مدافعه وزیرلیگی سوزلاوچیسی نینگ اورین باسری فواد امان نینگ سلام‌وطندارگه ایتیشیچه، بیرقطار ولایت‌لرده طالبان گروهی‌گه قرشی هجوم‌لرنی دوامی بار و یالغیز بغلان ولایتیده ۳۵ طالب هلاک ایتیلگن.
ملی مدافعه وزیرلیگی سوزلاوچیسی نینگ کوپه‌یتیریشیچه، امنیتی کوچلرنینگ هجوملری شدت‌لنگنی سبب، طالبان گروهی مورال‌لرینی قولدن بیرگن.
مملکت یشاوچی‌لریدن بیرقطاری، آتیش‌کیسین دن سونگ، قطار ولایت‌لرده ناتینچلیکلر کوپه‌یگنیدن خواطر بیلدیرگنلر و اوروش تامان‌لریدن مملکتده دوامی بولگن اوروش‌نی توخته‌تیش‌لرینی سوره‌گنلر.
عین‌حالده، طالبان سوزلاوچیسی ذبیح‌الله مجاهد نینگ سلام‌وطندارگه ایتیشیچه، امنیتی کوچلر هجوم‌لریگه قرشی جواب قیترگنلر.
