خلقارا ساغلیقنی سقلش تشکیلاتینینگ افغانستان بولیمی، مملکتده هوا حرارتی آشیب بارهیاتگنیدن خواطر بیلدیریب، یشاوچیلردن اوزلری و عایلهلرینی کوچلی ایسیقدن حمایه قیلیشنی سورهگن.
اوشبو اداره، بوگون (۲۷ سرطان/۱۸ جولای، شنبه) ایکس اجتماعی ترماغیده منتظم روشده سوو ایچیش، کینگ کییم کییش، باش کییمدن فایدهلنیش، ساووق سووده دوش آلیش (چومیلیش) و کون دوامیده بیر نیچه مرته یینگیل آوقت استعمال قیلیش آرقهلی تنهنی ایسیقده سلقین سقلش ممکن دیب یازگن.
خلقارا ساغلیقنی سقلش تشکیلاتی یشاوچیلردن سایهده قالیش، ایسیق پیتده آغیر جسمانی فعالیت قیلمسلیک و کونیگه ایکی-اوچ ساعت ساووقراق جایلرده وقت اوتکزیش آرقهلی ایسیق تأثیریگه دچار بولیش خوفینی کمهیتیریشنی سورهگن.
افغانستان اسلام امیرلیگی طبیعی آفتلرگه تیارگرلیک کوریش عمومی اداره، اوتگن کون شمالی و غربی حدودلرده کیلهسی چهارشنبه گچه حرارت ۴۵ درجهدن یوقاری بولیشی کوتیلهیاتگنینی معلوم قیلگن.
