اسلام امیرلیگی شهر و قیشلاقلرنی قیته قوریش و رواجلنتیریش وزیرلیگی، مملکت بیش ولایتیده اولکه گه قیتگن بیرمینگ ۱۶۳ عایله گه، دایمی یشش مقصدیده «ییر» ترقهتیلگنیدن خبر بیردی.
مذکور وزیرلیک، بوگون (۱۴ اسد/۵ آگست، چهارشنبه) بیر بیانیه ترقهتیب اوشبو ییرلر ننگرهار، پکتیکا، نیمروز، فاریاب و بامیان ولایتلریده قیتگن عایلهلر گه ترقهتیلگنینی بیلدیرگن.
بیانیه گه کوره، ایریم ولایتلرده حاضرگچه مملکت گه قیتگن ۶۵ مینگ ۱۵۴ عایله گه یشش ییر ترقهتیلگن.
شهر و قیشلاقلرنی قیته قوریش و رواجلنتیریش وزیرلیگی، قیتگن عایلهلر گه یشش ییرلر ترقهتیلیش جریانی منتظم روشده دوام ایتهیاتگنینی قوشیمچه قیلگن.
هر کونی مینگلب افغانستانلیک ایران و پاکستاندن مملکت گه قیتماقده ایکن، بو ییرلر ترقهتیلگن. بوندن ایلگری بیرلشگن ملتلر تشکیلاتی، قیتگنلرنینگ کوپینچهسی باشپنه و دستلبکی امکانیت یوقلیگی کبی معمالر بیلن دوچ ایکنلری حقیده آگاهلنتیرگن ایدی.
