فاریاب ده کرونا ویروس بیمارلری اوچون اختصاص لشتیریلگن کسلخانه شفاکارلری و ایشلاوچیلری اوشبو ولایت نینگ مرکزی میمنه شهری‌ده ناراضی‌لیک نمایش اوتکزیب و حقوقلری توللنیشینی سوره‌یدیلر.
فاریاب کووید ۱۹ کسلخانه شفاکارلری‌دن بیری حبیب‌الله کاکر احمدی نینگ سلام وطندارگه ایتیشیچه، قریب ۱۰ آی‌دن بویان معاش آلمه‌گن و اقتصادی قیین احوال‌ده تیریکچیلیک قیلماقده.
مذکور داکترنینگ ایتیشیچه، شفاکارلر اهالی‌گه بیرگن وعده‌لری‌گه عمل قیلگن، بیراق بوندن آرتیق معاش سیز ایشله‌ی آلمه یدیلر و آی‌لریکی توللنیشینی طلب قیله‌دی.
بیزلرنینگ فیسبوک صحیفه‌میزگه باش اورینگ!
حبیب‌الله کاکر احمدی نینگ ایتیشیچه: «داکترلر بیلن باشقه بیر هفته قیینچیلیک‌لرنی قبول قیلیب ایشلش‌که قرار قیلدیک. اوشبو هفته‌ده خواهش-ایستگیمیزگه دقت قیلینمه‌گن تقدیرده شفاخانه ایشیگینی باغله‌یمیز؛ چونکه بیزنی هم عایله میز بار و کوپ قیینچیلیکلرگه روپه‌رو میز و دنیا جماعه‌چیلیگیدن آی‌لیگیمیزنی بیریشنی ایسته‌یمیز.»
عین‌حالده فاریاب کووید۱۹ کسلخانه پرستارلریدن بیری محمدداوود نینگ ایتیشیچه، حقوقلری توللنمسلیگی باعث کتته قیینچیلیکلرگه قالگن‌لر. معاش‌لری توللنمه‌گن صورتده وظیفه‌سینی ترک ایته‌دی.
محمدداوود نینگ ایتیشیچه: «یالغیز اوشبو کون‌نی اوزی‌ده مذکور کسلخانه‌ده اوچ کرونا مثبت واقعه‌سی قید ایتیلگن. بیز وظیفه میزنی ترک ایتکنده اهالی کوپ قیینچیلیکلرگه روپه‌رو بولیشه‌دی، معاشیمیز توللنیشینی طلب قیله‌میز.»
- داکترلر حقوقلری نینگ توللنمه‌یشیدن شکایت قیلگنلر
- پکتیا و خوست داکترلری آیلیک‌لری توللنمه‌گنی باعث ایشدن قول تارتیشگن
- تخار مرکزی کسلخانهسی ایشلاوچیلری حقوقلری نینگ توللنمه‌گنیدن شکایت قیلگنلر
شونینگدیک فاریاب کووید۱۹ کسلخانه باش شفاکاری زمان اعظمی اوشبو کسلخانه داکترلری و ایشلاوچیلری نینگ قیینچیلیک‌لرینی تصدیقلب ایتیشیچه، اولرنینگ مشکل‌لری فاریاب ساغلیق‌نی سقلش ریاستی آرقه‌لی مرکزی بانک متصدی‌لری‌گه ییتکیزیلگن، بیراق بو بانک بیرگن وعده‌لری‌گه قرشی دفترینی کووید۱۹ بولیمی پروژه‌لری یوزی‌گه باغله‌گن.
فاریاب کووید۱۹ کسلخانه باشلیغی، دنیا جماعه‌چیلیگیدن انسانی فاجعه آلدی آلینیشی مقصدیده داکترلرنینگ معاش‌لرینی توللشینی ایسته‌یدی.
بیزلرنینگ توییترده هم تعقیب قیلینگ!
اونینگ ایتیشیچه: «کووید۱۹ بولیمی داکترلری ۱۰-۱۱ آی‌دن بیری معاش آلمه‌گن لرینی مین تصدیقله‌ی من. دنیاجماعه‌چیلیگی ۲۰۲۴-ییل گه قدر اولرنی قوللب قوتلشیدن ایشانچ بیرگن ایدی، حاضر دفترینی یاپیب شفاکارلرنی یالغیز تشله‌گن. بیز دنیاهمجمعیت‌دن بو مسئله‌گه دایر دقتلی بولیشینی سوره‌یمیز.»
فاریاب کووید۱۹ کسلخانه باش شفاکاری، اوشبو ولایت بویلب کرونا ویروس مثبت واقعه‌لری ۳۰ فایز کوپه‌یشیدن خبر بیریب ایتیشیچه، فاریاب ده کرونا ویروس‌نی یوقتیرگن‌لر سانی آشیش احتمالی موجود.
