پکتیا ولایتی یشیل‌لیک قطعه‌سی مسئوللری نینگ ایتیشلریچه، اوتگن ایکی ییل‌ده، اوشبو ولایتده اورمان‌لر نینگ کیسیلیشی ۹۵ فایز کمه‌یگن. اولر نینگ کوپه‌یتیریشلریچه، یشاوچیلردن کوپینچه‌سی گه اورمان‌لر نینگ سقلنیشی خصوصیده آگاهی‌‌لیک بیریلگن و اورمان‌لر نینگ کیسیش گه دوام بیرگن کیشی‌لر ایسه، قولگه آلینگن.
کابل شهری نینگ ۱۲-ناحیه‌سیده‌گی عیاللر و باله‌لر گه مخصوص ۱۵۰ اورین‌لی مخدره ماده نی ترک قیلیش کسل‌خانه‌سی؛ عیاللر و باله‌لر گه مخدره ماده نی ترک قیلیب و جمعیت‌ده ساغلام بیر کیشی صفتیده بولیشلری خصوصیده یاردم بیره‌دی. اوشبو گزارش‌ده عصبی شرک‌لر، قیتریشلر و قیین‌چیلیک‌لر بیلن مخدره ماده نی ترک قیلیش اوچون ۴۵ کون‌لیک دوره نینگ باش ۱۵ کونی نی اوتکزگن عیاللر بیلن صحبت اوتکزیلگن.
هرات ده زلزله طفیلی زیان کورگنلر گه ایریشیش کمیسیون سوزلاوچیسی احمدالله متقی نینگ سلام‌وطندار گه ایتیشیچه، اوتگن کون (پنج‌شنبه، ۱۶-حمل)، مملکت صناعتچیلری نینگ مالی حمایتی بیلن، اوشبو ولایت نینگ گلران و انجیل تومن‌لری قیشلاق‌لریدن قطاری‌ده‌گی یشاوچیلر گه ۶۶ یشش اوی تاپشیریلگن.
بلخ مرکزی مزارشریف شهری‌ده اونلب قرآن‌کریم حافظ‌لری نینگ حضوری بیلن «انس با قرآن‌کریم» اسمی آستیده یولگه قوییلگن حسن تلاوت رقابت‌لری، یکونلنگن.
غور یشاوچیسی ستاره و غزنی یشاوچیسی حمیدالله، هر بیری بیش و سکیز کیشی‌لیک عایله سرپرستی دیر سلام‌وطندار گه ایتیشلریچه، انسان پرورلیک یاردم‌لر کېسیلگن حالده، تېریکچیلیک احتیاج‌لرینی تامینلش اوچون قیینچیلیک بیلن دوچ بولیب و باشقه هېچ یوللری یوق.
افغانستان فضاسیده امریکا نینگ اوچووچی‌سیز اوچاق‌لری اوچیشی دوامی‌ده، اسلام امیرلیگی سوزلاوچیسی نینگ اورین‌باسری حمد‌الله فطرت، اونینگ افغانستان قلمروی گه تجاوز عنوان قیلیب و امریکا دن اوشبو مملکت هوا حریمی گه حرمت قایل بولیشی نی ایسته‌گن.
بغلان خوفسیزلیک رسمی‌لری، اوشبو ولایتده یوز بیرگن ترافیکی حادثه عاقبتیده تورت کیشی هلاک بولگنیدن خبر بیرگنلر.
ننگرهار کانال ریاستی‌ده مسئوللر نینگ سلام‌وطندار گه ایتیشلریچه، جاری ییل جریانیده «زیتون ننگرهار» یاغ ایشلب چیقریش ایش‌خانه‌سی ۱۸۹ مینگ لیتر زیتون یاغی نی ایشلب چیقریشی ممکن.
اولر گه کوره، بوییدن اېریلیش‌گه قوشیمچه، خیمه‌لر آستیده نورمال ولادت سنتی طرزده عملگه آشیریلیب و اېریم موردلرده آنه‌لر و چقه‌لاق‌لر نینگ اولیمیگه سبب بوله‌دی. زنده‌جان تومنی قیشلاق‌لریدن بیری «سنجاب»، بو قیشلاق نینگ ۹۶۰ دن آرتیق نفوسی بار بیراق بو قیشلاق اهالیسی زلزله‌لردن بېری ساغلیق خذمت‌لردن فایده‌لنه آلمسلیکنی اېته‌دیلر.
