تخمیناً ۲۴ یا ده ۲۵ یاشر دیر؛ لیکن سیماسیده‌گی ناخورسندلیک یاش‌لیک هیجانینی اوندن آلگن. او ینگی‌لیکده تاریخ بولیمیدن دیپلومینی آلگن ایتیشیچه، نیچه کوندن بویان روحی افسرده‌لیک بیلن دوچ بولگن. ناخوش‌لیک و افسرده‌لیک سببینی سوره‌گنده، ایش‌سیزلیک و کیله‌جک دن ناامیدلیکنی بیمارلیگی نینگ اساسی دلیلی عنوان قیله‌دی.
اقتصادی قیینچیلیک بیلن تحصیل قیلگن فواد –مستعار – اسملی ییگیت، بیلیم یورت دن فارغ بولیشیدن کیین اوزینی تیکلشینی ایستر ایدی؛ بیراق فاریاب مرکزی میمنه شهری نینگ بیر چیکه‌سیده افسرده‌لیک بیلن حیات کیچیرماقده.
فواد نینگ سلام‌وطندار گه ایتیشیچه، اوشبو کون‌لر بیلمسدن و دلیل‌سیز، عایه اعضالری و دوست‌لری بیلن جنجل لشه‌دی. اونگه کوره: «انسان نینگ احوالی طبیعتی گه بیللی دیر. ایکی ییل آلدین نورمال ایدیم، حاضر اوی ده هم و تشقری ده هم دوست‌لریم بیلن میده_چوده اوستیده جنجل لشه‌من.»
بیزلرنینگ فیسبوک صحیفه‌میزگه باش اورینگ!
فواد نینگ ایتیشیچه، اقتصادی قیینچیلیک و ایش‌سیزلیگی باعث، اوشبو کون‌لر روحی کسل‌لیککه دوچ بولگن. فواد نینگ کوپه‌یتیریشیچه: «یاش‌لر زحمت چیکیب درس اوقیشگن، لیکن بوگون‌لیک کونده ایش‌سیز دیر، کوپ سانده یاش‌لر ایش‌سیزلیک باعث بنگی‌وار ماده و چرس چکه‌دیلر و شونینگدیک تحصیل قیلگن یاش‌لردن قطاری بیر لقمه نان تاپیش مقصدیده چیت ایل‌لرده مردکارلیک قیلیشماقده‌لر.»
فواد نینگ ایناغه‌سی ذبیح‌الله گه کوره، او بیلیم یورت دن فارغ بولگنیدن کیین، رفتاری اوزگریب و میده_چوده اوستیده جنجل لشه‌دی.
ذبیح‌الله نینگ ایتیشیچه: «طلبه‌لیک وقتیده نورمال ایدی؛ وظیفه تاپیب و حیاتینی تیکلش اوچون اوزی گه ایشانر ایدی؛ لیکن فارغ بولگنیدن سونگ برچه عادتی اوزگردی و حاضر روحی کسل‌لیککه دوچ بولگن.»
اوتگن بیر ییل ده ایش‌سیزلیک و قشاق‌لر سانی کوپه‌یشی بیلن، فاریاب یشاوچیلری اینیقسه یاش‌لری آره‌سیده روحی کسل‌لیکلر کوپه‌یگن، انده_سنده اوشبو ولایت نینگ چیکه حدودلریده اوزینی اولدیریش واقعه‌لریدن خبر بیریله‌دی.
فاریاب ولایتی کسلخانه‌سیده ساغلیق‌نی سقلش مسئوللری نینگ ایتیشلریچه، اقتصادی قیینچیلیک باعث روحی کسل‌لیکلر گه چلینگن کیشی‌لر کوپراق اوشبو کسلخانه گه مراجعت قیله‌دیلر.
فاریاب ولایتی کسلخانه‌سی نینگ عقلی و عصبی متخصصی نقیب‌الله خطیبی نینگ سلام‌وطندار گه ایتیشیچه، سونگی آی‌لرده فاریاب یشاوچیلری آره‌سیده روحی کسل‌لیکلر کوپه‌یگن.
بیزلرنینگ توییترده هم تعقیب قیلینگ!
جناب خطیبی نینگ ایشانچی گه کوره، ۱۳ یاش دن آلیب ۳۵ یاشر خاتین قیزلر کوپراق روحی کسل‌لیککه چلینه‌دی و اولردن بیر قطاری اوز جان‌لری گه قصد قیلیب حیات‌لری گه چیک قویه‌دی.
فاریاب ولایتی کسلخانه‌سی نینگ عقلی و عصبی متخصصی نینگ کوپه‌یتیریشیچه: «هر آی ده تخمیناً ۱۵۰۰ یا ده ۱۶۰۰ روحی کسل‌لیککه چلینگن کیشی ولایتی کسلخانه گه مراجعت قیلیشه‌دی، شونینگدیک اوشبو بولیم متخصص‌لری نینگ شخصی معاینه خانه‌لری گه مراجعت قیلووچیلر سانی بیللی ایمس، روحی کسل‌لیک برچه یاش‌لر اینیقسه ۱۳ یاشر دن ۳۵ یاشر عیاللر آره‌سیده کوپراق سیزیله‌دی.»
جناب خطیبی گه کوره، فاریاب ده روحی کسل‌لیککه چلینگنلردن قطاری، ناخوش‌لیکلریدن قوتیلیش اوچون زهرلیک دارو ییب و اوزلرینی آلاو بیریش ایش‌لرگه قول اوره‌دیلر.
اونگه کوره: «مراجعت قیله‌دیگن کسل‌لر نینگ خواست‌لری گه دقت بولمه‌یدی، اوز جان‌لری گه قصد قیلیشگه قول اوریشه‌دی، زهرلی دارولر و حتا بیر قطاری اوزلرینی قودوققه تشله‌یدی.»
فاریاب ده عقلی و عصبی متخصص‌لر نینگ ایتیشلریچه، اوشبو ولایتده روحی کسل‌لیکلر گه چلینگنلر سانی کوپه‌یشی گه بناً، فاریاب ولایتی کسلخانه‌سیده اولرنی درمانلش اوچون مخصوص بولیم آچیلیشی کیره‌ک.
فاریاب ساغلیق‌نی سقلش باشلیغی عجب‌گل، میدیالر بیلن اوتکزگن صحبت‌لریده مذکور ولایت نینگ ولایتی کسلخانه‌سی تشکیلات تنقیص‌لیگی بیلن روپه‌ره لیگینی معلوم قیلگن.
