فاریاب مرکزی میمنه شهری ده جواز آرقه‌لی کونجوت و زغیر ایشلب چیقرووچی صناعتچیلردن بیرقطاری، تولیدلری برابریده‌گی بی‌فرق‌لیکدن نالیب ایتیشلریچه، مذکور ولایت ده اوشبو قدیمی صناعت کونسه‌یین کسادلیککه یوز توتماقده دیر.
اولر گه کوره، جواز آرقه‌لی کونجوت و زغیر ایشلب چیقریش صناعتی، فاریاب ده تاریخی سابقه‌سی بولیب، اوتمیش ده کوپ سانده یشاوچیلر اوشبو صناعت تولیدلرینی استعمال قیلر ایدیلر، بیراق مسئوللر نینگ دقت‌سیزلیگی باعث اوشبو صناعت کونسه‌یین کسادلیککه یوز توتماقده.
جواز آرقه‌لی کونجوت و زغیر ایشلب چیقرووچی صناعتچیلردن بیرقطاری گه کوره، اوتمیش ده یالغیز میمنه شهری ده ۲۰۰ دن آرتیق کونجوت یاغینی ایشلب چیقرووچی «جواز» بار ایدی، لیکن حاضر اولر دن یالغیز ۸ ته‌سی فعال دیر.
فاریاب مرکزی میمنه شهری ده ۳۵ ییل دن بیری جواز صناعتی ده ایشلب کیلگن صوفی سمیعالله نینگ ایتیشیچه، کونجوت و زغیر یاغی، ییگولیک آوقت‌لر اوچون تاتلی بولیب و طبی سلامت‌لیککه ایگه دیر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه، سونگی ییل‌لرده‌گی قوروقچیلیک باعث کونجوت و زغیر حاصلی کمه‌یگن و بازار ده قیمتی نیچه برابر آشگن و یشاوچیلر اوشبو محصول‌لر نینگ یاغینی ساتیب آلیش توان‌لری یوق دیر.
اونگه کوره: «اوتمیش ده یالغیز بیرینچی ناحیه ده ۴۰ و ۵۰ جواز فعال ایدی، ده‌عزیزان کبی باشقه قیشلاق‌لرده ۴۰ و ۵۰ جواز بار ایدی، لیکن حاضرگی کونده فاریاب ولایتی بویلب ۸ جواز فعال دیر، اوشبو سکیز جواز هم کوپ قیینچیلیک‌لر بیلن فعالیت قیلماقده‌لر، ۱۰۰ کیشی دن بیر کیشی کونجوت یاغی استعمال قیله‌دی.»
جواز صناعتچیلریدن باشقه بیری ۶۵ یاشر دین‌محمد نینگ ایتیشیچه: «هر کونی قریب ۱۰ کیلو کونجوت یاغی ایشلب چیقره‌میز، اوتمیش ده ۴۰ کیلو ایشلب چیقرر ایدیک.»
او نینگ کوپه‌یتیریشیچه، سونگی ییل‌لرده‌گی قوروقچیلیک و اوشبو محصول‌لر نینگ چیت ایل گه صادر بولیشی باعث، کونجوت یاغی قیمتی باشقه یاغ‌لر گه قره‌گنده تورت برابر آشگن و هیچ کیم نینگ ساتیب آلیش توانی یوق دیر.
اولر، قدیمی جواز صناعتی یوق بولمسلیگی اوچون سرپرست حکومت دن دهقان‌لرنی قوللب_قوتلب و چیت ایل اولکه‌لر گه اوشبو محصولات صادراتی گه توسیق بولیب و حاضرگی کونده بیر کیلو کونجوت یاغی ۴۰۰ افغانی دیر ۱۵۰ افغانی گه کمه‌یتیریشنی سوره‌یدیلر.
باشقه تاماندن، فاریاب ده ایچکی شفاکارلردن بیری معروف ثمر، کونجوت و زغیر یاغی صفتینی یوقاری بهالب ایتیشیچه، کونجوت و زغیر یاغی طبیعی یاغ‌لردن بولیب و ساخته یاغ‌لر گه نسبتن فایده‌سی کوپ دیر.
بیزلرنینگ «ایکس» ترماغی ده هم تعقیب قیلینگ!
او کونجوت یاغینی تنه سلامت‌لیگی، قان باسیمی برابرلیگی و ساچ نی مستحکم قیلیش اوچون فایده‌لی دیدی.
او نینگ کوپه‌یتیریشیچه: «مراجعت قیله‌دیگن بیمارلردن کوپی ایریم کسل‌لیک دن نالیدی، لابرارتواری تیکشیرو دن کیین کولوسترولی بلند کیتگن، قلبی خسته‌لیک تاپگن حتا کیکسه کیشی‌لر ایکینچی تور دیابت کسلی گه چلینگنی انیقلنه‌دی، اساسی عاملی کونجوت و زغیر یاغ استعمال قیلمسلیک دیر، چونکه بازار ده‌گی یاغ‌لر نینگ تولید منبع‌سی بیللی ایمس.»
فاریاب ایکینچیلیک، سوغاریش و چاروه‌چلیک ریاستی مسئوللری نینگ ایتیشلریچه، دهقان‌لر نینگ اقتصادی قیینچیلیگی و یشاوچیلر نینگ کونجوت و زغیر یاغ دن آز استعمال قیلیش‌لرینی، جواز صناعتی کسادلیککه یوز توتیش عاملی عنوان قیله‌دیلر.
فاریاب ایکینچیلیک، سوغاریش و چاروه‌چلیک ریاستی اورین باسری نورالهدا متوکل، اوشبو ولایت ده کونجوت و زغیر حاصلی کمه‌یشیدن خواطر بیلدیریب سلام‌وطندار گه ایتیشیچه: «بو ییل فاریاب ولایتیده قریب ۹۹ فایز کونجوت ایکیلمه‌گن، سببی هم قار و یامغیر یاغمسلیگی دیر، بیر فایز نی هم قودوق‌لری بولگن دهقان‌لر ایککن‌لر.»
کونجوت و زغیر یاغ ایشلب چیقرووچی جواز، فاریاب ده تاریخی سابقه‌سی بولیب و یاغ تولید قیلووچی اینگ یخشی منبع سنله‌دی، تولیدلریدن آوقت‌لرده تورلی شکلده قوللـه‌نیله‌دی، بیراق صناعت اوتمیش گه نسبتن حاضر کسادلیککه یوز توتگن.
