هرات ولایتی نینگ ادرسکن تومنیدن محلی بیر منبع نینگ کیملیگی سیرقالیشنی ایستهب سلاموطندارگه ایتیشیچه، اوتگن “شنبه” کونی توشدن سونگ، 25 یاشیده بولگن بیرعیال اوشبو تومنده ملی اردو کندکی نینگ 500 مترلیگیده طالبان نینگ صحرایی محکمهسیده اوققه توتیلگن.
افغانستان جمهور رئیسی محمداشرف غنی نینگ ایتیشیچه، طالبان 7 مینگ محبوسی نینگ قوییب یوباریلیشی تینچلیک سبب بولگن صورتده، بو ایشگه موافقت قیلهدی.
جناب غنی، اوشبو صحبتلرنی اوتگن “جمعه” کونی اشپیگل مجلهسی بیلن اوتکزگن صحبتیده بیان قیلگن.
فاریابده ملی اسلامی جنبش حزبی ییریک اعضالریدن بیری عبدالجلیل آور نینگ ایتیشیچه، اوشبو ولایتده ینگی حاکم تانیتیلیشیگه توسیق بولهدیلر و اولر ولایتلرنینگ حاکملری اهالی تامانیدن تعیینلنیشی خصوصیده مارشال دوستم نینگ فکریدن حمایت بیلدیرهدیلر.
هرات ولایتیدن محلی بیر منبع نینگ کیملیگی سیرقالیشنی ایستهب سلاموطندارگه ایتیشیچه، طالبان گروهی نینگ ملا رسول رهبرلیگیگه بولگن شاخهسی اورین باسری ملا عبدالمنان نیازی اوتگن کیچه کابل ده دنیا دن اوتگن. منبع نینگ ایتیشیچه، ملا نیازی درمانلنیش اوچون هرات دن کابلگه انتقال بیریلگن ایدی.
کابل پولیس قومندانلیگی سوزلاوچیسی فردوس فرامرز نینگ ایتیشیچه، بوگون کابل نینگ شکر دره تومنیدهگی «مفتی نعمان» مسجدی ده یوزبیرگن پارتلش ده ۱۲ کیشی جان بیرگن. جناب فرامرز نینگ کوپهیتیریشیچه، هلاک بولگنلر آرهسیده مذکور مسجد امامی مفتی محمدنعمان هم شامل دیر.
جمهورلیک ریاست سابق اورینباسری مارشال عبدالرشید دوستم، رمضان هییت نمازی نی ادا قیلگنیدن کیین، یوزلرچه جوزجان یشاوچیلری و عسکرلری نینگ حضوری گه بیانات بیریب و ایتیشیچه، طالبان اوروش نی دوام بیریش بیلن اوز ایستهکلری گه بولگن حکومت نی قوریش نیتده بولگنده، اولر خطا قیلگن بولهدی. مارشال دوستم گه کوره، طالبان آتیش کیسین نی دوام بیریش و اوروش نی یکونلنتیریش بیلن مذاکره میزی گه قیتیشلری کیرهک.
جمهوررئیس غنی طالبان گروهیدن، حاضرگی اورته گه کیلگن فرصتدن تینچلیک اوچون فایدهلنیب و تینچلیک نی تن آلیشلرینی سورهگن. جناب غنی بوگون (پنجشنبه ۲۳- ثور) هییت نمازی نینگ ادا قیلگندن کیین ایتیشیچه، چیتایللیک کوچلرنینگ چیقیشی بیلن مملکتده تینچلیک تأمینلنیشی اوچون کتته فرصت یرهتیلگن.
قندهار و قندوز امنیتی مسئوللری، رمضان هییت بیرهمی نینگ بیرینچی کونیده مذکور ولایتلرده ماین پارتلش حادثهسی یوزبیرگنیدن خبر بیریشگن. مذکور پارتلشلر قندهار نینگ میوند و پنجوایی تومنی و شونینگدیک قندوز شهریده یوزبیرگن که نتیجهده، ۹ تینچاهالی هلاک و باشقه ۱۷ تینچاهالی ایسه یرهلنگن.
