بوگون (سه‌شنبه ۱۸- جوزا) بدخشان یشاوچی‌لریدن قطاری ناتینچلیکلر کوپه‌یگنی، سوو ییتکزیش ترماق کیسیلگنی و شورابک برق توغانی آچیلمه‌گنی باعث اعتراض بیلدیریشگن؛ بیراق اعتراضچیلر بدخشان ولایت مقام بناسی برابریده ییتیشگنیدن کیین، امنیتی کوچلر اولرگه توسیق بولیب و اعتراض زوروانلیککه تارتیلگن.
بیر منبع نینگ ایتیشیچه، امنیتی کوچلر اعتراضچیلرگه توسیق بولیش اوچون هوایی اوق آتیشگن. عین حالده، دولتی مسئوللر و اعتراضچی بیربیراولرینی زوروانلیککه عیبله‌گن. اعتراضچی‌لرنینگ ادعا قیلیشیچه، امنیتی کوچلرنینگ اوق آتگنی باعث حاضرگچه ۱۷ اعتراضچی یره‌لنگن.
بدخشان امنیتی مسئوللری حاضرگچه بو توغریده هیچ بیر نرسه دیمه‌گن.
بیراق بدخشان محلی مسئوللری، اعتراضچی‌لرنی زوروانلیک و نامدنی حرکتلر خصوصیده عیبله‌گن. بدخشان حاکمی سوزلاوچیسی نیک‌محمد نظری نینگ ایتیشیچه، اعتراضچیلر ایسته‌کلرینی بیان قیلمسدن، ولایت مقام بناسیده هجوم قیلیب و شونینگدیک پولیس پوسته‌لری و عریضه‌لرنی قبول قیلیش غرفه‌لرنی اوت بیرگنلر.
بیزلرنینگ فیسبوک صحیفه‌میزگه هم باش اورینگ!
جناب نظری نینگ ایتیشیچه، ولایت مقام بناسی یقیین‌لیگیده عریضه‌لرنی قبول قیلیش غرفه‌لرنینگ اوت گه یانگنی باعث، اهالی نینگ مینگ‌لرچه عریضه‌سی اورته دن کیتگن.
بدخشان حاکمی سوزلاوچیسی نینگ کوپه‌یتیریشیچه، اعتراضچیلر امنیتی کوچلرگه تاش و چوب آتیب هجوم قیلگن که نتیجه‌ده، نیچه پولیس تن جراحتی کوتارگن.
بدخشان خوفسیزلیگی تأمین‌لنیشی، فیض‌آباد شهریده سوو ییتکزیش خدمتلر ارایه ایتیلیشی و شورابک برق توغانی آچیلیشی، مذکور ولایت اعتراضچی‌لری نینگ اساسی ایسته‌کلریدن دیر.
بیزلرنینگ توییترده هم تعقیب قیلینگ!
ایتیش کیره‌ک کمیده ایکی هفته‌دن بویان بدخشان مرکزی فیض‌آباد شهریده ایچیم‌لیک سووتوغانی فنی قیینچیلیککه دوچ کیلگن و اهالی ایچیم‌لیک سوو یوقلیگی باعث جدی قیینچلیکلر بیلن روپه‌رو بولگن.
