افغانستان تینچلیگی بوییچه آمریکا خاص نماینده‌سی زلمی خلیلزاد نینگ ایتیشیچه، طالبان تینچلیک و اجماع و کیلیشوو اساسیده بولگن کیله‌جک نی تنلمه‌گن صورتده، آمریکا جمهوریت سقله‌نیشی اوچون افغانستان یشاوچی‌لری نینگ یانیده توره‌دی.
جناب خلیلزاد اوتگن کیچه (جمعه ۱۷- ثور) توییتر صحیفه‌سیده بونده‌ی یازیب و جمهوریت سیاسی بیرلیگی نینگ کیره‌ک‌لیگی اوستیگه اورغوله‌گن. خلیلزاد گه کوره، حاضر تینچلیک اوچون نظیرسیز بیر اجماع قوریلگن؛ بو اجماع سوزلشوو یولیدن کیلیشووگه قول تاپیش، زوروانلیک نی یکونلنتیریش و حربی ییچیم یول نی رد قیلیش دن حمایت قیله‌دی.
جناب خلیلزاد نینگ کوپه‌یتیریشیچه، افغانستان رهبرلری و برچه اوروش تامان‌لری بو فرصت دن فایده‌لنیب و ۴۰ ییل‌لیک اوروش نی یکونلنتیریش اوچون بیر بیراولری بیلن صحبت اوتکزیش‌لری کیره‌ک.
- خلیلزاد، آمریکا نینگ تینچلیک جریانیدن حمایت قیلیشیدن ایشانچ بیرگن
- آنتونی بلینکن: هیچ کیم افغانستانده ایچکی اوروش باشله‌نیش‌گه علاقمند ایمس
- خلیلزاد و عبدالله تینچلیک سوزلشوولر خصوصیده بحث قیلگن
شونده‌ی بیرحالده، اوتگن کون اروپا بیرلیگی، ناتو، آلمان، فرانسه، ایتالیا، ناروی، بریتانیا و آمریکا خاص نماینده‌لری قوشمه بیر اعلامیه ترقه‌تیش بیلن طالبان گروهیدن، اعلام ایتیلمه‌گن بهاری هجوم‌لری نینگ توخته‌تیش‌لرینی سوره‌شدی.
سلام‌وطندار اوزبیکی نی فیسبوککه هم تعقیب قیلینگ!
مذکور مملکتلر تامانیدن ترقه‌تیلگن قوشمه اعلامیه‌ده، تینچ‌اهالی گه قرشی هجوملر قاره‌لنیب و مذکور مملکت خاص نماینده‌لری مدنی جماعه‌چیلیک رهبرلری، دین عالم‌لری، خبرچیلر، رسانه ایشلاوچی‌لری، انسان حقلریدن مدافعه قیله‌دیگنلر، ساغلیک ایشلاوچیلر و تینچ‌اهالی گه قرشی ریجه‌لنگن ترورلری نینگ تیزلیککه توخته‌تیلیشی نی سوره‌شگن.
عین حالده، طالبان مذاکره‌چی هیأت اورین‌باسری شیرمحمد عباس استانکزی نینگ ایتیشیچه، مذکور گروه برچه تشقی دیپلماتلر، خبرچیلر و انسان حقلری نهادلری نینگ ایشلاوچی‌لرینی خوفسیزلیگی تأمین‌لشی توغریسیده ایشانچ بیره‌دی.
