لبنان و اسرائیل عملدارلری، امریکا واسطه‌چیلیگی بیلن بو ایکی مملکت اورته‌سیده‌گی صلح ۳ هفته گه اوزه‌یتیریلیشی گه قرار قیلیگنلر. ییتکرمهلرنینگ معلوماتیگه کوره، امریکا جمهور باشلیغی دونالد ترامپ لبنان و اسرائیل اورته‌سیده‌گی صلح کیلیشووی اوچ هفته گه اوزه‌یتیریلگنینی معلوم قیلگن.
ییتکرمهلرنینگ معلوماتیگه کوره، اوشبو هجوملردن بیریده، الطری قیشلاغیده بیر موتر نشانگه آلینیب و اونینگ ایکی یولاوچیسی اولگن. نیچه ساعت اوتگچ، اوشه منطقه‌ده باشقه بیر بنا نشانگه آلینیب و اونینگ نتیجه‌سیده الاخبار گزیته‌سی ژورنالیستی اولگن. شونینگدیک یحمر الشقیف شهریگه علیحده هجومده ایکی کیشی اولیب و نیچه کیشی یره‌لنگن.
حزب‌الله لبنان، اسرائیل آرقه‌لی آتیش کیسین‌نینگ بوزیلگنی سبب، مذکور مملکت شمالی‌نی نشانگه آلگنی‌نی معلوم قیلگن. مذکور حزب‌‌نینگ بیر بیانیه آرقه‌لی یازیشیچه، اوتگن کونی بیر قطار موشک و راکته بیلن اسرائیل شمالی‌نی نشانگه آلگن.
فلسطین ساغلیق‌نی سقلش وزیرلیگی، غزه‌نینگ بیر قطار بولیم‌لری‌گه اسرائیل آرقه‌لی اویوشتیریلگن هجوملر نتیجه‌سیده، کمیده بیش کیشی‌نینگ قربان بولگنی‌نی معلوم قیلگن.
امریکا‌نینگ لوئیزیانا ایالتی‌ده یوز بیرگن آتیشمه‌ده، قوراللی بیر ایرکک اوزی‌نینگ ییتی باله‌سی شامل ۸ باله‌‌نی اولدیریب و باشقه ایکی کیشی‌نی یره‌لنتیرگن.
پاکستان ده خوفسیزلیک منبع‌لر‌نینگ ایتیشلریچه، ایران و امریکا اورته‌سیده‌گی مذاکرهلرنینگ جاری هفته بولیب اوتیشی ممکن. پاکستان ده ایکی منبع‌نینگ بوگون (۳۰-حمل، یک‌شنبه)، الجزیره خبری ترماغی‌گه ایتیشیچه، امریکا و ایران اورته‌سیده‌گی مذاکرهلرنینگ ایکینچی باسقیچی کیله‌سی جمعه کونی‌دن آلدین اوتکزیلیشی‌‌‌گه عاید نشانه‌لر موجود.
اسرائیل اردوسی‌نینگ اعلام قیلیشیچه، اوشبو مملکت عسکرلری‌دن بیر ته‌سی لبنان جنوبی‌ده‌گی توقنشوولر جریانیده هلاک بولگن.
بیرلشگن ملتلر تشکیلاتی عیاللر بولیمی‌نینگ اعلام قیلیشیچه، نوار غزه‌ده‌گی اوروش مثلی کوریلمه‌گن شکلده عیاللر و قیزلر حیاتی‌نی نشانگه آلیب و اولر مذکور توقنشوولرنینگ اصلی قربانلری آره‌سیده قرار تاپگن.
خلق‌ارا ییتکرمهلرنینگ گزارش بیریشیچه، خلیج فارس حوزه‌سیده‌گی مملکتلردن کوپ قطاری اسرائیل و لبنان آره‌سیده‌گی آتیش کیسین کیلیشوو‌ی‌گه عکس‌العمل بیلدیرگن.
حزب‌الله لبنان‌نینگ اعلام قیلیشیچه، اسرائیل کوچلری و بو مملکت شهرچه‌لری‌گه قرشی ۷۵ هجوم اویوشتیرگن. مذکور حزب‌‌نینگ بیر بیانیه آرقه‌لی یازیشیچه، اوشبو هجوملر اوتگن ۲۴ ساعت ایچیده عمل‌گه آشیریلگن. حزب‌الله، اسرائیل کوچلری‌گه قرشی لبنان توپراغی ایچیده ۳۸ هجوم و بو مملکت شمالی‌ده باشقه ۳۷ هجوم اویوشتیرگنی‌نی بیان قیلگن.
اوکراین رسمی‌لری‌نینگ اعلام قیلیشیچه، روسیه آرقه‌لی اوشبو مملکت‌نینگ بیر قطار بولیم‌لری‌گه اویوشتیریلگن هجوملر نتیجه‌سیده، کمیده ۱۳ کیشی اولیب و باشقه اونلب کیشی یره‌لنگن.
حزب‌الله لبنان، اسرائیل کوچلری‌نینگ پایگاه‌لرینی پهپادی هجوملر بیلن نشانگه آلگنی‌نی معلوم قیلگن.
اسرائیل اردوسی‌نینگ اعلام قیلیشیچه، حزب‌الله لبنان نیچه‌ته راکته آتیش بیلن اوشبو مملکت‌نینگ بیر قطار بولیملرینی نشانگه آلگن.
هرات ولایتی انجیل تومنی‌نینگ «ده‌مهری» قیشلاغیده یوز بیرگن آتیشمه قربانلری‌نینگ جنازه مراسمی، بوگون (۲۵-حمل، سه‌شنبه)، مذکور ولایت یشاوچیلری‌نینگ کینگ اشتراکی بیلن هرات شهریده اوتکزیلگن. محلی منبع‌لر‌گه کوره، قربانلردن سکیز ته‌سی‌نینگ جسدی هرات شهریده…
بیرلشگن ملتلر تشکیلاتی بیلرمانلری، ینه بیر مرته غزه ده آواره فلسطین‌لیکلرگه قرشی اسرائیل هجوملری توخته‌تیلیشی و شونینگدیک باسیب آلینگن کرانه‌ی باختری‌ده جبری شکلده کوچیریلیش‌گه چیک قوییلیش‌نی سوره‌گن. بیرلشگن ملتلر تشکیلاتی‌نینگ بشر حقوقی کینگشی آرقه‌لی اوتگن کون…
اسرائیل‌نینگ اعلام قیلیشیچه، حزب‌الله لبنان بیلن توقنشوولرده بیرته عسکری اولیب و باشقه اوچ عسکری ایسه یره‌لنگن.
