مرکزی بانک تامانیدن جنوب_غربی بیش ولایت جمله دن قندهار، زابل، هلمند، ارزگان و دایکندی ده خارجی پول بیلن معامله قیلمسلیک و افغانی پول نی رواجلنتیریش اوچون ایکی آی‌لیک مهلت بیریلیشیدن کیین، چیگره ولایت‌لرده یشاوچیلر و سوداگرلردن بیرقطاری، اوشبو ولایت‌لرده افغانی پول آزلیگی و بازارلرده ایران و پاکستان پولی بیلن معامله بولیشیدن شکایت قیله‌دیلر.
فراه یشاوچیسی گل‌احمد، ننگرهار ولایتی بتی‌کوت تومنی یشاوچیسی اسلم‌خان و ارزگان یشاوچیسی تاج‌محمد نینگ ایتیشلریچه، افغانی پول آزلیگی اوچون تومان و کدارلر بیلن معامله قیلیش گه مجبورلر.
فراه یشاوچیسی گل‌احمد نینگ ایتیشیچه: «بو ولایت ده افغانی پول آز دیر، بو ییرده هیچ افغانی پول یوق، تومان المشتیریله‌دی برچه معامله تومان بیلن دیر افغانی پول آز قوللـه‌نیله‌دی.»
بیزلرنینگ فیسبوک صحیفه‌میزگه باش اورینگ!
ننگرهار ولایتی بتی‌کوت یشاوچیسی اسلم‌خان گه کوره: «کلدار المشتیریلیب و کلدار بیلن معامله بوله‌دی، یشاوچیلر سودا_ساتیغ‌لریده کلدار دن قوللنه‌دیلر، یشاوچیلر حتا بازار گه باریب افغانینی کلدار گه المشتیره‌دیلر.»
ارزگان یشاوچیسی تاج‌محمد نینگ ایتیشیچه: «اوشبو مدت گچه کنترول بولمه‌گن و بازار ده افغانی آز دیر، ارزگان تومن‌لریده هیچ کیم افغانی پول نی تانیمه‌یدی، یالغیز مرکز ده تانیدیلر.»
مرکزی بانک مسئوللری نینگ سلام‌وطندار گه ایتیشلریچه، چیگره ولایت‌لرده خارجی پول معامله‌سی گه چیک قویش جریانی استه‌سیکین عملی بوله‌دی و هیچ کیم نینگ خارجی پوللر بیلن معامله قیلیش گه حقی یوق دیر.
مرکزی بانک سوزلاوچیسی حسیب‌الله نوری نینگ ایتیشیچه، حاضر جنوب_غربی بیش ولایت ده خارجی پول بیلن معامله قیلیش گه چیک قوییش اوچون سعی‌وحرکت قیلماقده‌لر.
او نینگ کوپه‌یتیریشیچه: «۷ یا که ۸ سنبله ده مرکزی بانک تامانیدن بیر هیئت جنوبی یا جنوب_غربی ولایت‌لر گه سفر قیلگن و جنوب_غربی ولایت‌لر نینگ اهالیسی گه برچه معامله‌لرینی افغانی پول بیلن قیلیش گه ایکی یریم آی مهلت تعینلنگن و اوشبو مدت دن کیین معامله‌لرینی خارجی پول بیلن قیله آلمسلیک‌لری باره‌سیده آگاه‌‌لنتیریلگنلر.»
ننگرهار ولایتیده سوداگرلردن امین‌الله گه کوره، افغانی پول آزلیگی و یشاوچیلر نینگ افغانی پول نی تانیمسلیگی باعث، اولر کلدار بیلن معامله قیلیش گه مجبورلر.
بیزلرنینگ توییترده هم تعقیب قیلینگ!
او نینگ ایتیشیچه: «جنوبی ولایت‌لر پاکستان گه یقین دیر، شونی اوچون او ییرلرده کلدار قوللـه‌نیله‌دی بیر تاماندن افغانی پول آزلیگی دیر، قندهار گه یقین ارزگان، زابل و هلمند یشاوچیلری کلدار دن قوللـنه‌دیلر.»
بیراق، مرکزی بانک چیگره ولایت‌لرده افغانی پول آزلیگی باره‌سیده هیچ نرسه دیمه‌یدی.
اقتصادی ایش بیلرمان شبیر بشیری نینگ ایتیشیچه، خارجی پول بیلن معامله قیلیش افغانی پول ارزشی و ثباتی اوستیگه سلبی تأثیر قیله‌دی.
اونگه کوره: «چیگره ولایت‌لرده ایران و پاکستان پوللری بیلن معامله قیلیش، افغانی پول گه طلب و معامله کمه‌یب و افغانی پول ارزشی پس توشه‌دی، حکومت بوتوغریده جدی اقدام قیلیشی کیره‌ک.»
ایتیش کیره‌ک که، افغانستان نینگ بیر قطار ولایت‌لری اهالیسی انچه دن بویان، سودا_ساتیغ‌لرینی کلدار و تومان بیلن معامله قیلیب کیلماقده.
