فواید عامه وزیرلیگی مسئوللری نینگ ایتیشلریچه، سالنگ قتناو یولی بوگون (یکشنبه، ۱۹ سنبله)، ترانسپورتی واسطه‌لر و یولاوچیلر یوزی گه یاپیلگن. اولر نینگ کوپه‌یتیریشیچه، اوشبو یول قیته قوریلیش ایشی یکونی گه قدر یاپیله‌دی.
فواید عامه وزیرلیگی سوزلاوچیسی محمداشرف حق‌شناس گه کوره، پنجشیر_دوشی_بامیان قتناو یولی بدیل یول اوله‌راق تنلنگن. او نینگ سلام‌وطندار گه ایتیشیچه: «بوگون یکشنبه، ۱۹ سنبله، سالنگ قتناو یولی ترافیک یوزی گه یاپیلدی. بدیلی پنجشیر و دوشی_بامیان قتناو یولی تنلنگن.»
بیزلرنینگ فیسبوک صحیفه‌میزگه باش اورینگ!
عین‌حالده، افغانستان سوداگرلیک و سرمایه یاتقیزیش اتاقی مسئوللری نینگ ایتیشلریچه، بوندن آلدین سوداگرلیک توارلر نینگ ۵۰ فایزی سالنگ قتناو یولی آرقه‌لی پایتخت گه انتقال بیریلر ایدی حاضر اوشبو قتناو یول یاپیلیشی بیلن کابل شهری ده ییگولیک ماده‌لر نرخی آشیشی ممکن.»
افغانستان سوداگرلیک و سرمایه یاتقیزیش اتاقی رهبرلیک هیئت اعضاسی خان‌جان الکوزی گه کوره، پایتخت کابل شهری ده ییگولیک ماده‌لر نرخینی کنترول قیلیش اوچون سعی‌وحرکت قیلماقده‌لر. او نینگ کوپه‌یتیریشیچه: «مصرف کوپ بولمسلیگی اوچون تلاش قیله‌میز. سوداگرلر اوز توارلرینی زیان‌لری گه ساتمسلیگی طبیعی دیر و ییگولیک ماده‌لر نرخی آشه‌دی.»
اقتصادی ایش بیلرمان‌لر نینگ ایشانچی گه کوره، سالنگ قتناو یولی یاپیلیشی، اولکه یشاوچیلری نینگ اقتصادی اوستیگه سلبی تأثیر قیله‌دی.
بیزلرنینگ توییترده هم تعقیب قیلینگ!
اقتصادی ایش بیلرمان عبدالولی هژیر نینگ ایتیشیچه، سالنگ قتناو یولی یاپیلیشی بیلن یوک و یولاوچی تاشووچی موترلر نینگ کرایه‌سی ایکی برابر آشه‌دی. او نینگ کوپه‌یتیریشیچه: «سالنگ قتناو یولی یاپیلیشی بیلن سوداگرلیک و اقتصادی فعالیت‌لر اوستیگه تأثیر قیله‌دی. سوداگرلیک توارلر قیمتی آشه‌دی.»
سالنگ قتناو یولی، مملکت نینگ استراتیژیک قتناو یوللریدن سنه‌لیب و شمالی توقیز ولایت نی پایتخت کابل گه باغله‌یدی.
