هرات شهریینینگ کوچهلریدن بیریده، چرم هیدی و تیکووچیلیک ماشینلر سیسی کیچیک لیکن گوجوم بیر ایشخانهدن حکایه قیلماقده. بو ییرده حیات یولی کوتیلگن کبی کیچمهی و تحصیلگه دوام بیریش امکانیتیگه ایگه بولمهگن کامله میرزایی، حاضر بیر ایشخانهنینگ ایشیگی آرتیده ایش بیلن شغللنگن. اونینگ ایتیشیچه، مذکور ایشخانهنینگ تورت ییلدن بویان رسمی شکلده فعالیتی بولیب و عایله اعضاسینینگ همکارلیگی بیلن اداره بولماقده.
آنلاین فعالیتلر کوپهیشی بیلن، اینترنت یشاوچیلردن قطاری اوچون اساسی ایش وسیلهلریدن بیریگه اَیلنگن؛ لیکن اینترنت سرعتی ضعیفلیگی بو بولیمده ایشلهیدیگنلردن قطارینی جدی قیینچیلیکلر بیلن روپهره قیلگن.
پروان ولایتی شیخعلی تومنیده یوز بیرگن ترافیکی حادثه نتیجهسیده، اوچ عیال و ایکی ایرکک شامل بیش کیشی اولیب، بیر ایرکک و تورت عیال شامل بیش کیشی یرهلنگن.
کابل یشاوچیلریدن قطاری شهر سطحیده چیقیندیلر کوپهیگنیدن شکایت قیلیب و ایتیشلریچه، هوا ایسیق بولیشی بیلن کوچهلر و سرکلر چیکهسیده ییغیلیب قالگن چیقیندیلر، یامان هید اورته گه کیلیشی و تورلیخیل کسللیکلر ترقهلیشیگه سبب بولهدی.
اسلام امیرلیگی طبیعی آفتلر گه قرشی کورهش ادارهسینینگ معلوم قیلیشیچه، سوو گه چوکیش عاقبتیده ۷۵ کیشی هلاک بولگن و ۳ کیشی ایسه یرهلنگن.
سرپل ولایتی الجهاد تومنیده کیتمه-کیت قوروقچیلیکلر، اوشبو تومندهگی چاروهچیلر تیریکچیلیگینی جدی قیینچیلیکلر بیلن روپهره قیلگن ایدی. اوت کملیگی، ییلاولر قوریگنی و سوو منبعلری کمهیگنی سبب، عایلهلردن قطاری چاروهلریدن بیر قسمینی قولدن بیرگنلر یا-ده اولرنی ساتیشگه مجبور بولگنلر.
۷ جون، خلقارا آزیق-آوقت خوفسیزلیگی کونی مناسبتی بیلن، بیرقطار عایلهلر سلاموطندار بیلن صحبتده، آزیق-آوقتنی توغری سقلش اصوللریدن خبردار ایمسلیکلری همده تازه ایچیملیک سوودن فایدهلنه آلمسلیک سببلی جملهدن آوقت هضم قیلیش تیزیمی کسللیکلریگه دوچ بولگنلرینی ایتگنلر.
اروپا بیرلشمهسینینگ خوفسیزلیک و تشقی سیاست مسئولی و اروپا کمیسیونی باشلیغینینگ اورین باسری کایا کالاس، دنیا بوییچه تورلی مملکتلردهگی اوشبو بیرلشمهنینگ نمایدهلیک هیئتلریده کینگ کولملی اوزگریشلر و ینگی ایلچیلریدن قطارینینگ تعیینلنگنیدن خبر بیرگن که بو آرهده، افغانستان ده اروپا بیرلشمهسی نمایندهلیگیده هم تغییر کیلگن.
تیش شفاکارلرینینگ ایتیشلریچه، عیاللر حیاتینینگ تورلی باسقیچلری جملهدن بلاغت دوری، حاملهدارلیک و حیض کوریش پیتیده یوز بیرهدیگن هورمون اوزگریشلری تیش و تیش ایتی بیلن باغلیق قیینچیلیکلرنینگ اورته گه کیلیشی توغریسیدهگی مهم عامللردن حسابلنهدی. مذکور اوزگریشلر تیش ایتیشی پیشیشی، قانیشی، تیش چوریشی و حساسیت قیلیشیگه سبب بوله آلهدی.
