اوکراین قوراللی کوچلری، مسکوده رژه پیتیده قیزیل میدان گه هجوم قیلمسلیگینی بیلدیردی.
خلقارا ییتکرمهلرنینگ معلوماتیگه کوره، اوکراین بوگون (۹ می) کونی هجوم قیلیشی ممکن بولگن نشانلر رویخطیدن مسکودهگی قیزیل میدان چیقریلگن.
معلوماتلر اساسیده، اوکراین قالگن برچه روسیه حدودلریگه نسبتن ریجه اساسیده حرکت قیلهدی، یعنی روسیه تامانی اوق اوزمسه اوکراین هم اوق اوزمهیدی، روسیه راکته اوچیرمسه، اوکراین هم ضربه بیرمهیدی.
اوکراین جمهور باشلیغی تامانیدن تصدیقلنگن بو فرمان اوتگن کونی کیچ قورون اوشبو مملکت جمهورلیک ریاستی سایتیده اعلان قیلینگن.
شونینگدیک، فرمانگه موافق، کییف وقتی بیلن بوگون ساعت ۱۰:۰۰ دن باشلب رژه یکونلنگونگه قدر قیزیل میدان اوکراین اردوسی ضربهلری اوچون تقیقلنگن حدود دیب بیلگیلنگن.
بوندن اول، روسیه جمهور باشلیغی ولادیمیر پوتین امریکا جمهور باشلیغی دونالد ترامپ گه ۹ می کونی مناسبتی بیلن آتیش کیسین تکلیفینی بیلدیرگن، روسیه مدافعه وزیرلیگی ایسه ۸-۹ می کونلری بیر تامانلمه آتیش کیسین ریجهسی جاری ایتیلیشینی معلوم قیلگن ایدی.
میلادی ۱۹۴۵ ییل، ۹ می، روسلرنینگ ایکینچی دنیا اوروشیده آلمان نازی کوچلریگه غلبه قازانیش کونیگه تینگ، هر ییلی روسیهنینگ مهم ملی کونی صفتیده طنطنهلی طرزده نشانلنهدی.
