جوزجان امر معروف و نهی منکر باشلیغی محمدیاسین وقاص اوشبو ولایت معلومات و مدنیت ریاستی نینگ مطبوعاتی آمری بسم‌الله نصرت بیلن، بوگون جوزجان محلی رادیولرینی کوریب و مذکور رادیولر مسئول‌لریدن، دستورلرینی «اسلام قدریت‌لری» گه ماس تیارلب ترقه‌تیش لرینی طلب قیلدیلر.
اونگه کوره، ییتکیرمه‌لر جمعیت توزه‌لیشی اوچون مهم و تاثیرچن دیر، دینی، تربیتی و اخلاقی دستورلرنی نشر قیلیب و یاش‌لرنی کتاب اوقیش گه ترغیب قیلیش‌لری کیره‌ک.
بیزلرنینگ فیسبوک صحیفه‌میزگه باش اورینگ!
جوزجان امر معروف و نهی منکر باشلیغی، میدیالر اسلام و افغانی کلتورگه قرشی دستورلرنی نشر قیلمسلیک‌لری نی تأکید ایتدی.
عین‌حالده، جوزجان معلومات و مدنیت ریاستی نینگ مطبوعاتی آمری بسم‌الله نصرت گه کوره، حاضرگی کونده اوشبو ولایت بویلب ۱۱ رادیو و ایکی جریده فعال و نیچه آی‌دن بویان ۳ تلویزیون و بیر رادیو فعالیتی توخته‌گن.
جوزجان معلومات و مدنیت ریاستی نینگ مطبوعاتی آمری نینگ اورغولشیچه، اسلام قانون-قاعده‌لری اساسیده فعالیت قیله دیگن میدیالر گه چیکلاو یره‌تیلمه گن.
بیزلرنینگ توییترده هم تعقیب قیلینگ!
شونینگدیک جوزجان محلی میدیالریدن قطاری، علمی، کلتوری و تربیتی دستورلر نشر ایتیلیشی اوستیگه تأکیدلب مذکور ولایت محلی مسئول‌لریدن، میدیالر مردم آره‌سیده مهم رولی بارلیگی اوچون قوللب-قوتلشلرینی طلب قیله‌دیلر.
جوزجان محلی میدیالری نینگ متصدی‌لری گه کوره، مالیه‌وی امکانیت یوق‌لیگی و پروژه‌لر توخته‌یشی، اولر نینگ اقتصادی قیینچیلیکه روپه‌رو قیلگن.