آمریکا تشقی ایشلر وزیری آنتونی بلینکن نینگ ایتیشیچه، مذکور مملکت و بیرلشیکلری بیر مقصد گه قول تاپگنلر کیم اولر اوشبو مقصد اوچون ۲۰ ییل آلدین و ۱۱- سپتامبر حادثهسیدن کیین افغانستان کیتگن ایکنلر.
آمریکا تشقی ایشلر وزیری ناتو باش کاتبی ینس استولتنبرگ بیلن اوتکزگن قوشمه خبری ییغینده ایتیشیچه، آمریکا حربیلری نینگ تینچ و اویغون بیر شکلده افغانستان دن چیقاریش اوچون کیلگوسی هفتهلر و آیلر ناتودهگی بیرلشیکلری بیلن همکارلیک قیلهدی.
بوگون (چهارشنبه ۲۵- حمل) افغانستان ده بیرلشگن ملتلر تشکیلاتی نینگ اورینباسرلیک هیأت دفتری بیر گزارش ترقهتیب ایتیشیچه، میلادی ۲۰۲۱- ییل بیرینچی اوچ آیی ده هلاک و یرهلنگنلر سانی اوتگن ییل بیرینچی اوچ آیی گه نسبتن کوپهیگن. یوناما نینگ گزارشی اساسیده، ۲۰۲۱- ییل نینگ بیرینچی اوچ آیی ده مملکتده بیر مینگ و ۷۸۳ کیشی هلاک و یرهلنگن.
آدم اوغیرلاوچیلر آرقهلی عبدالرووف نینگ قیناققه سالینگنیدن قید ایتیلگن سیسلی نوار، رمضان آیی نینگ بیرینچی کونیده اونینگ عایلهسیگه یوباریلگن. بو سیسلی نوار ده عبدالرووف دردلری نینگ اَغیرلیگیدن فریاد قیلهدی.
نمایندهلر کینگشی عضوی نوریه حمیدی نینگ سلاموطندارگه ایتیشیچه، بغلان ولایتی نینگ دهنهغوری تومنیده طالبان تامانیدن اویوشتیریلگن هجومده پولیس کوچلریدن ۸ تهسی هلاک و باشقه ۹ تهسی یرهلنگن.
خانم حمیدی نینگ کوپهیتیریشیچه، طالبان هجومی اوتگن کیچه باشلنگن و ایرتهدن چاغیگهقدر دوام قیلگن و امنیتی کوچلرنینگ ۴ تانگی تخریب ایتیلگن.
بوگون (دوشنبه ۲۳- حمل) هرات تینچاهالیسی نینگ سقلهیدیگن ایش گروهی، مدنی نهادلردن قطاری بیلن خبری بیر ییغین اوتکزیب بو ولایتده طالبان هجومی و تینچاهالی تلفاتی کوپهیگنیدن خواطر بیلدیریب ایتیشیچه، اوتگن ییل میزان آییدن بویان طالبان گروهی و امنیتی کوچلر آرهسیده یوزبیرگن آتیشمهده، ۷۳ تینچاهالی هلاک ایتیلگن.
لوگر معارف ریاست مسئوللری نینگ ایتیشلریچه، ناتینچلیک و فرهنگی قیینچیلیکلر باعث مذکور ولایت مرکزی پلعلم شهری و برهکیبرک، چرخ، محمدآغه و خوشی تومنلریده قیزلردن ۵۰ فایزی اوقیش دن محروم قالگن.
اوتگن ایکی ییل ده طالبان نینگ افغانستان سووتوغانلری اوستیگه اویوشتیرگن ۱۱۸ هجومیده امنیتی کوچلردن ۸۰ تهسی هلاک و باشقه ۸۲ تهسی ایسه یرهلنگن. بیر منبع تامانیدن سلاموطندارگه یوباریلگن معلومات نینگ کورستیشیچه، مذکور سووتوغانلرگه شاهوعروس، مچلغو، سلما و پاشدان، کجکی و گرشک و شونینگدیک دهندره سووتوغانلری شامل بولهدی.
جمهورلیک ریاست بیرینچی اورینباسری امرالله صالح، طلوع نیوز سابق خبرچیسی همده مرکزی بانک ریاست دفتری نینگ عمومی آمریتی نی عامه علاقهلری مصلحتچیسی یما سیاووش و اونینگ ایکی همکاری نی قتل حادثه توغریسیده طالبان نینگ ۱۱ کیشیلیک بیر گروهی نی قولگه آلینگنیدن خبر بیرگن.
