تورخم بندری و سالنگ قتناو یولی سوداگرلیک توارلر و یولاوچیلر یوزی گه یاپیلیشی دن کیین، پایتخت کابل شهری ده ییگولیک ماده‌لر نینگ اینک کتته بازاری «تهیه‌ی مسکن» ده ییگولیک ماده‌لر جمله دن اون، یاغ و شکر نرخی ۵۰ دن ۲۰۰ افغانی گچه آشگن.
ییگولیک ماده ساتووچیلریدن بیرقطاری نینگ ایتیشلریچه، سالنگ قتناو یولی یاپیلیشی و تورخم بندری آچیلمسلیگی باعث، اوتگن هفته گه قره‌گنده ییگولیک ماده‌لر نرخی آشگن.
کابل تهیه‌ی مسکن ده ییگولیک ماده ساتووچیلریدن عبدالرزاق و عبدالباری نینگ سلام‌وطندار گه ایتیشلریچه، سونگی بیر هفته ده بیر تُن اون نرخی ده قریب ۳۰ دالر اوزگریش کیلگن و بیر بوجی اون بیر مینگ ۵۰۰ افغانی دن بیر مینگ ۷۰۰ افغانی گه آشگن.
بیزلرنینگ فیسبوک صحیفه‌میزگه باش اورینگ!
کابل شهری تهیه‌ی مسکن ده ییگولیک ماده ساتووچیلریدن عبدالرزاق نینگ ایتیشیچه: «سالنگ یاپیلگن شیبر یولی آرقه‌لی یوک تاشووچی موترلر کیلسه هم کرایه‌سی کوپ توشه‌دی شونی اوچون نرخ_نوالر هم قیمت بوله‌دی، حاضر بیر تُن اون قریب ۵۰ دالر توشه‌دی.»
کابل شهری تهیه‌ی مسکن ده ییگولیک ماده ساتووچیلریدن عبدالباری گه کوره: «شکر قیمت بولگن اوتگن هفته بیر سیر شکر ۴۸۰ افغانی ایدی و حاضر ۵۵۰ افغانی بولگن، چونکه نیچه کوندن بیری تورخم بندری یاپیلگن.»
اوتگن نیچه کون ده کابل شهری ده تیل و گاز کبی یاقیلغی ماده‌لر نرخی آشگن.
کابل شهری ده گاز و تیل ساتووچیلردن بیرقطاری نینگ ایتیشلریچه، اوتگن نیچه کونده بیر لیتر تیل نرخی ۷ افغانی و بیر کیلو گاز نرخی ۵ افغانی گچه آشگن.
کابل شهری تایمنی تورت یولی ده گاز ساتووچی خان‌علی گه کوره: «بیر هفته ده بیر کیلو گاز ده ۵ افغانی اوزگریش کیلگن، بیر کیلو گاز نی ۵۵ افغانی ساتر ایدیک، بیراق سونگی کون‌لرده یول توسیلشی باعث ۶۰ افغانی ساته‌یپمیز و نرخ آشیش احتمالی موجود دیر.»
کابل شهری تایمنی تورت یولی ده تیل ساتووچی رامین نینگ ایتیشیچه: «بیر لیتر پترول تیلی ۶۴ افغانی دیر و دیزل ۶۸ افغانی دیر، سونگی کون‌لرده پترول تیلی آلتی افغانی و دیزل تیلی سوداسیده ۳ افغانی اوزگریش کیلگن، چونکه یول توسیلگن و دنیا بازارلریده تیل نرخی یوقاری دیر.»
کابل شهری یشاوچیلریدن بیرقطاری، ییگولیک و یاقیلغی ماده‌لر نرخی آشیشیدن خواطر بیلدیریب سرپرست حکومت دن، پایتخت بازارلریده نرخ_نوالرنی کنترول قیلیب و ثبات‌سیزلیک نی آلدینی آلیش‌لرینی طلب قیله‌دیلر.
بیزلرنینگ توییترده هم تعقیب قیلینگ!
کابل شهری کلوله پشته منطقه‌سی یشاوچیسی هاشم نینگ ایتیشیچه: «بیر آز اوزگریش بیلن کابل بازاری ده نرخ_نوالر قیمت بوله‌دی، کمبغل عایله‌لر اوچون قیین دیر، بوگون بیر بوجی اون نی ۱۷۰۰ افغانی ساتیب آلدیم، بیر کیشی بیر کونده ۱۰۰ یا که ۲۰۰ افغانی ایشله‌یدی، بو پول بیلن نیازلرینی قنده‌ی تأمینله‌سین.»
عین‌حالده، صناعت و سوداگرلیک وزیرلیگی سوزلاوچیسی آخوندزاده عبدالسلام جواد، تورخم بندرینی آچیش اوچون پاکستان رسمی‌لری بیلن مذاکره قیلماقده‌لیکلرینی معلوم قیله‌دی.
او نینگ کوپه‌یتیریشیچه: «تورخم بندری سوداگرلیک توارلر یوزی گه یاپیلگن، اسلام امیرلیگی و صناعت و سوداگرلیک وزیرلیگی بو مسئله نی جدی روشده ایزلب و موجود قیینچیلیک حلی اوچون پاکستان رسمی‌لری بیلن مذاکره قیلماقده‌لر.»
کابل بلدیه‌سی رسمی‌لری نینگ ایتیشلریچه، بازار وضعیتینی تیکشیریش دن کیین ییگولیک ماده‌لر نرخی و ثبات‌سیزلیککه توسیق بولیش اوچون نرخ‌نامه تعیین قیله‌دیلر.
کابل بلدیه‌سی سوزلاوچیسی نعمت‌الله بارکزی نینگ سلام‌وطندار گه ایتیشیچه: «بیز بازار وضعیتینی تیکشیره‌میز و نرخ‌نامه توزیع قیله‌میز، نرخ‌نامه توزیع بولیش دن کیین عملی بوله‌دی، اوز باشیمچه‌لیک روشده ییگولیک ماده‌لرنی ساتگن دکاندارلر بیلن قانونی یانده شیله‌دی.»
یک‌شنبه کونی، کابل شهری نینگ ۵۰ فایز مصرفی توارلری انتقال بیریله‌دیگن سالنگ قتناو یولی نامعلوم مدت گچه یاپیلیب و تورخم بندری هم اوتگن هفته چهارشنبه کوندن بیری اسلام امیرلیگی و پاکستان چیگره‌چیلری نینگ توقنشووی دن کیین یاپیلگن.
