افغانستان ده عصیانچی گروه‌لر اینیقسه القاعده و داعش حضوری گه دایر قوشنی و منطقه مملکت‌لردن بیرقطاری انده_سنده خواطر بیلدیرماقده ایکن، افغانستان ایشلری بوییچه امریکا نینگ مخصوص نماینده‌سی توماس وست، اوتگن کونی امریکا ده «استیمسون مرکزی» ده نطق سوزلب، افغانستان ده داعش نی سرکوب ایتیش اوچون اسلام امیرلیگی نینگ اقدام‌لرینی آلقیشله‌گن.
اوتگن ایکی ییل ده افغانستان ده اسلام امیرلیگی تامانیدن داعش نینگ سکیز قوماندانی اولدیریلیشی و اوشبو گروه نینگ هجوم‌لری آلدی آلینیشی، افغانستان ایشلری بوییچه امریکا نینگ مخصوص نماینده‌سی آلقیشله‌گن موردلردن سنله‌دی.
توماس وست نینگ ایتیشیچه: «اسلام امیرلیگی نینگ داعش گروهینی سرکوب ایتیش اقدام‌لری خصوصیده مبالغه قیلیشنی ایستمه‌ی من، اوتمیش گه قره‌گنده حاضر افغانستان ده داعش هجوم‌لری کمه‌یگن.»
بیزلرنینگ فیسبوک صحیفه‌میزگه باش اورینگ!
جمعه کونی، امریکا نینگ استخباراتی ایکی مقامی «سی‌ان‌ان» شبکه‌سی بیلن اوتکزگن صحبت‌لریده، افغانستان ده القاعده ترماغی نینگ قیته کوچه‌یشینی ممکن‌سیز دیگنلر.
امریکا، افغانستان ده اسلام امیرلیگی تامانیدن عصیانچی گروه‌لر سرکوب ایتیلیشیدن راضی کوریلسه ده، بیراق منطقه و قوشنی مملکت‌لردن بیرقطاری بوتوغریده خواطرده‌لر.
ینگی‌لیکده، شانگهای همکارلیک‌لر تشکیلاتی گه اعضا مملکت‌لر، قزاقستان ده اوتکزگن ییغیلیش‌لریده افغانستان ده القاعده و داعش جنگری‌لری نینگ حضوری دن خواطر بیلدیرگنلر.
اسلام امیرلیگی سوزلاوچیسی نینگ اورین باسری بلال کریمی، شانگهای همکارلیک‌لر تشکیلاتی نینگ اوشبو خواطرلری گه مناسبت بیلدیریب، افغانستان ده عصیانچی گروه‌لر نینگ تهدیدی گه دایر خواطرلرنی یالغان دیگن.
بیزلرنینگ توییترده هم تعقیب قیلینگ!
خوفسیزلیک مسئله‌لر ایش بیلرمانی صادق شینواری گه کوره، اولکه‌لر افغانستان ده عصیانچی گروه‌لر نینگ خواطرلری گه چیک قوییش اوچون، هماهنگ بولیش‌لری کیره‌ک.
او نینگ کوپه‌یتیریشیچه: «بو خواطرلر گه چیک قوییش اوچون امریکا، منطقه و فرا منطقه مملکت‌لر اسلام امیرلیگی نماینده‌لری حضوری بیلن ییغیلیش اوتکزیب و بوتوغریده انیق میکانیزم و حل یول اوستیگه کیلیشیش‌لری کیره‌ک.»
اسلام امیرلیگی حاکمیتیدن کیین، قوشنی و منطقه مملکت‌لر نیچه مرته افغانستان ده عصیانچی گروه‌لر نینگ حضوری دن خواطر بیلدیرگنلر، بیراق اسلام امیرلیگی هردایم افغانستان ده هیچ بیر گروه گه فعالیت قیلیش اجازه‌سی بیریلمه‌ی و افغانستان باشقه مملکت‌لر گه تهدید بولمسلیگیدن ایشانچ بیرگنلر.
