ایکینچیلیک، چاروه‌چیلیک و سوغاریش وزیرلیگی رسمی‌لری گه کوره، ایکینچیلیک خودکفالیگی اوچون اولکه بویلب سوولر باشقریلیشی کیره‌ک.
ایکینچیلیک، چاروه‌چیلیک و سوغاریش وزیرلیگی سرپرستی عطاءالله عمری نینگ ایتیشیچه، سوو کانال‌لری و سوو توغان‌لری مملکت ده سوولرنی باشقریش مقصدیده قوریلماقده. اونگه کوره، اوشبو وزیرلیک ایکینچیلیک خودکفالیگی و آزیق_آوقات خوفسیزلیگی اوچون تلاش قیلماقده.
بیزلرنینگ فیسبوک صحیفه‌میزگه باش اورینگ!
عطاءالله عمری سه‌شنبه کونی، ۱۱ میزان، بامیان ولایتی گه قیلگن سفری دایره‌سیده، مذکور ولایت محلی مسئوللری و یشاوچیلری بیلن اوچره‌شیب ایتیشیچه، اوتگن ۴۵ ییل اوروش اولکه بویلب ایریم سکتورلر اینیقسه ایکینچیلیک، چاروه‌چیلیک و سوغاریش اوستیده سلبی تأثیر قیلگن.
ایکینچیلیک، چاروه‌چیلیک و سوغاریش وزیرلیگی سرپرستی عطاءالله عمری، ایکینچیلیک، چاروه‌چیلیک، ایکیش اسلوب‌لری و توپراق قنده‌ی‌لیگینی تیکشیریش، آب‌وهوا و ایکینچیلیک باشقه ساحه‌لریده آگاهی‌لیک بیریش اوچون ایریم برنامه‌لر نظرگه آلینگنیدن خبر بیرگن.
بامیان ولایتی رسمی‌لری، عطاءالله عمری دن اوشبو ولایت دهقان‌لرینی قوللب_قوتلشینی سوره‌گنلر.
بیزلرنینگ «ایکس» ترماغی ده هم تعقیب قیلینگ!
عین‌حالده، بامیان حاکمی عبدالله سرحدی، مملکت ایکینچیلیک، چاروه‌چیلیک و سوغاریش وزیرلیگی سرپرستی دن، مذکور ولایت دهقان‌لری نینگ ایکینچیلیک محصولات‌لرینی صادر قیلیش و اولر نینگ خودکفالیگی اوچون قوللب_قوتلشینی طلب قیلگن.
ایتیش کیره‌ک که، سونگی ییل‌لرده‌گی کیتمه_کیت قورغاقچیلیک و سوو تنقیص‌لیگی باعث، دهقان‌لر محصولات‌لری قوریب و حاصل‌لری کمه‌یشیدن شکایت قیلماقده ایکن، ایکینچیلیک، چاروه‌چیلیک و سوغاریش وزیرلیگی سرپرستی مملکت ده سوو توغان‌لری قوریلیب و سوولر باشقریلیشینی معلوم قیلگن.
