فاریاب ولایتی شیرین‌تگاب تومنی یشاوچیلریدن قطاری نینگ ایتیش‌لریچه، اوشبو تومن نینگ کمیده ۲۶۰ مینگ نفوسی بار، لیکن اوشبو تومن‌ده یالغیز ۲۰ یاتاقلی بیر کسلخانه موجود دیر.
فاریاب ولایتی شیرین‌تگاب تومنی نینگ ۲۰ یاتاقلی کسلخانهسیده مسلکی داکتر یوقلیگی و دارو کملیگی، اوشبو تومن یشاوچیلری نینگ شکایتی گه سبب بولگن.
فاریاب ولایتی شیرین‌تگاب تومنی یشاوچیلریدن قطاری نینگ ایتیش‌لریچه، اوشبو تومن کسلخانهسیده یالغیز باش آغریق و جان آغریق دارو‌سی تاپیله‌دی و باشقه دارو‌لر موجود ایمس. انه‌شوو سبب، کسل‌لردن کوپ قطاری جدی قیین‌چیلیک بیلن روپه‌رو بولگنلر.
بیزلرنینگ فیسبوک صحیفه‌میزگه باش اورینگ!
شیرین‌تگاب تومنی‌ده کسل‌لردن بیری کیم‌لیگی نینگ سرِ قالیش نی ایسته‌ب سلام‌وطندار گه ایتیشیچه، ۷ آیدن بیری قلبی کسل‌لیککه چلینگن، لیکن اونینگ تداویسی اوچون داکترلر هیچ بیر ایش انجام بیرمه آلمه‌یدیلر.
اونگه کوره، اوشبو تومن کسل‌خانه‌سی گه بیر مرته مراجعت قیلیب و بیر سیروم آلگنیدن کیین، وضعیتی بیراز یخشی بولگن ایکن، بیراق حاضر ایسه اوچ کون‌دن بیری اوشبو کسلخانه گه مراجعت قیله‌دی، لیکن داکترلردن هیچ بیری کمک قیلمه‌گن. اونینگ کوپه‌یتیریشیچه: «کسل مین، داکترلر دارو بیردیلر و بیراز یخشی بولگن ایدیم که قیته مراجعه قیلگنیدم پیتده، داکترلر دارو یوقلیگی و تداوی قیله آلمه‌یشلری نی ایته‌دیلر.»
شیرین تگاب یشاوچیلریدین غیب‌الله و گل‌احمد نینگ ایتیش‌لریچه، اوتمیش‌ده مذکور تومن‌ده کوپ اورورش یوز بیرگن. اهالی قشاق و آواره دیر و مسلکی داکتر یوقلیگی اوشبو اهالی نینگ اساسی قیین‌چیلیکلریدن دیر.
اولر نینگ ایتیش‌لریچه، اوشبو کسل‌خانه‌ده یاتاق کملیگی باعث، کسل‌لر درخت‌لر آستیده یاته‌دیلر. غیب‌الله نینگ کوپه‌یتیریشیچه: «اوشبو تومن نفوسی کوپ دیر و اوتمیش‌ده بو تومن‌ده اوروش بار ایدی، اهالی‌ده پولی یوق و اوز پول‌لری بیلن داکتر گه مراجعه قیله‌ٔیلر. بو تومن‌ده بیر پاکت داور نی آلالمه‌گن کیشیلر هم بار.»
شونینگدیک گل‌احمد نینگ ایتیش‌لریچه: «مذکور کسلخانه یاتاق‌لریده بخاری و پکه هم یوق. قیش موسومی‌ده کوپ یخ بوله‌دی و شونینگدیک کوکلم‌ده ایسه جدا هم ایسیق بوله‌دی.»
فاریاب ساغلیک نی سقلش ریاست سرپرستی عجب‌گل حمیدی، اوشبو قیین‌چیلیکلر نی تصدیق‌لب ایتیشیچه، دارو و داکتر کملیگی اوشبو ریاست نینگ اساسی قیین‌چیلیکلریدن دیر.
بیزلرنینگ توییترده هم تعقیب قیلینگ!
جناب حمیدی گه کوره، اوتمیش ۲۰ ییل جریانیده مملکت اوروش‌لر گه شاهد ایدی و انه شوو سبب، کسلخانه و کلینیک‌لردن قطاری تخریب و ساغلیک تجهیزات‌لر اورته‌دن کیتگن.
فاریاب ساغلیک نی سقلش ریاست سرپرستی عجب‌گل حمیدی نینگ کوپه‌یتیریشیچه: «ولایتی‌میزده‌گی کسل‌خانه‌ده هم قیین‌چیلیک موجود دیر. پرسونل‌لر آز، دارو آز و طبی جهازلر آز دیر. تومن‌لردن مراجعت قیلگن کسل‌لر نینگ قیین‌چیلیکلری درست بیر شکلده حل بولمه‌یدی. شو یوزدن کسل‌لر نی زون‌لر‌ده‌گی کسل‌خانه‌لر گه یوباره‌میز.»
شیرین‌تگاب تومن یشاوچیلری اسلامی امارت حکومتی‌‌دن تورلی بولیم‌لر اینیقسه ساغلیک بولیمیده اوشبو اهالی قیین‌چیلیکلری نینگ حل بولیشی نی ایسته‌‌یدیلر.
