زابل ولایتیدن ایشانچلی بیر منبع نینگ سلاموطندارگه ایتیشیچه، شینکی تومنیدهگی امنیتی کوچلر بوگون ایرتهلب مذکور ولایتدهگی بیر حربی قرارگاه نینگ ترک قیلیش بیلن، بو تومن نینگ طالبان گروهی گه تاپشیرگن.
منبع گه کوره، مذکور حربی کندک، طالبان گروهی نینگ قمرویگه قرار تاپگن امنیتی کوچلر و محلی مسئوللرنی زابل مرکزی قلات شهری گه باریش گه رخصت بیریلیش شرطی بیلن، طالبان گروهی گه تاپشیریلگن.
ناتانیش قوراللی کیشیلر اوتگن “سهشنبه” کونی ننگرهار ولایتی نینگ خوگیانی و سرخرود تومنلری و جلالآباد شهریده فرقلی هجوملرده ۵ واکسیناتورنی اولدیریب و باشقه ۴ تهسینی یرهلنتیرگنلر. اوشبو واقعهدن سونگ، ننگرهار ولایتیده پولیوگه قرشی ایملش دستوری توختهتیلگن و ساغلیک مسووللری نینگ ایتیشلریچه، اوشبو دستور توختهتیلیشی بیلن کمیده ۳۵۰ مینگ باله واکسین دن محروم قالگنلر.
آمریکا جمهوررئیسی جوبایدن نینگ ایتیشیچه، افغانستان گه دیپلماتیک، اقتصادی و انسانی وعدهلر دوام تاپهدی. آمریکا جمهوررئیسی اوشبو بیانات نی جاری هفته دوشنبه کونی بلژیک پایتختی بروکسل شهریده و ناتو رهبرلری نینگ ییغینیده بیان قیلگن.
بوگون “چهارشنبه” نمایندهلر کینگشی اعضالریدن بیرقطاری نینگ اوشبو کینگش عمومی ییغینیده اوروش میدانلریده حکومت و امنیتی نهادلرنینگ مدیریتسیزلیگیدن تنقید قیلیب ایتیشلریچه، امنیتی وضعیت کون-اوتیش بیلن یمان بولماقده و حکومتنی بو وضعیتدن چیقیش اوچون جدی شکلده سعی و حرکت قیلیشی کیرهک.
طالبان هجومی شدتلنگنی و بیرقطار تومنلرنی اوشبو گروه قولیگه سقوط قیلگنی باعث، یشاوچیلر حکومت نینگ اوروش میدانلریگه کوچسیز مدیریتیدن تنقید قیلگنلر.
یشاوچیلردن بیرقطاری حکومت نینگ ایشسیزلیگیدن تنقید قیلیب ایتیشلریچه، جمهورلیک ریاستی و امنیتی نهادلر مسووللرینی حاضرگی وضعیتدن چیقیش اوچون هیچقندهی برنامهسی یوق.
هرات نینگ اوبه تومن ولسوالی ضیاالحق نوری نینگ ایتیشیچه، مذکور تومنده طالبان هجومی باعث امنیتی کوچلردن کمیده ۴۹ تهسی تن جراحتی کوتارگن. اونگه کوره، بو حربیلریدن قطاری دارو و درمان یوقلیگی باعث، جان بیرماقدهلر و اولردن قطاری نینگ یرهلری ایسلنگن.
پروان محلی مسئوللری نینگ ایتیشلریچه، غوربند نینگ نمکآب درهسیده محلی حربی عسکرلر و طالبان گروهی آرهسیده بیر کیچهوکوندوز آتیشمه یوزبیرگنیدن کیین، هوایی یاردم ییتیشمهگنی باعث طالبان قولیگه سقوط قیلدی.
ننگرهار ساغلیک ریاستی نینگ معافیت کتلوی بولیم باشلیغی دکتر جانمحمد نینگ سلاموطندارگه ایتیشیچه، مذکور واکسیناتورلر بو ولایتده ناتانیش قوراللی کیشیلرنینگ ۴ اَیری هجومیده هلاک ایتیلگن. شونینگدیک مذکور هجوملرده باشقه اوچ واکسیناتور هم یرهلنگن.
