بیرلشگن ملتلر تشکیلاتیده افغانستاننینگ دایمی وکیلی سرپرستی نصیراحمد فایق، بو مملکتگه پاکستان هجوملری دوام قیلگنینی قبول قیلیب بولمهگن و خلقارا قانون-قاعدهگه قرشی دیگن.
حزبالله لبناننینگ اعلام قیلیشیچه، بو مملکتنینگ نیچه منطقهسیده اسرائیل اردوسینی نشانگه آلگن. خلقارا ییتکرمهلرنینگ بوگون (۱۸-حوت/ ۹-مارچ، دوشنبه)، گزارش بیریشیچه، حزبالله لبنان اسرائیل اردوسینی لبنان جنوبیده جایلشگن «خله المحافر» منطقهسی، «عیتارون» شهری و «سرغایا دشتی» ده نشانگه آلگن.
فارس آژانسینینگ بوگون (۱۷-حوت/ ۸-مارچ، یکشنبه)، گزارش بیریشیچه، اسرائیل ایراننینگ نفت محصوللری تاشیلهدیگن بیر مرکز بیلن تورت ته نفت قوریلمهلرینی نشانگه آلگن.
اوکراین رسمیلری، روسیه آرقهلی بو مملکت گه اویوشتیریلگن هجوملر نتیجهسیده، ایکی باله شامل کمیده ۱۱ کیشی اولگنینی معلوم قیلگنلر.
اسرائیل ییتکرمهلری، ایران سپاه پاسدران اسرائیل گه گه قرشی راکته و دران هجوملرینینگ ینگی تولقینینی باشلهگنیدن خبر بیردیلر.
ایران جمهور باشلیغی مسعود پزشکیان، ایران بیلن امریکا و اسرائیل اورتهسید اوروش دوام ایتماقده ایکن، بو مملکت هیچ قچان تسلیم بولمسلیگینی بیلدیردی.
عرب بیرلشمهسی باشکاتبی اورینباسرینینگ اعلام قیلیشیچه، «نیچه عرب مملکتلری توپراغیگه ایران آرقهلی اویوشتیریلگن هجوملر» نینگ تیکشیریلیشی اوچون، اوشبو بیرلشمهگه اعضا مملکتلر تشقی ایشلر وزیرلری، فوقالعاده ییغین اوتکزهدیلر.
خلقارا ییتکرمهلر گه کوره، اسرائيل و حزبالله لبنان حربی کوچلری اورتهسیده، اوشبو مملکتنینگ شرقی حدودلری «بقاع وادیسی»ده کوچلی توقنشوو یوز بیرگن. حزبالله گه کوره، اسرائیل حربی تیکاوچرلری سوریه توپراغیدن لبنان شرقیده بقاع وادیسی حدودلریگه کیرگچ، بو توقنشوولر باشلنگن. حزبالله گه کوره، تیکاوچرلر قونیشیدن کیین اسرائیل حربی کوچلری بقاع وادیسیده بعلبک شرقی تومنیده «نبیشیت» حدودیگه آلغه بارهیاتگن بیر پیتده، حزبالله کوچلری بیلن توقنشگن.
خوست ولایت مقامی سوزلاوچیسی مستغفر گربز، پاکستان آرقهلی ینه بیر مرته اوشبو ولایتنینگ بیر قطار حدودلری نشانگه آلینگنینی بیان قیلگن.
تورکیه جمهورلیک ریاستی ادارهسی، بوگون اوشبو مملکت جمهور باشلیغی رجب طیب اردوغاننینگ فرانسه جمهور باشلیغی امانوئل مکرون بیلن تلیفونی سوزلشگنینی معلوم قیلگن.
بیرلشگن ملتلر تشکیلاتینینگ انسان حقلری بیلرمانلری، ایران گه اویوشتیریلگن امریکا و اسرائیل هجوملرینی قارهلب، توقنشوولرنینگ تیزلیککه توختهتیلیشی و دیپلماتیک مذاکرهلرنینگ قیته باشلنیشینی سورهگن.
ایران قیزیلآی جمعیتینینگ اعلام قیلیشیچه، شنبهدن حاضرگچه اوشبو مملکت بویلب امریکا و اسرائیل کوچلری آرقهلی بیر مینگ ۳۳۲ هجوم ثبت بولگن.
چین، بوگون (۱۴-حوت/ ۵-مارچ، پنجشنبه)، ۲۰۲۶-ییلده مدافعه بودجهسینینگ ییتی فایز آشیریشینی معلوم قیلگن.
ایران ییتکرمهلرینینگ گزارش بیریشیچه، اوشبو مملکت تورکیه تامان راکته آتمهگن. فارس آژانسی ایران قواللی کوچلری باش ستادیدن نقل قیلیب، بوگون (۱۴-حوت، پنجشنبه)، اکس صحیفهسیده یازیشیچه، بو مملکت قوراللی کوچلری «قوشنی و دوست مملکت بولگن تورکیه حاکمیتیگه حرمت قایل بولیب و بو مملکت تامان هر قندهی راکته آتیلگنینی رد قیلهدی.»
بیرلشگن ملتلر تشکیلاتینینگ باشکاتبی سوزلاوچیسی استفان دوجاریک، اسلام امیرلیگی و پاکستان آرهسیدهگی توقنشوولرگه اشاره قیلیب و ایکی تاماندن، تینچاهالی و تینچاهالی آستقورمهلرینینگ سقلهب و حمایه قیلیشلرینی سورهگن.
لبنان ملی آژانسینینگ اعلام قیلیشیچه، اسرائیل بو مملکتنینگ تورلی بولیملریگه هوا هجوملری اویوشتیرگن.
