قطار منبعلرنینگ رسانه‌لرگه ایتیش‌لریچه، قندهار پولیس قومندانی تادین خان استعفا قیلگن. مذکور منبعلرگه کوره، تادین خان نینگ استعفانامه‌سی اوچ آی آلدین ارایه ایتیلگن ایکن، بیراق ایچکی ایشلر وزیرلیگی نینگ سابق وزیری محمدمسعود اندرابی اونینگ استعفاسیگه قرشی کیلگن ایکن.
گزارشلر اساسیده، اوچینچی چیگره لوا نینگ تورتینچی قطعه قومندانی محمدشریف سرطبیب قندهار پولیس قومندانلیگی نینگ ینگی قومندانی صفتیده تعیین ایتیلیشی گه قرار قیلینگن. منبعلرگه کوره، محمدشریف سرطیب ایرته (دوشبنه ۱۶- حمل) رسمی شکلده مذکور ولایت پولیس قومندانی صفتیده تانیشتیریلیشی ممکن.
بیراق قندهار پولیس قومندانلیگی نینگ رسانه مسئولی جمال‌ناصر بارکزی نینگ سلام‌وطندارگه ایتیشیچه، بو یالغیز بیر مِش‌مِش دیر و حاضر بو توغریده پولیس قومندانی هم هیچ بیر نرسه دیمه‌گن.
تادین خان ۳۸ یاشر دیر و قویاش ۱۳۹۷- ییل میزانی آیی ده قندهار پولیس قومندانلیگی نینگ سابق قومندانی ژنرال عبدالرازق نینگ اورنیده تعیین ایتیلدی. ایتیش کیره‌ک کیم تادین خان قندهار قوم بویوک‌لری نینگ تکلیفی اساسیده بو وظیفه گه تعیین ایتیلگن ایدی.
