تخار ولایتیده بیرقطار خبرچی‌لر «معلومات‌لرگه قول تاپیش حقی‌میز» شعاری بیلن ولایت مقامی برابریده اعتراض بیلدیریب و تخار محلی مسوول‌لری نینگ واقعه‌لر خصوصیده معلومات بیرمه‌یش‌لریدن تنقید قیلگن‌لر.

اوشبو خبرچی‌لرنینگ ایتیش‌لریچه، تومن‌لر طالبان قولیگه سقوط قیلماقده و دلیلی هم بیللی ایمس، بیراق تخار محلی مسوول‌لری مذکور واقعه‌لر خصوصیده بولگن معلومات‌لرنی میدیالر بیلن شریک قیلمه‌یدی.

تخار خبرچی‌‎لریدن ایکی ته‌سی شفیق پویا و نصرت ابراهیم نینگ سلام‌وطندارگه ایتیشیچه، خبرچی‎لر مصونیتی اوچون محلی اداره مسوول‌لری نینگ هیچ‌قنده‌ی برنامه‌سی یوق و امنیتی وضعیت یمان بولیشی بیلن خبرچی‌لر و عایله‌لریگه قرشی تهدیدلر کوپه‌یگن.

خبرچی‌لردن باشقه بیرقطاری نینگ ایتیش‌لریچه، دولت گه یقین منبع‌لر امنیتی کوچلرگه روحیه بیریش اوچون ناتوغری خبرلرنی نشر قیله‌دی.

تخار ولایتی بوییچه معلومات و مدنیت ریاستی باشلیغی فاروق‌الله عظیمی نینگ خبرچی‌لر خواطرلرینی تصدیق‌لب ایتیشیچه، بو مسله‌نی نیچه مرته تخار محلی مسوول‌لری بیلن شریک قیلگن و اولردن معلومات‌لرنی میدیالر بیلن شریک قیلیش‌لرینی سوره‌گن.

تخار ولایتی بوییچه معلومات و مدنیت ریاستی باشلیغی‌گه کوره، محلی مسوول‌لرنی امنیتی برنامه‌لر بیلن مصروف بولگن‌لری باعث، کم‌راق معلومات‌لر خبرچی‌لر اختیاریگه قرار بیریله‌دی.

بوتوغریده تخار محلی مسوول‌لری فکرینی آلیش اوچون سعی و حرکت قیلدیک، لیکن موفق بولمه‌دیک.

کلیدی کلمه‌لر: // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام