تورکیه دولت رهبری رجب طیب اردوغان و آذربایجان جمهور باشلیغی الهام علی‌اوف، بوگون (دوشنبه، ۱۹ سرطان/ ۱۰ جولای) شوکت میرضیایف بیلن تیلیفونی علاقه قوریب و جناب ضیایف نی مذکور مملکت نینگ ایکینچی مرته جمهورلیک ریاستی سیلاوی گه غلبه قازانیشی بیلن تبریکله‌گنلر.
بیزلرنینگ فیسبوک صحیفه‌میزگه باش اورینگ!
اوشبو تیلیفونی ملاقات ده تامان‌لر، کوپ تامانلمه مناسبت‌لر جمله دن عالی درجه ده‌گی استراتیژیک همکارلیک‌لرنی ینه ده کینگه‌یتیریش و تورک دولت‌لری تشکیلاتی دایره‌سیده‌گی همکارلیک مسئله‌لرینی محاکمه قیلیب و اوزبیکستان خلقی گه تینچلیک و فراوان‌لیک طلب قیلگنلر.
دوشنبه کونی، اوزبیکستان بویلب یولگه قوییلگن جمهورلیک ریاستی سیلاو نتیجه‌سی، بوگون اوشبو مملکت سیلاو مرکزی کمیسیونی تامانیدن اعلام بولدی، اوزبیکستان سیلاو مرکزی کمیسیونی نینگ اعلامی اساسیده شوکت میرضیایف ۸۷.۵ فایز آواز آلیب و مذکور مملکت نینگ جمهور باشلیغی اوله‌راق سیلنگن.
شونینگدیک، اوزبیکستان جمهورلیک ریاستی سیلاوی گه نامزد رابعه‌خان انورنا محمدوه ۴.۴۳ فایز آواز، اولوغ‌بیک الیاس‌ویچ ۴.۲ فایز آواز و عبدالشکور حمزه‌ایف ۳.۷۴ فایز آواز آلگنلر.
بیزلرنینگ توییترده هم تعقیب قیلینگ!
اوزبیکستان مرکزی سیلاو کمیسیونی نینگ معلوماتی گه بناً، اوشبو سیلاو گه ۱۵.۵ میلیون کیشی یعنی سیلاوچیلر نینگ ۷۹ فایزی آواز بیرگنلر.
ایتیش کیره‌ک که، اوزبیکستان بویلب ۲۷۰ میلیون ۲۷۰ مینگ ۲۱۲ کیشی سیلاوچی صفتیده رویخط دن اوتکزیلگنی ایتیلگن.
