مرکزی سیلو مسئول‌لری، اوشبو مرکز فعالیت گه باشله‌گنیدن خبر بیرگن‌لر. مرکزی سیلو باشلیغی انجنیر خیال محمد مایار نینگ ایتیشیچه، حاضرگی کونده مرکزی سیلو اوچ بولیم بوغدای ییغیش، تیگیرمان و ایشلب چیقریش بوییچه فعالیت گه باشله‌گن و کونیده ۲۰۰ کیلو اون ایشلب چیقره‌دی.
مرکزی سیلو باشلیغی نینگ اورغولشیچه، اوشبو مرکز نینگ ایشلب چیقریش ظرفیتینی ۴ – ۵ تُن گه آشیریش مقصدیده سعی-حرکت قیلماقدهلر. او نگه کوره مذکور سیلو نینگ ۴ماشینیدن یالغیز بیر ماشینی فعال دیر.
بیزلرنینگ فیسبوک صحیفه‌میزگه باش اورینگ!
باشقه تاماندن، مرکزی سیلو اورین باسرلری زکریا رسولی و عتیق‌الله بی‌قرار نینگ سلام وطندار گه ایتیشلریچه، اوشبو مرکز نینگ؛ کابل‌نی تورلی ناحیه لریده ۳۳غرفه‌سی بار که یقین اره‌ده اوشبو غرفه‌لر مرکزی سیلو تامانیدن پوشش بیریله‌دی.
عتیق‌الله بی‌قرار نینگ ایتیشیچه: «حاضر تولیدلرنی باشله‌دیک، وطن و اهالی خذمتیده بولیشنی ایسته‌یمیز. بیز حاضر قوللب قوتلنیش اوچون رسمی‌لر نینگ دقتینی جلب قیلماقچین میز.»
مرکزی سیلو متصدی‌لری گه کوره، اوتمیش‌ده مرکزی سیلو نینگ ۲مینگدن آرتیق خادمی بار ایدی که حاضرگی کونده اوشبو رقم ۱۳۰کیشی گه کمه‌یگن، اولر آره سیده ۱۲عیال ایشله‌یدی.
بیزلرنینگ توییترده هم تعقیب قیلینگ!
بوییرده ایشله‌یدیگن عیاللردن بیری سلام وطندار خبرچیسی بیلن مرکزی سیلو قیته فعالیت گه باشله‌شی خصوصیده اوز تویغولرینی بونده‌ی بیان قیله‌دی: «ایش گه کیلگنیمدن خرسندمن، جوده هم خرسند من. تینگری بیز گه توفیق و بنده‌لیک نصیب ییتسین، خوش و خوش‌بخت میز. تینچلیک بیزنی یگانه ایسته‌گیمیز، ایشلش اوچون امنیت برقرار. مین ۴کیشی‌لیک بیر عایله‌نی باشقره‌من.»
عین‌حالده، مرکزی سیلو نینگ اساس و اساس سیز ییل‌لیک درآمدی ۳۵میلیون افغانی دیر که دولت گه تاپشیریله‌دی، اوشبو درآمد گه علاوه، بو مرکز نینگ مفادی ۸ میلیون دییلگن.
