ننگرهار محلی مسوول‌لری، اوشبو ولایت گمرکی باشلیغی و ۵ ایشلاوچیسی نینگ فساد گه عیب‌لنگنی سبب قولگه آلینگنیدن خبر بیرگنلر.
بوگون “یکشنبه” ننگرهار حاکمی ضیاالحق امرخیل نینگ میدیالرگه ایتیشیچه، اوشبو ولایت گمرک باشلیغی حشمت‌الله ولی‌زی ۵ ایشلاوچیسی بیلن فساد گه عیب‌لنیب قولگه آلینگن.
جناب امرخیل گه کوره، اولر کوپراق تیکشیریش اوچون کابل گه انتقال بیریلگن. اونینگ کوپه‌یتیریشیچه، مذکور کیشی‌لر سنگین جنایت‌لرگه قرشی کوره‌ش کوچلری تامانیدن اویوشتیریلگن عملیات نتیجه‌سیده قولگه آلینگن.
بوندن آلدین هم ننگرهار ولایتی نینگ گمرک ریاستی ایشلاوچی‌لریدن ۳۰ ته‌سی فساد گه عیب‌لنگنی سبب، قولگه آلینگن ایدی.
اوتگن ایکی آی جریانیده ۳ سناتور شامل نیچه کیشی رشوه آلیش گه عیب‌لنیب قولگه آلینگن و بو جمله‌دن اوچ سناتور و ساغلیق‌نی سقلش وزیرلیگی ایشلاوچی‌لریدن ۳ ته‌سی رشوه آلیش عیبی بیلن قماققه محکوم بولگنلر.
