اسلام امیرلیگی شهر و قیشلاقلرنی قیته قوریش و رواجلنتیریش وزیرلیگی، مملکت بیش ولایتیده اولکه گه قیتگن بیرمینگ ۱۶۳ عایله گه، دایمی یشش مقصدیده «ییر» ترقهتیلگنیدن خبر بیردی. مذکور وزیرلیک، بوگون (۱۴ اسد/۵ آگست، چهارشنبه) بیر بیانیه ترقهتیب اوشبو ییرلر ننگرهار، پکتیکا، نیمروز، فاریاب و بامیان ولایتلریده قیتگن عایلهلر گه ترقهتیلگنینی بیلدیرگن.
یمن حوثیلری، قیزیل دینگیز شمالیده ینبع حدودی یقینیده سعودی عربستان گه تیگیشلی سکیزینچی نفت تانکری نشانگه آلینگنیدن خبر بیردی. یمن حوثیلری سوزلاوچیسی یحیا سریع گه کوره، اوشبو نفت تانکری نیچته بالستیک راکتهلری بیلن نشانگه آلینگن.
امریکا قوشمه ایالتلری جمهور باشلیغی دونالد ترامپ، ایران بیلن مذاکرهلر یخشی آلغه آلیب باریلماقده و اونینگ نتیجهسی ۴۸ ساعتگچه معلوم بولیشینی ایتگن. ترامپ، ۱۳ اسد/۴ آگست، سهشنبه کونی فاکسنیوز بیلن صحبتده بوندهی دیگن. ترامپ، سوزلری دوامیده هرمز بوغوزی هم تیزلیکده آچیلیشینی بیلدیرگن.
افغانستان فوتسال ملی تیرمه جماعهسی، میلادی ۲۰۲۶-ییل کانتیننتال خلقارا فوتسال تورنمنتیده روسیه بیلن قرشیلشهدی.
قطر، ایران و امریکا آرهسیدهگی اوروشنی یکونلش اوچون واسطهچیلرنینگ سعیوحرکتلری رواجلنگن باسقیچگه کیرگنینی معلوم قیلگن.
سمنگان مرکزیده تدقیقات منبعلری کملیگی و تومنلریدن قطاریده عامه کتابخانهلر یوقلیگی، کتاب اوقیش فرهنگی رواجلنیشی و تعلیمی بولیمده جدی قیینچیلیکلردن بیریگه اوزگرگن. کون اوتیشی بیلن علمی منبعلر و ینگی کتابلرگه یاشلر و طلبهلر نیازی کوپهیشی بیرحالده، کتابخانه امکانیتلری چیکلنگنی سبب، مطالعه گه قیزیققنلردن قطاری ایشانچلی منبعلرگه قول تاپیش اوچون قیینچیلیکلر بیلن روپهره بولهدیلر.
امریکا مالیه وزیری، هرمز بوغوزینی آچیش اوچون ایران بیلن کیلیشوو ایرتهگچه نهایی بولیشی ممکن دیگن.
اسلام امیرلیگی عدلیه وزیرلیگی، خوست ولایتیده ۱۵۱ جریب ییر اختصاصی محکمه بویروغی اساسیده، امارتی دیب تانیلگنینی بیلدیردی.
اسلام امیرلیگی سوزلاوچیسی ذبیحالله مجاهد، چین و پاکستاننینگ مخصوص وکیللری آرقهلی بیان بولگن خوفسیزلیک خواطرلریگه عکسالعمل بیلدیریب و ایتیشیچه، افغانستان بویلب امنیت تامین بولیب و هیچ بیر کیشی یا-ده گروه گه افغانستان توپراغیدن باشقه مملکتلرگه قرشی فعالیت یوریتیشگه رخصت بیریلمهیدی.
بیرلشگن ملتلر تشکیلاتی، غزه ده تینچاهالی اولدیریلگنینی قارهلب و بو منطقهدهگی ساغلیقنی سقلش قوریلمهلرنینگ سقلهنیشینی سورهگن. بیرلشگن ملتلر تشکیلاتی باشکاتبی سوزلاوچیسی اورینباسری فرحان حقنینگ ایتیشیچه…
خلقارا قیزیل خاچ کمیتهسینینگ اعلام قیلیشیچه، بیر مینگ ۶۰۰ کنتور سوو همده سوو لولهلرینی ترمیملش و سقلش جهازلرینی مزارشریف سوو ییتکزیش ریاستیگه تاپشیرگن.
جاپان پایتختی توکیو شهریده «تاما حیوانات باغی»ده جزیرمه ایسیق عاقبتیده اوچ ارسلان (شیر) تلف بولگن.
ونزویلا پارلمان باشلیغی خورخه رودریگزنینگ اعلام قیلیشیچه، بو مملکتده جون آییده یوز بیرگن کوچلی ایکی زلزله قربانلری سانی آلتی مینگ ۱۲۵ کیشیگه ییتیشگن.
روسیه و اوکراین اورتهسیدهگی اوزارا هجوملر دوامیده، ایکی مملکتده کمیده ۲۲ کیشی اولیب و باشقه اونلب کیشی یرهلنگن. خلقارا ییتکرمهلرنینگ بوگون (۱۳-اسد/۴-اگست، سهشنبه)، گزارش بیریشیچه، ایکی تامان آرهسیده یوز بیرگن اوزارا هجوملر نتیجهسیده، روسیه ده ۱۱ کیشی و اوکراین ده ۱۱ کیشی اولگن.
کاپیسا ده بوغدای ایکینزارلریده قارچی کسللیکلری تاپیلگنی، دهقانلرنینگ خواطریگه سبب بولگن. اولرنینگ ایتیشلریچه، سونگی ییللرده یاغینگرچیلیک ترتیبی تغییر قیلیشی، نملیک کوپهیشی و هوا اوزگریشلری بیلن بیرگه، ایکینزارلریده قارچی کسللیکلر ترقهلیش میزانی کوپهیب و بوغدای حاصللریدن بیر قسمی اورتهدن کیتگن.
غزنی شهری یشاوچیلری قریب بیش ییل دوامیده، دولت برقیدن فایدهلنیش همده برق پایهلری، لین، میتر و باشقه اوسکونهلرنی ساتیب آلیش اوچون دییرلی ۲۰۰ میلیون افغانی صرفلشگن. دولت برقیدن فایدهلنیش اوچون هر بیر عایله ۱۵ دن ۲۵ مینگ افغانی تولهگن.