قندوزدهگی ایریم ناگرانلر، تورلی قابلیت و کونیکمهلرنی بیلسهلرده، هنوزگچه ایشسیز بولیب و ایش امکانیتلریدن فایدهلنه آلمسلیکنی ایتهدیلر. اولر گه کوره، ماس ایشلری یوقلیگی حیاتلرینی آغیرلشتیرگن.
سلاموطندار تامانیدن افغانستاننینگ سکیز ولایتیدن ۲۶ نفر یاش (۱۶ قیز و ۱۰ اوغیل) بیلن اوتکزیلگن صحبت شونی کورستهدی کی، خواه ایجابی، خواه سلبی بولسین یاندهشوو عادتلر بو یاشلرنینگ موفقیتی، روحی آسایشتهلیگی و اجتماعی مناسبتلریده تعیین قیلووچی رول اوینهیدی.
سلاموطندار تامانیدن چیت ایل تیللرینی اورگنهیاتگن ۲۴ عیال بیلن اوتکزیلگن صحبت نتیجهلری شونی کورستهدی کی، افغانستانده کوپلب عیاللر تعلیم آلیش، ایش تاپیش و مهاجرت قیلیش اوچون چیت تیللرینی اورگنماقده. گزارشده صحبت قیلگن عیاللردن ۱۵ نفری تعلیمنی دوام ایتتیریش و مهاجرت قیلیش اوچون چیت تیللرینی اورگنهیاتگنینی معلوم قیلگن. شو بیلن بیرگه، اوشبو عیاللردن ۲۰ نفری چیت تیللرینی ایش تاپیش مقصدیده اورگنهیاتگنینی ایتگنلر.
قندوز ولایتیده حاملهدار آنهلردن قطاری تنهنینگ شیشیشی معماسیدن اذیت چیکماقده. اوشبو معما ایسه اولرنینگ کوندهلیک حیاتیگه سلبی تاثیر قوییب، مناسب طبی یاردم و آگاهیلیکنی طلب ایتهدی. شفاکارلرنینگ ایتیشلریچه، بو وضعیت اینیقسه حاملهدارلیکنینگ سونگی آیلریده آنه و چقهلاق ساغلیگی اوچون جدی عاقبتلرگه سبب بولیشی ممکن.
بدخشان ده دهقانلردن قطارینینگ ایتیشلریچه، اوتگن ییللرگه قرهگنده بو ییل یاغینگرچیلیک منظمراق بولیب، ایکینچیلیک ییرلریگه ایجابی تاثیر قویگن. اولرگه کوره، مذکور ولایتنینگ ییرلریدن کوپینچهسی للمی دیر و سونگی ییللرده یاغینگرچیلیکنینگ کملیگی سبب، بو ییرلر حاصلی کمهیگن.
دین عالملرینینگ فکریچه، اوی عیاللر اوچون حجاب کبی دیر اگر اوی ایچیده بیگانه ایرککلر بولمسه، عیال شریعت دایرهسیده اوز خواهشیگه کوره کیینه آلهدی. هراتده ایریم عیاللر سلاموطندار بیلن صحبتده، آتهلری یا کی ایرلری اولر گه اوی محیطیده هم خواهشلریگه قرهب کیینیش گه رخصت بیرمسلیگینی ایتهدیلر.
پایتخت کابل یشاوچیلریدن ایریملری استقلال کسلخانهسیده کیچه تاماندن طبی خذمتلر جملهدن شفاکار ییتیشمسلیگی، بستر یوقلیگی و اوز وقتیده دوالنمسلیک کبی قیینچیلیکلر بیلن روپهره ایکنلریدن شکایت قیلماقده. اولرنینگ ایتیشیچه، ایریم حالتلرده حتا ایمرجنسی کسللر اوز وقتیده قبول قیلینمهیدی – بو مسئله کابل یشاوچیلرینی تشویشیگه سبب بولگن.
