ننگرهار محلی مسوول‌لری نینگ ایتیشلریچه، اوتگن کونی ایم‌لاوچی عیال‌لرنی اوشبو ولایت مرکزی جلال‌آباد شهریده اولدیریلگنی سبب، بیرقطار منطقه‌لرده ایملش دستوری توخته‌تیلگن.
ننگرهار ولایتی بوییچه ساغلیق‌‍نی سقلش ریاستی مسووللریدن بیری داکترجان محمد صاحبزاده نینگ سلام‌وطندارگه ایتیشیچه، پولیوگه قرشی ایملش دستوری جلال‌آباد شهری و سرخرود و بهسود تومنیده توخته‌تیلگن
اونینگ ایتیشیچه، پولیوگه قرشی ایملش دستوری یالغیز “چهارشنبه” کونی اوچون توخته‌تیلگن و ایرته‌دن قیته باشله‌نیشی ممکن.
عین‌حالده، اولدیریلگن ایملاوچیلردن بیری بصیره نینگ تاغه‌سی مقبل احمد نینگ ایتیشیچه، بصیره کم‌بغللیک سبب، پولیوگه قرشی ایملش دستوری‌گه سهم آلگن ایدی، لیکن وطن دشمن‌لری تامانیدن اولدیریلدی.
شونینگدیک، نماینده‌لر کینگشی اعضالری نینگ امنیتی و محلی اداره‌لر دقت‌سیزلیگی دن تنقید قیلیب ایتیشلریچه، مذکور اداره‌لر بو واقعه عامل‌لرینی قولگه آلیش خصوصیده ناکام دیر.
نماینده‌لر کینگشی اعضالری، ننگرهار محلی اداره‌سیدن اوشبو ولایت یشاوچیلری اینقسه فعال عیاللر خوفسیزلیگی نی تامین‌لش اوچون سعی و حرکت قیلیشی‌نی سوره‌گنلر.
نماینده‌لر کینگشی اعضالری نینگ ایتیشلریچه، حکومت مقام‌لری یالغیز هدف‌لی قتل‌لرنی قاره‌له‌یدی، لیکن بوندهی واقعه‌لرگه توسیق بولیش اوچون جدی شکلده سعی و حرکت قیلمه‌یدی.
خلق ارا کیچیریم تشکیلاتی هم افغانستان حکومتیدن ننگرهار ده اولدیریلگن ایم‌لاوچی‌لر ییل‌لر موضوعی‌نی تیکشیریشی‌نی سوره‌گن.
ایتیلیشیچه، سونگی ۴ آی جریانیده ۸ ننگرهار ولایتیده ۸ عیال ناتانیش قوراللی کیشی‌لر تامانیدن اولدیریلگن و اولردن ۴ ته‌سی میدیا ایشلاوچی‌لری و باشقه ۴ ته‌سی ایسه ساغلیک ایشلاوچی‌لریدن دیر.
