ترامپ: آتیش کیسین بوزیلگنیده، ایراننی جدی حرکتلر کوتماقده
امریکا جمهور باشلیغی دونالد ترامپنینگ اعلام قیلیشیچه، «حقیقی کیلیشوو» نینگ بوتونلی عملگه آشیریلگنیگه قدر، امریکا حربی کوچلری ایران اطرافیده قالهدی.
امریکا جمهور باشلیغی دونالد ترامپنینگ اعلام قیلیشیچه، «حقیقی کیلیشوو» نینگ بوتونلی عملگه آشیریلگنیگه قدر، امریکا حربی کوچلری ایران اطرافیده قالهدی.
امریکا شرمندهلی مغلوبیت گه اوچرهدی. بونی ایران رسمیلری ایتماقده. امریکا جمهور باشلیغی دونالد ترامپ ایسه ماجرادهگی مهم استراتیژیک نقطه حسابلنگن هرمز بوغوزینی آچیش شرطی بیلن ایراننی بمباردمان قیلیشنی ایکی هفته گه توختهتیشگه راضی بولگنینی بیلدیردی و اوروش یکونی امریکا فایدهسیگه ایشلهیاتگنینی ادعا قیلدی.
الجزیره، بوگون (۲۰ حمل/۹ اپریل، پنجشنبه) غزهده اسرائیل هجوملری نتیجهسیده خبرچیلریدن بیری اولگنینی معلوم قیلدی. اوشبو گزارش گه کوره، الجزیره مباشر خبرچیسی محمد ویشا، غزه شهری غربیده اسرائیل تامانیدن اویوشتیریلگن دران هجومی نتیجهسیده اولگن. میلادی ۲۰۲۳ ییل اکتوبر آییدن بیری غزهده اسرائيل هجوملری نتیجهسیده حاضرگچه الجزیرهنینگ ۱۲ خبرچیسی اولگن.
روسیه خوفسیزلیک کینگشی باشلیغینینگ اورین باسری دیمیتری مدودف، امریکا جمهور باشلیغی دونالد ترامپنینگ ۱۰ بند دن عبارت ریجهنی محاکمه قیلیشگه راضیلیک بیرگنینینگ اوزی ایران اوچون موفقیت ایکنینی ایتدی.
اسلام امیرلیگی باش وزیرلیگینینگ اقتصادی اورین باسرلیگی، بوگون (۱۹ حمل/۸ اپریل، چهارشنبه) ایکس صحیفهسیده بیر بیانیه ترقهتیب، اوشبو ییغیلیشده کابل شهری بیرینچی ناحیهسیده زمانهوی شکلده بیر سودا مرکزی قوریلیشی، چیقیندیلرنی کویدیریش و پروسس قیلیش بیلن برق ایشلب چیقریش ریجهسی بحث گه آلینگن.
اسرائیل باش وزیری بنیامین نتانیاهو، امریکا و ایران اورتهسیده آتیش کیسین کیلیشووینی قوللب-قوتلب و لبنان بو کیلیشوو گه شامل ایمسلیگینی بیلدیرگن. نتانیاهو، بوگون (۱۹ حمل/۸ اپریل، چهارشنبه) ایکس صحیفهسیده بیر بیانیه ترقهتیب امریکا اسرائیل گه ایران بیلن بولیب اوتهدیگن کیلگوسی مذاکرهلرده عمومی مقصدلریگه ایریشیش گه صادق قالیش ایشانچینی بیرگنینی ایتگن.
امریکا و ایران ایکی هفتهلیک آتیش کیسین اعلان قیلگنیدن سونگ، نفت قیمتی سیزیلرلی درجهده پس توشگن. الجزیره، بوگون (۱۹ حمل/۸ اپریل، چهارشنبه) ترقهتگن گزارشیده، بو اوزگریش بازارلر تینچلنیشیگه سبب بولیب و هرمز بوغوزی آرقهلی نفت و گاز تشیش جریانی باشلنیشی گه دایر امیدلرنی قیته کوچهیتیرگن. امریکا جمهو باشلیغی دونالد ترامپ اوشبو ایکی هفتهلیک آتیش کیسیننی تصدیقلب و اوزاق مدتلی کیلیشوو گه ایریشیش اوچون مذاکرهلر دوام ایتماقدهلیگینی ایتگن.
