پایتخت کابل شهری یشاوچیلریدن ایریملری، کوچهلرده یاریتگیچ یوقلیگیدن شکایت قیلیب، کیچه تاماندن کوپینچه یوللر و کوچهلر قرانغو بولهدی و اولرنی ایریم قیینچیلیک بیلن دوچ قیلگنینی ایتهدیلر.
اولر گه کوره، کیچهسی ایشلهیدیگنلر اوی گه قیتیش پیتیده، قرانغو یوللر و کوچهلرده ایریم قیینچیلیک بیلن روپهره بولهدیلر.
کابل شهری ۱۲ ناحیه یشاوچیسی و طلبه احسانالله مبارز، کیچ قورونگچه اوقیدی و اوی گه قیتیش پیتیده، یول قرانغولیگی سببلی قورقیشینی بیلدیرهدی. او شوندهی دییدی: «اوییمیز بتخاک ده، بیلیم یورتدن بایسکل بیلن کیچ قورون قیتهمن، یوللر و کوچهلر قرانغولیگی اوچون کوپینچه پیتلر قورقه من. کوچهلر یاریتیلیشی اوچون هر بیر عایلهدن ایشیگیده بیر چراق قوندیریشلرینی ایستهی من.»
کابل یکهتوت حدودی یشاوچیسی حسنا لطیف گه کوره، کیچه تاماندن ایش تاپیلیب و اویدن چیقیش گه مجبور بولگن حالده، کوچهلر قرانغولیگی سببلی، اوغریلر و کوچیک (ایت)لردن قورقهدی. اونینگ ایتیشیچه: «مین خصوصی مکتبده اوقیتووچی بولیب ایشلهی من، بعضاً کیچهسی اوی گه قیتهمن. کوچهلر قرانغو بولهدی بو ایسه کوپلب معمالر گه سبب بولهدی – یول یخشی کورینمهیدی، کوچه قرانغو بولسه، انسانده قورقو تاپیلهدی، اوغریلیک بولیشی ممکن و آدملرنی انیق تنیب بولمهیدی.»
شو بیلن بیرگه، کابل شهری ۱۲ ناحیهسیده دکاندار منصور، کیچه اوی گه قیتیش پیتیده، عمومی یوللر و کوچهلر قرانغولیگی سببلی، اوزینی ناتینچ حس قیلیشینی معلوم قیلهدی.
او مسئوللردن، دولت ادارهلری یانیده یشاوچیلرنی هم یشش اویلری و کوچهلرده چراق قوندیریش گه مجبور قیلهدیگن ریجه ایشلب چیقریشنی سورهیدی. او شوندهی دییدی: «مین کیچهسی اوی گه کیتهیاتگنیمده یولده چراق بولمهیدی، شو سبب خوفسیزلیک نقطهی نظریدن هم قورقه من و یولنی هم توغری کوره آلمهی من. هر بیر عایله اوز اویی آلدیگه چراق اورنهتیشی کیرهک.»
شو بیلن بیرگه، کابل بلدیهسی سوزلاوچیسی نعمتالله بارکزینینگ ایتیشیچه، بو قیینچیلیک حل ایتیلیشی اوچون، اوتگن ییل دوامیده کابل شهری سرکلریده ۱۲ مینگ برق پایهسی قوندیریلگن و کیلهجکده فرعی کوچهلرده چراق و برق پایهلرینی قوندیریش گه ریجهلری بار. او شوندهی دییدی: «کابل بلدیهسی اوز فعالیتینی عملگه آشیردی؛ اوتگن ییل دوامیده کابل شهریده ۱۰ مینگدن آرتیق برق پایهلری اورنهتیلدی. کیلهجکده ایسه شهرنینگ تورلی حدودلریده چراقلر اورنهتیش ریجهلشتیریلگن، شونده بوتون شهر یاریتیشدن بهرهمند بولهدی.»
افغانستان جدی برق تقچیلیگی بیلن روپهره دیر و برق احتیاجلرینی قوشنی مملکتلردن آلیب کیلگن. برق ییتکزیش ترماقلرنینگ آزلیگی، تخنیکی قیینچیلیک و سرمایه آز کیریتیلیشی بو مملکتنینگ برق بولیمیدهگی اساسی معمالریدن حسابلنهدی.
