اسلام امیرلیگی، تورخم چیگره‌سیده افغانستان چیگره‌چیلری تامانیدن اوروش باشلنگنینی رد قیلیب ایتیشیچه، اسلام امیرلیگی کوچلری سابق دن قوریلگن پوسته نی قیته قوریش پیتیده، پاکستان چیگره‌چیلری اولرنی اوققه توتگن و کیین ایسه اوروش باشلنگن.
اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه ایتیشیچه: «دلیل‌لر گه کوره، اوروش نی پاکستان چیگره‌چیلری باشله‌گن. افغانستان چیگره‌چیلری سابق دن قوریلگن پوسته نی قیته قوریش پیتیده پاکستان حربی کوچلری تامانیدن اوققه توتیلگن کیین ایسه توقنشوو یوز بیرگن و اولر اوز تامان‌لری ایشیگینی یاپگنلر.»
اوتگن کونی پاکستان تشقی ایشلر وزیرلیگی بیر بیانیه ترقه‌تیب، اسلام امیرلیگی کوچلرینی مذکور مملکت چیگره‌چیلری گه دلیل‌سیز اوق آتیب و پاکستان توپراغیده پوسته قوریش گه عیبله‌گن.
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی ذبیح‌الله مجاهد نینگ ایتیشیچه، پاکستان ایکی مملکت مناسبتی زیان کورمسلیگی اوچون مذکور مملکت رسمی‌لری افغانستان نی عیبدار بیلمسلیک‌لری کیره‌ک؛ اسلام امیرلیگی هیچ زمان قاعده‌لر گه قرشی عمل قیلمه‌یدی بلکه قیینچیلیک‌لرنی دیپلوماتیک یول بیلن حل ایتیلیشینی پاایسته‌یدی.
او نینگ کوپه‌یتیریشیچه: «عیبلاولر اونگی آلینیشی کیره‌ک، پاکستان تامانیدن حاضر هم ایریم ناقانونی اقدام‌لر بوله‌دی، بو موردلر ایکی مملکت نینگ مناسبتی اوستیگه سلبی تأثیر قیله‌دی، بیز قیینچیلیک‌لرنی مذاکره آرقه‌لی حل ایتیلیشینی ایسته‌یمیز، کیسکین‌لیک طرفداری ایمس‌میز.»
تورخم چیگره‌سی ییتتی کون آلدین اسلام امیرلیگی و پاکستان چیگره‌چیلری نینگ توقنشووی سبب یاپیلدی، مذکور بندر یاپیلیشی بیلن پاکستان اوشبو مملکت ده افغانستان‌لیک ناقانونی مهاجرلرنی قولگه آلیش جریانینی باشله‌گن.
پاکستان ده افغانستان ایلچیخانه‌سی، مذکور مملکت ده افغانستان‌لیک ناقانونی مهاجرلر قولگه آلینیشیدن خواطر بیلدیریب ایتیشیچه، پاکستان کوچلری سونگی اوچ کون ده کراچی شهری دن افغانستان‌لیک ۱۷۰ مهاجرنی قولگه آلیب و کلتکله‌گن و اولر آره‌سیده ناقانونی مهاجرلر شامل دیر.
پاکستان ده افغانستان ایلچیسی سرداراحمد شکیب نینگ سلام‌وطندار گه ایتیشیچه، اولر افغانستان‌لیک ناقانونی مهاجرلرنی قولگه آلیش جریانی گه چیک قوییش اوچون پاکستان رسمی‌لری بیلن مذاکره قیلماقده‌لر.
بیزلرنینگ توییترده هم تعقیب قیلینگ!
اونگه کوره: «بو خواطرلی وضعیت دیر، بیز پاکستان رسمی‌لری بیلن خواطرلریمیزنی شریک قیلدیک و یقیندن مذاکره قیلماقده‌میز.»
باشقه تاماندن، خلق‌ارا مناسبت‌لر ایش بیلرمان‌لریدن بیرقطاری نینگ ایشانچی گه کوره، تورخم بندری پاکستان رسمی‌لری نینگ ریجه‌سی اساسیده یاپیلگن، مذکور مملکت اوتمیش ده و حاضر تورخم چیگره‌سیدن افغانستان گه باسیم اوله‌راق قوللنه‌دی.
سیاسی و خلق‌ارا مناسبت‌لر ایش بیلرمانی محمود اضطرابی نینگ ایتیشیچه: «بو چیگره ریجه اساسیده یاپیلگن تصادفی ایمس، بو قضیه آرتیده کتته غایه‌لر بار، چیگره یاپیق‌لیگی دوام قیلگن تقدیرده سیاسی مناسبت اوستیگه تأثیر قیلیب و ایکی مملکت نقصان کوره‌دی.»
خلق‌ارا مناسبت‌لر ایش بیلرمانی حبیب‌الله جعفری گه کوره: «چیگره قیینچیلیگی ایکی مملکت اورته‌سیده کتته قیینچیلیک دیر، انده_سنده ایکی مملکت نینگ سیاسی مناسبتی اوستیگه تأثیر قیله‌دی، بو مسئله دوامی ایکی مملکت اونمیگه ایمس دیر. چونکه بو ایکی مملکت نینگ بیر_بیری گه اقتصادی باغلیق‌لیگی بار.»
تورخم بندری یاپیلیشیدن کیین، افغانستان و پاکستان رسمی‌لری اوشبو قیینچیلیک حلی اوچون مذاکره قیلیشماقده، بیراق بو مذاکره‌لر حاضرگچه نتیجه بیرمه‌گن.