خلقارا ییتکرمهلرنینگ معلوماتیگه کوره، امریکا و ایران، هفتهلر توقنشوودن کیین پاکستاننینگ واسطهچیلیگی بیلن ایکی هفتهلیک آتیش کیسین گه کیلیشگنلر. تامانلر اوشبو آتیش کیسینده، توقنشوولرنی توختهتیب و هرمز بوغوزیدن نفت تشووچی کیمهلر اوتیشی و اوزاق مدتلی کیلیشوو اوچون مذاکرهلر گه زمینه یرهتیلیشیگه کیلیشگنلر.
ایران سپاه پاسداران، امریکا تهران تامانیدن تعیین ایتیلگن «قرمز چیزیغ»دن اوتسه، ایران بو هجوم گه جواباً منطقهدن تشقریگه هجوم قیلیشی حقیده آگاهلنتیردی.
الجزیره، بوگون (۱۸ حمل/۷ اپریل، سهشنبه) بیر گزارش ترقهتیب ایتیشیچه، امریکا کانگرسی بیرقطار اعضالری اوشبو مملکت جمهور باشلیغی دونالد ترامپنی لوازمیدن چیتلشتیریلیشینی سورهگنلر.
غزه ساغلیقنی سقلش رسمیلری، غزه مرکزیگه اسرائیلنینگ ینگی هجوملری عاقبتیده چمهسی ۱۰ کیشی قربان بولیب و اونلب کیشی یرهلنگنینی معلوم قیلدیلر. الجزیره گه کوره، اسرائیل ۱۷ حمل/۶ اپریل، دوشنبه کونی غزه مرکزیده المغازی اردوگاهسی یقینیدهگی حدودلرنی نشانگه آلگن. میلادی ۲۰۲۵ ییل اکتوبر آییده آتیش کیسین بوزیلگنیدن سونگ، اسرائیل غزه تورلی حدودلریگه هجوملرینی دوام بیرگن.
یقین شرقده توقنشوولر کوچهیشی و هرمز بوغوزینینگ یاپیلیشی، انرژی بازاریگه باسیم آرتیب و نفت نرخلری دنیا بویلب آشدی؛ بو حالتدن افغانستان هم تأثیرلندی و یقینده هر لیتر تیل نرخی ۱۰ دن ۱۵ افغانیگچه آشگن.
اسلام امیرلیگی ایکینچیلیک، سووغاریش و چارواچیلیک وزیرلیگی، قندهار ولایتی سپینبولدک چیگرهسی آرقهلی ۵۸۰ باش قوینینگ پاکستان گه قاچاق قیلینیشی پیتیده آلدی آلینگنینی معلوم قیلدی.
افغانستان سودا و سرمایه کیریتیش اتاقی، افغانستان و اوزبیکستان سوداگرلری ۶۵ میلیون دالرلیک ۱۰ بیتیم امضالهگنینی بیلدیردی. اوشبو اداره، بوگون (۱۷ حمل/۶ اپریل، دوشنبه) ایکس صحیفهسیده بیر بیانیه ترقهتیب، ایکی مملکت سوداگرلری و سرمایه کیریتووچیلری اورتهسیده بو ۱۰ بیتیم، اوزبیکستاننینگ فرغانه شهریده اوتکزیلگن تجارتی ییغیلیشده امضالنگنینی معلوم قیلدی.
سمنگان ولایتی ایکینچیلیک، سووغاریش و چارواچیلیک ریاستی، اوشبو ولایتده زراعت گه مضر بولگن چیگیرتکه (ملخ)لر گه قرشی کمپاین باشلنگنیدن خبر بیردی.
اسرائیل اردوسینینگ لبنان ایریم حدودلری جملهدن بو مملکت پایتختی بیروت گه اویوشتیرگن هوا هجوملری عاقبتیده چمهسی ۱۴ کیشی اولگن.