دولتی منبعلرنینگ ایتیشلریچه، بوگون (چهارشنبه ۱۸- حمل) ایرتهلب ساعت ۶ اطرافیده ننگرهار مرکزی جلالآباد شهریده یول چیککهسیده جایلشتیریلگن بیر ماین پارتلهگن. منبعلرگه کوره، مذکور پارتلش نتیجهسیده ۲ تینچاهالی هلاک و ۳ پولیس شامل ۱۸ کیشی ایسه تن جراحتی کوتارگن.
منبع نینگ ایتیشیچه، امنیتی کوچلر و طالبان جنگریلری آرهسیده یوز بیرگن آتیشمه ساعتلرچه دوام قیلگن و نتیجهده پولیس کوچلریدن ۴ تهسی هلاک و باشقه ۳ تهسی طالبان قولیگه اسیر بولگن و شونینگدیک، مذکور پوستهگه بولگن حربی تجهیزات طالبان قولیگه توشگن. منبعگه کوره، مذکور واقعهده طالبان جنگریلریدن هم بیرقطاری هلاک و یرهلنگن، لیکن بیللی ارقام قولگه یوق.
افغانستان ایرکین میدیالریدن حمایت قیلووچی نهاد یا-ده نی، طالبان گروهیدن تینچاهالی اینیقسه خبرچیلر و رسانه فعاللریگه قرشی هجوملرنی توختهتیش نی سورهگن.
افغانستان ایرکین میدیالریدن حمایت قیلووچی نهاد بوگون (دوشنبه ۱۶- حمل) بیر خبرنامه ترقهتیش بیلن انسان حقلری ایرکین کمیسیونی نینگ اعلامیهسیگه اشاره قیلگن…
قطار منبعلرنینگ رسانهلرگه ایتیشلریچه، قندهار پولیس قومندانی تادین خان استعفا قیلگن. مذکور منبعلرگه کوره، تادین خان نینگ استعفانامهسی اوچ آی آلدین ارایه ایتیلگن ایکن، بیراق ایچکی ایشلر وزیرلیگی نینگ سابق وزیری محمدمسعود اندرابی اونینگ استعفاسیگه قرشی کیلگن ایکن.
غور ولایتی نینگ تیوره تومن یشاوچیلری و امنیتی رسمیلریدن قطاری بو تومن یمان امنیتی وضعیتی و قطار منطقهلر و پوستهلر طالبان قولیگه سقوط قیلگنیدن خواطر بیلدیریب ایتیشلریچه، دولت جدی توجه قیلمهگن صورتده، بو تومن طالبان قولیگه سقوط قیلیشی ممکن. شونینگدیک تیوره تومن پولیس قومندانی حبیبالرحمان ملکزاده نینگ ایتیشیچه، حاضر طالبان نیچه تاماندن بو تومن اوستیگه هجوم باشلهگن.
هلمند محلی مسئوللری بو ولایتده ماین پارتلهشی عاقبتیده ۵ کیشی نینگ جان بیرگنیدن خبر بیرگن. هلمند حاکمی سوزلاوچیسی عمر زواک نینگ ایتیشیچه، مذکور حادثه بوگون (جمعه ۱۳- حمل) ایرتهلب تینچاهالی مینیلگن بیر موتر یول چیککهسیده جایلشتیریلگن ماین گه دوچ کیلیشی بیلن مذکور ولایت مرکزی لشکرگاه شهریده یوزبیرگن.
بغلان پولیسی سوزلاوچیسی احمدجاوید بشارت نینگ ایتیشیچه، اوتگن کون (پنجشنبه ۱۲- حمل) بغلان مرکزی پلخمری شهریده بو ولایت پولیسی نینگ خاص قطعه قومندانی شریفالله خوستی طالبان بیلن اوتکزگن آتیشمه نتیجهسیده جان بیرگن. اونگه کوره، شونینگدیک مذکور آتیشمهده طالبان گروهی گه هم تلفات ییتیشگن.
بوگون (پنجشنبه ۱۲- حمل) انسان حقلری نی کوزهتووچی تشکیلاتی تامانیدن نشر قیلینگن ینگی گزارش ده کیلیشیچه، دوحهده افغانستانلیکلرارا تینچلیک سوزلشوولری باشلنگنیدن کیین افغانستان بویلب خبرچیلرگه قرشی هجوملر کوپهیگن و بو ایش تینچلیک پروسهسیده سوز ایرکینلیگی و رسانه ایرکینلیگی سقلهنیشی توغریسیده خواطرلرنی کوپهیتیرگن.