نورستان یشاوچیلری و اوشبو ولایتده هیداوچیلردن بیرقطاری، کنر-نورستان قتناو یولی بوزوق‌لیگیدن نالیب ایتیشلریچه، ۲۰ ییل‌دن بېری، اوشبو یول نینگ اسفالت قیلیش اوچون هېچ بیر نهاد علاقه کورستمه‌گن.
کابل شهری‌ده دولتی کسلخانهلردن قطاری‌ده‌گی کسل‌دارلر، دارو کم‌لیگی اینیقسه تخصصی دارو‌لر کم‌لیگی‌دن شکایت قیلیب ایتیشلریچه، نیازلری بولگن دارو‌لر نی یوقاری قیمت بیلن کسلخانهلردن تشقی‌ده‌گی خصوصی دارو‌خانه‌لردن ساتیب آلیش گه مجبورلر.
غزنی یشاوچیلری قتیق ساووق و قارلی بیر قیش نی اوتکزگنلریدن کیین، حاضر ایسه قوروق‌چیلیک‌دن اوزاق و یخشی بیر ییل نی کوتماقده‌لر. غزنی ولایتی باشقه بیر قطار ولایت‌لر کبی کوپینچه قار و یامغیر گه شاهد بولیب و ۱۴۰۳-ییل نینگ باشلنگنی کون‌لریده‌گی یامغیرلر هم، مذکور ولایت یشاوچیلری اینیقسه ایکینچیلر و باغ‌دارلر گه امیدبخش بولگن.
غور محلی مسئوللری گه کوره، اوشبو ولایت نینگ چهارسده تومنیده تاش قولشی عاقبتیده بیر عایله نینگ بیش اعضاسی هلاک بولگن. غور حاکمی سۉزلاوچیسی عبدالواحد حماس نینگ ایتیشیچه، اوشبو طبیعی واقعه بوگون (چهارشنبه، ۱۵-حمل) بامداد چاغی ساعت ۲:۰۰ اطرافی‌ده، چهارسده تومنی «خورنج» قیشلاغیده یوز بیرگن.
غزنی ولایتی محلی رسمی‌لری، اوشبو ولایت یشاوچیلری بیر ییگیت نی اوغیرلش عیبی بیلن اۉلدیرگنیدن خبر بیره‌دیلر. غزنی امنیه قوماندان‌لیگی سۉزلاوچیسی خالد سرحدی نینگ سلام‌وطندار گه ایتیشیچه، بو ولایت یشاوچیلری بیر یاش ییگیت‌نی «مسجد نینگ باتری»سینی اوغیرلش عیبی بیلن اۉلدیرگنلر.
الجزیره آژانسی، بوگون (چهارشنبه، ۱۵-حمل) اېرته‌لب تایوان شرقی ده ۷.۵ درجه ریشترلیک زلزله یوز بیرگنینی معلوم قیلگن. الجزیره گه کوره، اوشبو زلزله جاپان جنوبی، چین شرقی و فلپین ده هم حس اېتیلگن. امریکا زلزله‌نی انیقلش اداره‌سی نینگ ایتیشیچه، اوشبو زلزله مرکزی تایوان «هوالین» شهری نینگ جنوبی ۱۸ کیلومترلیگیده یوز بیرگن.
افغانستان ده بیرلشگن ملت‌لر تشکیلاتی نینگ اورین‌باسرلیک هیئت دفتری (یوناما)، اوتگن کون (دوشنبه، ۱۳-حمل)، بیر گزارش ترقه‌تیش بیلن ایتیشیچه، افغانستان نینگ ۳ مینگ کیلومتر مربع‌دن آرتیق ییری، اوروش‌لر جریانیدن پارتلمه‌ی قالگن ماین‌لردن تازه‌لنیشی بیلن، لیکن حاضرگچه افغانستان نینگ ۱۰۰۰ کیلومتردن آرتیق توپراغیده، پارتلمه‌ی قالگن ماین‌لر موجود دیر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
