Asset 1SWN

بامیان ده بیر قاره‌لاوچی ۳۰ مینگ افغانی رشوت آلیش جرمی بیلن قولگه آلیندی

Bamyan-4-p2nac14zoidqgi0ygh2mq31cy6wnl79per7uuzgtc8

بامیان پولیس قومندانلیگی مسئوللری، بیر قاره‌لاوچی رشوت آلیش عیبلاوی بیلن بو قومندانلیک نینگ جنایی پولیسی آرقه‌لی قولگه آلینگنیدن خبر بیریشگن.

بامیان پولیس قومندانی زبردست صافی نینگ سلام‌وطندارگه ایتیشیچه، اوتگن کون (سه‌شنبه ۲۱- دلو) مذکور ولایت «۱- یکه‌ولنگ» تومن قاره‌لاوچی‌لریدن بیری ۳۰ مینگ افغانی رشوت آلیش پیتده پولیس آرقه‌لی قولگه آلینگن. بامیان پولیس قومندانی اوشبو قاره‌لاوچی نینگ کیم‌لیگی توغریسیده معلومات بیرمه‌گن.

بیراق باشقه ایکی ایشانچلی منبع کیم‌لیگی فاش ایتیلیشی نی ایستمه‌ی سلام‌وطندارگه ایتیش‌لریچه، «۱- یکه‌ولنگ» تومن قاره‌لاوچیلیک آمری حمیدالله امینی،‌ ۳۰ مینگ افغانی رشوت آلیش پیتده جنایی پولیس آرقه‌لی قولگه آلینگن.

منبعلرنینگ کوپه‌یتیریش‌لریچه، جناب امینی بوندن آلدین بامیان ولایتی کهمرد تومن قاره‌لاوچیلیگی نینگ آمری صفتیده ایش قیلگن ایکن، بیراق بو تومن یشاوچی‌لری اونینگ ایش‌لریدن ناراض ایکن و خدمتی شکلده «۱- یکه‌ولنگ» قاره‌لاوچیلیگی نینگ آمری صفتیده تعیین‌لنگن.

بو حقده بامیان ولایتی نینگ استیناف قاره‌لاوچیلیگی ریاست مسئوللری نینگ فکرینی آلیش ایسته‌دیک، بیراق اولرنینگ ایتیش‌لریچه، باش‌قاره‌لاوچیلیک رسانه‌لر بیلن صحبت اوتکزیش اوچون اولرگه رخصت بیرمه‌گن.

کلیدی کلمه‌لر: // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام