اسلام امیرلیگی، بیرلشگن ملتلر تشکیلاتی دفترلری ده عیاللر ایش دن منع ایتیلیشی گه دایر اوشبو تشکیلات نینگ بیانیه‌سیگه مناسبت بیلدیریب ایتیشیچه، برچه تامان‌لر اوشبو قرار گه حرمت قیلیش‌لری کیره‌ک.
ینگی‌لیکده، بیرلشگن ملتلر تشکیلاتی افغانستان ده مذکور تشکیلات دفترلری ده عیاللر ایش دن منع ایتیلیشی گه قرشی بیر بیانیه ترقه‌تیب، اسلام امیرلیگی؛ بیرلشگن ملتلر تشکیلاتی نی افغانستان ده انسان پرورلیک یاردم‌لری و مذکور تشکیلات نینگ قانون_قاعده‌لرینی ایاغ آستی قیلیش دن بیرینی تنلش گه مجبور قیله‌یاتگنینی بیلدیرگن.
بیرلشگن ملتلر تشکیلاتی اوز بیانیه‌سیده، انسان پرورلیک یاردم‌لر و اوشبو تشکیلات قانون_قاعده‌لریدن بیرینی تنلش نی دهشتلی عنوان قیلیب و اسلام امیرلیگی نی یامان عاقبتی اوچون مسئول دیگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی، بیرلشگن ملتلر تشکیلاتی نینگ بیانیه‌سی گه مناسبت بیلدیریب ایتیشیچه، افغانستان ده بیرلشگن ملتلر تشکیلاتی نینگ فعالیتی برابریده توسیق بولیش نیت‌لری یوق؛ لیکن عیاللر نینگ ایشی منع ایتیلیشی، ایچکی مسئله دیر و برچه تامان‌لر، بو قرار گه حرمت قیلیشی کیره‌ک.
اسلام امیرلیگی سوزلاوچیسی ذبیح‌الله مجاهد ترقه‌تگن بیانیه‌سیده ایتیشیچه، جهانی تحریم‌لر و چیکلاولر گه دایر اسلام امیرلیگی جواب‌گر دیر.
او بیرلشگن ملتلر تشکیلاتی گه اعضا اولکه‌لردن، اوشبو تحریم‌لر بیکار قیلینیشی اوچون سعی‌وحرکت قیلیش‌لرینی طلب قیلگن.
باشقه تاماندن، بیرلشگن ملتلر تشکیلاتی اوز بیانیه‌سیده ایتیشیچه، افغانستان ده بیرلشگن ملتلر تشکیلاتی اورین باسرلیک هیئت باشلیغی روزا اوتنبایوا، جاری میلادی ییل نینگ ۵ می گچه، اسلام امیرلیگی نینگ اوشبو قراری گه دایر تیکشیریش دوره‌سینی باشله‌گن؛ بو تاریخ یکونی بیلن بیرلشگن ملتلر تشکیلاتی افغانستان ده فعالیتی گه دوام بیره‌دیمی یوق بیللی بوله‌دی.
بیزلرنینگ توییترده هم تعقیب قیلینگ!
خلق‌ارا مناسبت‌لر ایش بیلرمانی محمود اضطرابی گه کوره: «عیاللر نینگ ایشلشی یوناما اوچون حیثیتی بیر موضوع دیر، افغانستان ده بو گَل موضوع سیاسی بولگن حالده، یوناما نینگ ایشلرینی قیینچیلیککه دوچ قیله‌دی.»
بیر هفته دن بویان، اسلام امیرلیگی و بیرلشگن ملتلر تشکیلاتی عیاللر نینگ ایشی منع ایتیلیشی اوستیده بحث ایتیب کیلماقده‌لر؛ بیراق بیرلشگن ملتلر تشکیلاتی عیاللر نینگ ایشلشی اوچون اسلام امیرلیگینی حاضرگچه قانیقتیره آلمه‌گن.
