نیوزیلند باش وزیری جسیندا آردرن نینگ اعلام قیلیشیچه، جاری ییل می آیی گچه افغانستاندهگی بوتون حربیلرینی چیقارهدی. نیوزیلند باش وزیری نینگ ایتیشیچه، مذکور حربیلری نینگ افغانستان دن چیقیشی خلقارا بیرلشیکلرنینگ اویغونلیگی بیلن صورت تاپهدی.
اونینگ اورغولشیچه، افغانستان ده نیوزیلند حربیلری نینگ قالیشی هیچ کیرهک ایمس.
دنیا بانکی نینگ رهبرلیک هیأتی افغانستان اوچون ۹۷.۵ میلیون دالرلیک (قیته توللنمهیدیگن) ینگی یاردمی بسته نی تصویب قیلدی. مذکور یاردم اوتگن کون (سهشنبه ۲۸- دلو) تصویب بولگن.
کیلگوسی چهارشنبه، پنجشنبه و جمعه کونلری جوزجان ده مذکور ولایت یشاوچیلری و مملکت ۳۴ ولایتی نینگ شاعرلری و یازووچیلری نینگ حضوری بیلن کتته بیر بیرهم یولگه قوییلیشی ممکن.
جوزجان فرهنگیلریدن قطاری نینگ ایتیشلریچه، امیر علی شیرنوایی و ظهیرالدین محمد بابر تولدی نینگ نشانلش اوچون بوتون تیارگرلیکلر آلینگن.
بغلان ده ۲۱۷ پامیر قول اردو قومندانلیگی نینگ اوچینچی لوا قومندانی فریدخان سیدخیلی نینگ ایتیشیچه، مذکور ولایتده حربی کوچلرنینگ قوشمه بیر عملیاتی نتیجهسیده، ۴۲ حربی و تینچاهالی (۲۵ حربی و ۱۷ تینچاهالی) قوییب یوباریلگن.
جناب سیدخیلی گه کوره، بو عملیات اوتگن کیچه (دوشنبه ۲۷- دلو) اوشبو ولایت مرکزی بغلان تومنی نینگ نوروزک قیشلاغیده اویوشتیریلگن.
بغلان ولایتی نینگ دوشی تومنیده جایلشگن پولیس کوچلریدن بیرقطاری نینگ ایتیشلریچه، شبههلی بولگن بیرقطار موترلرنی توختهتگنلری سبب، کماندو کوچلری تامانیدن هجوم آستیگه قرار بیریلگنلر.
ننگرهار محلی مسووللری، اوشبو ولایت گمرکی باشلیغی و ۵ ایشلاوچیسی نینگ فساد گه عیبلنگنی سبب قولگه آلینگنیدن خبر بیرگنلر.
غور ده بیر عایله نینگ ۴۰ اعضاسی اعتراض بیلدیریشگن. اولرنینگ ایتیشلریچه، کمیده ۲۰ آی آلدین طالبان گروهی عایلهلری نینگ ایرککلرینی دولتدن حمایت قیلیش عیبلاوی بیلن اولدیرگن.
هرات محلی رسمیلری نینگ ایتیشلریچه، اسلامقلعه-هرات چیگره گمرکی ده اونلرچه تانکر مواد اوت آلگن.
هرات حاکمی سیدعبدالوحید قتالی نینگ ایتیشیچه، بوگون (شنبه ۲۵- دلو) توشدن کیین اسلامقلعه-هرات چیگره گمرکی ده کینگ یانغین حادثهسی یوزبیرگن. هرات حاکمی گه کوره، هوایی یاردم بولمهگن صورتده، بو یانغین نی نظارت گه آلیش ناممکن دیر.
آمریکا تشقی ایشلر وزیرلیگی مذکور مملکت یشاوچیسی مارک رندال فرریکس Mark Randall Frerichs، توغریسیده معلومات بیریش اوچون ۵ میلیون دالر مکافات تعیین قیلگن.
بوگون (پنجشنبه ۲۳- دلو) جناب اتمر کابل ده خبری بیر ییغین اوتکزیب ایتیشیچه، منطقه مملکتلری و افغانستان نینگ خلقارا همکارلری طالبان گروهیدن سوزلشوو میزی گه قیتیب و مذاکره نی قیتهدن باشلهشینی سورهگن.
بوگون (پنجشنبه ۲۳- دلو) ساغلیک وزیرلیگی سرپرستی وحید مجروح کابل ده خبری بیر ییغین اوتکزیب ایتیشیچه، هند مملکتی تامانیدن یاردم بیریلگن ۵۰۰ مینگ دوز کرونا واکسینیدن بیرینچی باسقیچ ده ساغلیک ایشلاوچیلری و کیین ایسه امنیتی کوچلر و اوچینچی باسقیچ ده خبرچیلر واکسین تطبیق ایتیلهدیگن بیرینچی کیشیلردن دیر.
فراه و نیمروز ولایتی کینگش اعضالری، مذکور ولایتلرده ۱۸ حربی هلاک ایتیلگنیدن خبر بیریشگن. فراه ولایتی کینگش اعضاسی خیرمحمد نورزی نینگ سلاموطندارگه ایتیشیچه، اوتگن کیچه حربی کوچلردن ۹ تهسی طالبان گروهی نینگ بیر نفوذی آدمی آرقهلی اولدیریلگن.
شوندهی بیرحالده، ایچکی ایشلر وزیری محمدمسعود اندرابی کابل شهری نینگ ۵- خوفسیزلیک حوزه قومندانی محمدزی کوچی هلاک ایتیلگنیدن کیین، مذکور حوزه گه باریب اوچینچی پارتلش ده جناب کوچی بیر قوروقچیسی بیلن هلاک ایتیلگنی نی تصدیقلهگن.
بامیان پولیس قومندانلیگی مسئوللری، بیر قارهلاوچی رشوت آلیش عیبلاوی بیلن بو قومندانلیک نینگ جنایی پولیسی آرقهلی قولگه آلینگنیدن خبر بیریشگن.
بوگون “سهشنبه” کابلده شاهتوت سوو توغانی نینگ قوریلیش شرطنامهسی افغانستان و هند آرهسیده امضا ایتیلدی. اوشبو شرطنامه افغانستان جمهور رییسی محمداشرف غنی و هند باش وزیری نریندرا مودی حضوری بیلن افغانستان تشقی ایشلر وزیری محمدحنیف اتمر و هند تشقی ایشلر وزیری سابرامانیام آرهسیده آنلاین شکلده امضالنگن.
جناب کنزی نینگ خاورمیانه انستیتیوتی میزبانلیگیگه یولگه قوییلگن آنلاین سوزلشووده ایتیشیچه، آمریکا دوحهده امضالنگن تینچلیک شرطنامهنی تیکشیرهدی.
