بامیان محلی مسئوللری نینگ حضوری بیلن اوتگن کون (دوشنبه، ۲۳-دلو)، اوشبو ولایتده بیر میلیون یورو ارزشی بیلن قالین توقیش، تیکووچیلیک و خامک دوزلیک اوچته ایش اورگهتیش مرکز و بالهلر باغچهسی آچیلگن دیر.
بو مرکزلر نینگ آچیلیشی بیلن، بامیان ولایتی مرکزی، سیغان و شیبر تومنلریده قالین توقیش، تیکووچیلیک، خامکدوزلیک و باشقه قول صناعتلری خصوصیده ۲۰۰ قیز و ییگیت گه ایش اورگهنیش زمینهسی یرهتیلگن دیر.
بیزلرنینگ فیسبوک صحیفهمیزگه باش اورینگ!
بامیان حاکمی عبدالله سرحدی نینگ ایتیشیچه، اوشبو ولایت محلی ادارهسی ایچکی تولیدلر و قول صناعتی رواجلنیشی مقصد، بو کبی لایحهلر نینگ عمل گه آشیریلیشی خصوصیده حمایت قیلهدی.
شونینگدیک بامیان حاکمی تطبیق قیلووچی موسسهدن اوشبو لایحه نی بامیان ولایتی برچه تومنلریده عملگه آشیریشینی سورهگن.
بیزلرنینگ «ایکس» ترماغی ده هم تعقیب قیلینگ!
تطبیق قیلووچی نهاد یا-ده اکتید موسسه مسئولی عزیزالله اقبالی نینگ ایتیشیچه، بو مرکزلر نینگ قوریلیشی و فعالیت خرهجتی، اروپا بیرلشمهسی آرقهلی توللنیلیب و اوشبو مرکزلر کیلهسی اوچ ییلگچه بامیان سوداگرلیک و صناعت ریاستی هماهنگلیگیده فعالیتلری نی دوام بیریشی ممکن.