سرپل محلی مسئوللری، چهارشنبه کونی، ۲۲ سنبله، اوشبو ولایت نینگ مرکزی گه قرهشلی «تاشگذر» قیشلاغیده نیچه قیشلاق نی مرکز بیلن باغلهیدیگن ۴۸۰ مینگ دالرلیک ۲.۵ کیلومتر سرک نینگ کانکریت قیلیش ایشی باشلنگنیدن خبر بیرگنلر.
ننگرهار ولایتی درهینور تومنی «وایگل» قیشلاغیده بیر باله، آتهسینی «بالته» بیلن اولدیرگن.
افغانستان ده عصیانچی گروهلر اینیقسه القاعده و داعش حضوری گه دایر قوشنی و منطقه مملکتلردن بیرقطاری انده_سنده خواطر بیلدیرماقده ایکن، افغانستان ایشلری بوییچه امریکا نینگ مخصوص نمایندهسی توماس وست، اوتگن کونی امریکا ده «استیمسون مرکزی» ده نطق سوزلب، افغانستان ده داعش نی سرکوب ایتیش اوچون اسلام امیرلیگی نینگ اقداملرینی آلقیشلهگن.
جوزجان مرکزی شبرغان شهری ده سهشنبه کونی، ۲۱ سنبله، «قوملر ییغیلیشی» عنوانی ده یولگه قوییلگن مردمی بویوک ییغیلیش ده، چیگرهلر، قوملر و قبیلهلر وزیرلیگی نینگ جرگهلرنی هماهنگ قیلووچی معینی، محلی مسئوللر همده اوشبو ولایت مرکزی و تومنلریدن یوزلب دین عالمی، قوم بویوکلری، ییگیتلر اشتراک ایتگن ایدیلر.
عالی اوقوو وزیرلیگی مسئوللری، اوشبو ییل کانکور ممتازلرینی تقدیرلش مراسمی ده ایتیشلریچه، مملکت تحصیلی نصابینی معیاری توزهتیش اوچون سعیوحرکت قیلماقدهلر.
مرکزی بانک تامانیدن جنوب_غربی بیش ولایت جمله دن قندهار، زابل، هلمند، ارزگان و دایکندی ده خارجی پول بیلن معامله قیلمسلیک و افغانی پول نی رواجلنتیریش اوچون ایکی آیلیک مهلت بیریلیشیدن کیین، چیگره ولایتلرده یشاوچیلر و سوداگرلردن بیرقطاری، اوشبو ولایتلرده افغانی پول آزلیگی و بازارلرده ایران و پاکستان پولی بیلن معامله بولیشیدن شکایت قیلهدیلر.
اسلام امیرلیگی، تورخم چیگرهسیده افغانستان چیگرهچیلری تامانیدن اوروش باشلنگنینی رد قیلیب ایتیشیچه، اسلام امیرلیگی کوچلری سابق دن قوریلگن پوسته نی قیته قوریش پیتیده، پاکستان چیگرهچیلری اولرنی اوققه توتگن و کیین ایسه اوروش باشلنگن.
افغانستان مرکزی بانکی، بوگون اوز تویتری ده، مملکت بازارلریده افغانی پول نرخینی ثابت سقلش مقصدیده ایرته چهارشنبه، ۲۲ سنبله، ۱۵ میلیون امریکالیک دالرنی داوطلبلیک آرقهلی لیلام قیلیشیدن خبر بیرگن.
قندهار محلی مسئوللری نینگ ایتیشلریچه، اوشبو ولایت نینگ ۱۰ تومنیده ۵۰ ته سوو قودوغی قازیلهدی و اونگه علاوه، سوو ییتکیزیش ترماغلری هم قوریلهدی.
تورخم بندری و سالنگ قتناو یولی سوداگرلیک توارلر و یولاوچیلر یوزی گه یاپیلیشی دن کیین، پایتخت کابل شهری ده ییگولیک مادهلر نینگ اینک کتته بازاری «تهیهی مسکن» ده ییگولیک مادهلر جمله دن اون، یاغ و شکر نرخی ۵۰ دن ۲۰۰ افغانی گچه آشگن.
اسلام امیرلیگی ایچکی ایشلر وزیرلیگی، دوشنبه کونی، ۲۰ سنبله، اوز تویتری ده، اوشبو وزیرلیک سرپرستی کابل ده تورکیه ایلچیسی بیلن اوچرهشگنیدن خبر بیرگن.
القاعده ترماغی نینگ امریکا ده خلقارا سودا مرکزی بناسی گه هجومی دن ۲۲ ییل اوتماقده؛ بو هجوم دنیا فکرینی جهان امنیتی و تروریزم برابری ده اوزگرتیردی و اوشبو هجوم عاقبتی افغانستان و یشاوچیلری اوستیگه سلبی تأثیر قیلیب و حاضرگچه دوام ایتماقده دیر.
سلاموطندار نینگ معلوماتی اساسیده، کابل ده پاکستان ایلچیخانهسی اوچ آی ده اوشبو مملکت نینگ ویزه طلبگارلری درخواستلرینی رد قیلیش بیلن قریب یریم میلیون دالر درآمد قیلگن.
حیرتان نورم و ستندرد آمریتی، ۵۵ تُن دن آرتیق صفتسیز دیزل تیلی اوزبیکستان گه قیتیریلگنیدن خبر بیرگن.
فواید عامه وزیرلیگی مسئوللری نینگ ایتیشلریچه، سالنگ قتناو یولی بوگون (یکشنبه، ۱۹ سنبله)، ترانسپورتی واسطهلر و یولاوچیلر یوزی گه یاپیلگن. اولر نینگ کوپهیتیریشیچه، اوشبو یول قیته قوریلیش ایشی یکونی گه قدر یاپیلهدی.
افغانستان برابریده پاکستان رسمیلری نینگ تنقیدی بیاناتلری سونگی ده؛ اوشبو مملکت نینگ وقتینچهلیک تشقی ایشلر وزیری جلیل عباس جیلانی، شنبه کونی، ۱۸ سنبله، خبری ییغیلیش ده، اسلام امیرلیگی دن افغانستان توپراغیده پاکستان خوفسیزلیگی برابریده فعالیتی بولگن عصیانچی گروهلر جمله دن پاکستانلیک طالبلر تحریکی نی سرکوب قیلیشینی سورهگن.
