کابل بلدیه‌سی مسئوللری بوگون (پنجشنبه، ۲۲-سنبله)، امارتی اداره‌لر نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، اوشبو اداره اوتگن بیر ییل‌ده کابل ده ۱۲۵ کیلومتر‌دن آرتیق ینگی فرعی و عمومی سرک قورگن.
اوشبو برنامه‌ده کابل بلدیه‌سی نینگ فرهنگی ایشلری بوییچه مصلحتچیسی نعمت‌الله بارکزی نینگ ایتیشیچه، مذکور اداره ینگی سرک‌لر نینگ قوریلیشی گه علاوه، ۷۳ مینگ ۸۵۲ مترمربع سرک نی اسفالت شکلده قیته قوریب و ۳۸ مینگ ۸۷۲ مترمربع سرک نی داغ‌گیرلیک قیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اوتگن بیر ییل‌ده ۱۲۵.۸۷ کیلومتر ینگی سرک نی کابل شهری‌ده قوردیک که هم کانکریب و هم اسفالت‌لنیش شکلده دیر.»
کابل بلدیه‌سی مسئوللری، ۲۲ ناحیه‌ده یریم میلیون‌دن آرتیق چقیندی نینگ توپلنیشی، شهر بویلب ۷۰۰۰ لوداسپیکر نینگ توپلنیشی، سرک‌لر چیککه‌سیده ۵۰۰۰ چراغ قوریلیشی، شهر بویلب ۲۰۰۰دن آرتیق توسیقلر نینگ آلینیشی، ۲۰۰۰ آرتیق ملک نینگ ساتیب آلینیشی و ایکی میلیون کوچت نینگ ایکیلیشینی اوتگن بیر ییل‌ده بو اداره نینگ بیر ییل‌لیک باشقه یوتوقلریدن عنوان قیلگنلر.
باشقه بیرتاماندن، نعمت‌الله بارکزی نینگ ایتیشیچه، کابل بلدیه‌سی اوتگن بیر ییل‌ده آلتی میلیارد‌دن آرتیق افغانی درآمد قیلگن. «تورتینچی بولیم یخشی حکومت‌دارلیک و عاید‌لریمیز مسئله‌سی دیر که کابل بلدیه‌سی اوتگن بیر ییل گه نسبت الحمد‌الله قریب بیر میلیارد افغانی کوپه‌یگن و بو کابل بلدیه‌سی تاریخی‌ده، تاریخی بیر رکورد دیر.»
کابل بلدیه‌سی مسئوللری نینگ ایتیشلریچه، اوتگن بیر ییل‌ده ۲۵۰۰ متر اوزون‌لیگی بولگن «جبارخان» سرک و کانالی قوریلیشی، ۲۷۳ متر اوزون‌لیگی بولگن پلچرخی نینگ «تلاشی» ساحه‌سیده‌گی کانال قوریلیشی، ۵۱۱ متر اوزون‌لیگی بولگن حصه‌ی سوم خیرخانه کانالی قوریلیشی و ۱۲۹۷ متر اوزون‌لیگی بولگن «شهرک امنیت» سرکی نینگ غرب قسمی کانالی قوریلیش ایشی هم یکونلنگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، کابل بلدیه‌سی نینگ اطراف-محیط و شهری خذمتلر معینی محمدخالد سجستانی نینگ ایتیشیچه، کابل شهری قوریلیشی اوچون خصوصی بولیم کوپراق سرمایه یاتقیزگن.
شونینگدیک کابل بلدیه‌سی مسئوللری نینگ کوپه‌یتیریشلریچه، کوچه‌لر نینگ کانکریت بولینیشی، کانال‌لر و دم آلیش جایلر نینگ قوریلیشی شامل ۲۰۰ لایحه بیرلشگن ملتلر تشکیلاتی همکارلیگی بیلن بو اداره نینگ ریجه‌سی آستیده قرار تاپگن.