پکتیا ولایتی بوییچه معارف ریاستی مسووللری نینگ ایتیشلریچه، اوشبو ولایت نینگ 10 مکتبده یالغیز 11 اوقیتووچیسی بار. مسووللرنینگ ایتیشلریچه، اوقیتووچیلرنینگ کملیگی سبب، مذکور مکتبلرنینگ اوقووچیلری کون اوتیش بیلن کمهیب بارماقده.
سلاموطندار اختیاریگه قرار تاپگن معلوماتلرگه کوره، سونگی بیر ییل جریانیده امنیتی تهدیدلر و اقتصادی قیینلیکلر سبب، کمیده 30 میدیا نینگ فعالیتی توختهتیلگن.
مذکور معلوماتلرگه کوره، اوتگن بیر ییل جریانیده مملکت 13 ولایتیده 5 کوریلهدیگن، 9 تینگلنهدیگن و 16 چاپی میدیا فعالیتینی توختهتیب قوییگن.
ایچکی ایشلر وزیرلیگی مسووللری نینگ ایتیشلریچه، رمضان مبارک آیی باشلنگنیدن حاضرگهقدر مملکتده 300 تینچ اهالی هلاک و باشقه 500 تینچ اهالی یرهلنگن.
ایچکی ایشلر وزیرلیگی سوزلاوچیسی طارق آرین نینگ سلاموطندارگه ایتیشیچه، رمضان آیی باشلنگنیدن حاضرگهقدر طالبان تامانیدن 150 پارتلش، 15 خودکش هجوم و 50 هدفلی ترورلر اویوشتیریلگن.
افغانستان یشاوچیلریدن کوپقطاری دواملی اوروشلر سبب، ایشانچلی شکلده تیریکچیلیک قیلیش اوچون مملکتنی ترک قیلیب باشقه مملکتلرگه مهاجر بولگنلر. اوشبو مهاجرلر نامنظم یوللر آرقهلی مهاجرلیککه اقدام قیلگنلر و یولده کوپینچه قیینچیلیکلر بیلن روپهره بولگنی چیککهسیده، مقصدلریگه ییتیشگنیدن سونگ، تیریکچیلیک دن نامید بولگنلر.
طالبان تامانیدن اوچ کون هییت آتیش کیسین اعلام ایتیلگنیدن کیین، جوزجان یشاوچیلری و مدنی فعاللردن اونلرچهسی توپلهنیب و طالبان نینگ بو اقدام دن قدردانلیک قیلیش بیلن دایمی آتیش کیسین تأمین ایتیلیشی نی سورهشگن. اولرگه کوره، جاری اوروش نینگ هیچ قندهی مفهومی یوق و مملکت نینگ ویرانلیگی گه سبب بولهدی.
زابل و پروان ولایتیده یوز بیرگن اوچ پارتلشده 12 کیشی هلاک و باشقه 50 دن آرتیق کیشی یرهلنگن. زابل حاکمی اورین باسری عنایتالله هوتک نینگ سلاموطندارگه ایتیشیچه، اوتگن کیچه ساعت 12 ده کابلدن قندهار تامان بارهدیگن مسافر تاشیووچی بیر موتر قلات شهریده جاده چیککهسیده جایلشتیریلگن ماین بیلن دوچ کیلگن.
اوتگن کون ساعت ۴ یریم اطرافیده کابل شهری نینگ ۱۳- ناحیهسیگه تیگیشلی دشت برچی منطقهسیده، کیینمهکیین یوزبیرگن اوچ پارتلش ده ۵۰ دن آرتیق کیشی هلاک و ۱۰۰ دن آرتیق کیشی ایسه یرهلندی.
اوتگن “شنبه” کونی کابل غربیده یوز بیرگن پارتلشده قربان بولگنلردن 40 تهسی نینگ جسدی امیدسبز شهرچهسی نینگ دانایی تپهسیگه انتقال بیریلگن و بو اره ده تنهسی نینگ بیر بولیمی بولگن بیر قیزنینگ جسدی هم بار دیر.
جسدلرنی توپراققه قویش مراسمده اشتراک قیلگنلرنینگ ایتیشلریچه، جسد تانیلمهیدی و کیم نینگ قیزی و نامی نیمه بولگنینی بیللی ایمس.
