بامیان ده محلی منبع‌لر نینگ ایتیش‌لریچه، کمیده بیر آی آلدین یوقالگن «رقیه» ناملی ۲۴ یاشر قیز نینگ جسدی، اوتگن کون (چهارشنبه، ۱-سرطان) اوشبو ولایت مرکزی گه قره‌شلی شهیدان قیشلاغیدن تاپیلگن.

منبع‌لر گه کوره، ورس تومنی نینگ اصلی یشاوچیسی رقیه بامیان مرکزی‌ده حیات کیچیره‌ر ایکن که، کمیده بیر آی آلدین نابیللی بیر شکلده یوقالگن.

بیزلرنینگ فیسبوک صحیفه‌میزگه باش اورینگ!

بامیان محلی مسئوللری اوشبو واقعه نی تصدیق‌لب ایتیش‌لریچه، اولر کوپینچه سعی و حرکت بیلن اوشبو قیز نینگ جسدی نی تاپگنلر. بامیان امنیه قومندانلیگی سوزلاوچیسی محمد‌خوانی رسا نینگ ایتیشیچه، اوشبو قومندانلیک نینگ امنیتی و کشفی کوچلری رقیه نینگ جسدی می اوشبو ولایت مرکزی گه قره‌شلی شهیدان قیشلاغیده بیر قودوق ایچیدن تاپگنلر.

اونینگ کوپه‌یتیریشیچه، اوشبو واقعه گه تیگیشلی «مهدی» اسملی بیر کیشی قولگه آلینگن. بامیان امنیه قومندانلیگی سوزلاوچیسی گه کوره، مهدی بیرینچی تدقیقات‌ده رقیه نی نیچه آی آلدین اولدیریب و اونینگ جسدی نی قودوققه تشلگنی نی اعتراف قیلگن. او اوشبو قتل نینگ علتی خصوصیده معلومات بیرمه‌گن.

بیزلرنینگ توییترده هم تعقیب قیلینگ!

ایتیش کیره‌ک که، اسلامی امارت نینگ قدرت گه ایریشگنیدن کیین، بامیان ده نابیللی قتل‌لر نینگ کوپه‌یگنی، اوشبو ولایت‌ده عایله‌لر نینگ خواطرلری گه سبب بولگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام