افغانستان ده درمانی خذمتلر ارائه‌سی خصوصیده‌گی موجود قیین‌چیلیک‌لردن انسان حقلرینی کوزه‌تووچی تشکیلاتی نینگ گزارشی ترقه‌تیلیشی بیلن بیرگه، ولایت‌لردن قطاری‌ده یشاوچیلر نینگ ایتیشلریچه، درمانی خذمت‌لردن فایده‌لنه آلمه‌ی و اوزاق تومن‌لردن کسل‌لری نینگ دوالش اوچون کابل گه کیته‌دیلر.
لوگر یشاوچیسی بولمیش ناصر نینگ ایتیشیچه، بو ولایت‌ده درمانی خذمت‌لردن فایده‌لنه آلمسلیک سبب، کسل باله‌سی نینگ دوالش اوچون کابل گه کیلتیرگن. اونینگ کوپه‌یتیریشیچه: «باله‌میز نینگ سینه بغل کسل‌لیگی بار و درمان بولسین دیب کابل گه کیلتیرگن ایدیم، بیراق شفاکارلر باله‌میز نینگ توغمه یوره‌ک کسل‌لیگی گه چلینگن دیگنلر.»
بیزلرنینگ فیسبوک صحیفه‌میزگه باش اورینگ!
اندراگاندی کسل‌خانه‌سیگه باله‌سی نینگ دوالش اوچون کیلتیرگن خوست ولایتی یشاوچیسی سید لطیف، ساغیلق‌نی سقلش وزیرلیگی‌دن ولایت‌لرده ساغلیق خذمتلر یخشی‌لنیشی اوچون سعی و حرکت قیلیشلری نی ایسته‌گن. اونینگ کوپه‌یتیریشیچه: «دولت‌دن هر ولایت‌ده کسل‌خانه ایجاد قیلیشی نی ایسته‌یمیز که یشاوچیلر باشقه ولایت‌لر گه بارمه‌سینلر و اوز ولایت‌لریده درمان‌لنسینلر.»
شونده‌ی بیرحالده، انسان حقلری کوزه‌تووچیسی (دوشنبه، ۲۳-دلو)، ینگی بیر گزارشده ایتیشیچه، افغانستان ساغلیق بولیمی خصوصیده تشقی یاردم‌لر نینگ جدی شکلده کمه‌یگنی، اوشبو مملکت یشاوچیلریدن میلیون‌لرچه‌سی نینگ ساغلیگی نی خطر بیلن روپه‌ره قیلگن.
اوشبو نهاد نینگ کوپه‌یتیریشیچه، ساغلیق بحرانی افغانستان یشاوچیلری نینگ توییب-آوقت‌لنمسلیک و باشقه کسل‌لیکلر بیلن روپه‌ره بولیشی گه سبب بولگن.
بو گزارشده انسان حقلرینی کوزه‌تووچی تشکیلاتی ده افغانستان تدقیقاتچیسی فرشته عباسی نینگ ایتیشیچه: «چیت ایل‌لیک یاردم‌لرنی قول‌دن کیتیشی و خاتین_قیزلر حقلری اسلام امیرلیگی تامانیدن نقض ایتیلیشی، ساغلیق بولیمیگه خواطرلی توسیق‌لیکلرنی اورته گه آلیب کیلگن. بو ایسه جماعه نینگ توییب آوقت‌لنمسلیک کبی کسل‌لیکلرگه روپه ره قیله‌دی.»
بیزلرنینگ «ایکس» ترماغی ده هم تعقیب قیلینگ!
بو توغریده ساغلیق‌نی سقلش وزیرلیگی نینگ فکری نی آلیش ایسته‌دیک؛ بیراق بو وزیرلیک سلام‌وطندار نینگ قونقراغلری گه جواب قیترمه‌گن.
بوندن آلدین بیرلشگن ملتلر تشکیلاتی باله‌لردن حمایت قیلووچی صندیغی (یونیسف) نینگ اعلام قیلیشیچه، افغانستان ده ۹ میلیون ۵۰۰ مینگ کیشی درمانی خذمت‌لردن فایده‌لنیش امکانی بولمه‌گن جای‌لرده حیات کیچیره‌دی.