اوتگن کون ترکیه جمهوررئیسی، بو مملکت چیتایللیک کوچلر افغانستان نی ترک قیلگنیدن کیین، افغانستان ده تینچلیک نی تأمینلهیدیگن یالغیز ایشانچلی مملکت دیدی.
ناتو باش کاتبی ینس استولتنبرگ نینگ ایتیشیچه، مذکور تشکیلات و بیرلشیکلری افغانستان دن حمایت قیلیش و مذکور مملکت آستقورمهلری جملهدن، کابل هوا قونالغهسی نینگ سقلش خصوصیده ایش قیلماقده.
سرپل ولایتی کینگش اعضالری نینگ ایتیشلریچه، اوشبو ولایت نینگ صیاد تومنیده طالبان کمیننی عاقبتیده، امنیتی کوچلردن ۱۲ تهسی هلاک ایتیلگن. اولرنینگ ایتیشلریچه، اوشبو واقعه اوتگن کونی عصر چاغیده تاکتیکی ترک قیلیش جریانیده یوز بیرگن.
سرپل ولایتی کینگش اورین باسری سیداسدالله دانش نینگ سلاموطندارگه ایتیشیچه، دستلبکی آمارلرگه کوره، صیاد تومنیده طالبان کمیننی عاقبتیده، امنیتی کوچلردن ۱۲ تهسی هلاک و باشقه ۲۶ تهسی یرهلنگن.
فراه ولایتی نینگ اناردره تومنیده جایلشگن امنیتی کوچلردن بیرقطاری نینگ سلاموطندارگه ایتیشلریچه، اوتگن کیچهدن بویان اوشبو تومنده شدتلی آتیشمهنی دوامی بار و کمکی کوچ یوباریلمهگنی سبب، بیر پوسته طالبان قولیگه سقوط قیلگن.
فراه ولایتی کینگش اورین باسری شاهمحمود نعیمی نینگ سلاموطندارگه ایتیشیچه، اوتگن کونی عصر چاغیده اوشبو ولایت نینگ لاشوجوین تومنی کامل صورتده، طالبان قولیگه سقوط قیلگن.
فراه ولایتی کینگش اورین باسری نینگ کوپهیتیریشیچه، دستلبکی معلوماتلرگه کوره، اوتگن بیر کیچه و کوندوز ده طالبان هجومی سبب، ملی اردو، ملی پولیس و ملی خوفسیزلیک حربیلری شامل ۳۰ کیشی هلاک ایتیلگن.
کابل غربیده هجوملر کوپهیگن بیرحالده، اسلامی وحدت حزب رهبری محمدکریم خلیلی، بوگون کابل ده خبری بیر ییغین اوتکزیب و بو هجوملرنی ریجهلی و سیستماتیک دیب و اونینگ نسل نی اولدیریش گه ماس دیگن.
اوتگن “شنبه” کونی توشدن سونگ، مسافر تاشیووچی ایکی موتر کابل شهری نینگ غربیده پارتلهب و نتیجهده ۷ کیشی هلاک و باشقه ۶ کیشی یرهلنگن ایدی.
شونینگدیک، اوتگن هفته “یکشنبه” کونی ایکی تونس موتر کابل غربیده هجوم آستیگه قرار بیریلیب و نتیجهده ۵ کیشی هلاک و باشقه ۱۶ کیشی یرهلنگن ایدی.
پکتیا ولایتی نینگ زرمت تومنی یشاوچیلری نینگ ایتیشلریچه، امنیتی وضعیت یمان بولگنی و طالبان گروهی نینگ تهدیدی سبب، ۲ مینگدن آرتیق عایله اوشبو تومندن آواره بولگنلر.
پکتیا ولایتی نینگ زرمت تومنی یشاوچیلریدن بیرقطاری اوشبو ولایت مرکزی گردیز شهریده بیر ییغین اوتکزیب مذکور تومنده ناتینچلیکلر کوپهیگنی و طالبان تهدیدی دن خواطر بیلدیرگنلر.
