اوتگن کون اسلامی جمعیت حزبی نینگ انشعابی شاخه رهبری عطامحمد نور، سیاسی حزبلر و تانیقلی سیمالردن مملکتدن مدافعه قیلیش اوچون طالبان گه قرشی ملی بسیج تشکیل بیریشلرینی سورهدی.
او بیر اعلامیه آرقهلی ایتیشیچه، بوندن آلدین هم اولکه دن مدافعه قیلیش اوچون ملی بسیج و ملی اجماع تشکیل ایتیلیشی توغریسیده حکومت گه تکیلف بیرگن ایکن، بیراق بو خصوصده توجه قیلینمهگن.
جناب نور حکومتدن اولکه دن مدافعه قیلیش و امنیتی کوچلردن حمایت قیلیش اوچون ملی بسیج دن حمایت قیلیب و بسیج کوچلری نینگ اختیاری گه ییترلیچه امکانیت قرار بیریلیشی نی سورهگن.
بیزلرنینگ فیسبوک صحیفهمیزگه باش اورینگ!
سیاسی ایش بیلرمانلرنینگ ایتیشلریچه، شمال ده طالبان برابریده بیر جبهه تشکیل ایتیلیشی اوروش ده استراتیژیک اوزگریشی گه سبب بولیشی ممکن.
سیاسی ایش بیلرمان مصطفا علیزاده نینگ ایتیشیچه، شمال جدی شکلده ناتینچ بولگن بیرحالده، شمال دن مدافعه قیلیش اوچون ائتلاف ایجاد ایتیلیشی امیدوارلنتیرووچی دیر و اوروش استراتیژیسینی اوزگرتیریشی ممکن.
سیاسی ایش بیلرمانلردن باشقه بیری بسمالله رنجبر نینگ ایتیشیچه، بوندهی ائتلافلر قیسقه پیتده اوروش کمهیشی و امنیتی کوچلرنینگ روحیهسینی یوقاری کیتیشی گه سبب بولهدی؛ بیراق اوروش استراتیژیسی اوزگرمهی و حکومت ایچیده دولت گه قرشی قوراللی کیشیلرنینگ حمایتچیلری نابود بولمهگن صورتده، وضعیتی اساسی شکلده اوزگرمهیشی ممکن.
بیزلرنینگ توییترده هم تعقیب قیلینگ!
اوشبو ایش بیلرمانلرنینگ ایشانچلریگه کوره، طالبان و ترورچیلیک گروهلرگه قرشی هر قندهی ائتلاف و ملی بسیج یخشی بیر اقدام دیر؛ بیراق بو حرکتلردن سوءاستعمال بولمهی و ایچکی اوروش واقعهسی تکرارلنمهسی کیرهک.